احبها

الفصل السابع و العشرون احبها كان بالفعل من الصباح يتجاهلها يحاول بقدر الامكان الابتعاد عنها حتى هى لاحظت ذلك فهى حينما تدخل الية تضع شئ او تحدثة بمواعيد يستمع لها دون ان ينظر اليها ثم بعد ذلك يطلب منها الذهاب لمكتبها هل فعلت شئ خاطئ فهى حتى حينما كانت قد اتت ف البداية لم يكن يعاملها بتلك الطريقة فهو كانة يطردها من مكتبة لابد ان تتحدث معة لابد من ذلك فالموضوع الان شديد الاهمية ولن يهمها حتى لو ضايقها دقت باب مكتبة فمسح هو على شعرة آسر: مش ناوية تجيبيها لبر ياناردين وتهمدى ف الارض عايزة اية منى يابنت الناس بس ارحمينى لم تجد هى رد فدقت مرة اخرى فاذن لها بالدخول .دخلت وجدتة منكب على عملة فتحدثت بتوتر قائلة بشمهندس ممكن اتكلم مع حضرتك آسر بجمود :قولى اللى عاوزة تقولية وخلصى ناردين بحزن انا عاوزة امشى رفع وجهة لها وجعد حاجبية يتمنى لو يكون الذى وصل لة خطأ وسالها مستفسرا عايزة تمشى ازاى يعنى تقصدى تروحى النهاردة ناردين: لا انا اا اقصد اسيب الشغل وقف من مكانة ضاربا على مكتبة قائلا بغضب نعمم!؟؟ تسيبى الشغل ازاى ناردين بخوف من غضبة يابشمهندس انا اقصد اسر بصوت كالفحيح: ها تقصدى اية؟ وهتسيبى الشغل اصلا لية ها؟ كان يقول كلماتة وهو يتقدم للامام مما جعلها تلقائيا تتراجع للخلف بخوف فهو الان منظرة مخيف كالعنة عينية حمراء غاضبة بشدة تخشى منة هى بشدة وكانها ايقظت وحش الان ماذا تفعل ماذا آسر: هاا مقولتليش تقصدى ايه؟؟ ناردين بخوف: يابشمهندس انا اقصد ان امتحاناتى خلاص اقل من اسبوع ولازم اذاكر لانت ملامح آسر نظر لها فوجدها خائفة بشدة هل الى ذلك الحد ارعبها نظر لها بشفقة ثم رجع للخلف مربعا يديه ثم قال: ها وبعدين ابتلعت ناردين ريقها الذى جف ثم قالت :محتاجة اذاكر علشان الامتحانات واكيد مش هقدر اجى فلو ينفع تخلينى اخد اجازة او لو مينفعش خلاص اسيب الشغل التف آسر حول نفسه كنمر جريح ثم قال لا انك تسيبى الشغل لا مستحيل فاهمة مستحيل كان يتحدث بهستريا وبطريقة غريبة كانه سيفقد شئ، تلك الطريقة التى اثارت حفيظتها ولفتت انتباهها سرعان ماقرأ آسر تعبيرات وجهها فهتف موضحا بجمود وكأنه استعاد سيطرته على نفسه :انتى سكرتيرتى ومعاكى كل اسرارى فمينفعش تسيبى الشغل مآمنش ليكى وكمان مش هقعد اجيب واحدة جديدة واعلمها الشغل من اول وجديد :طيب والحل قالتها ناردين بملل هز آسركتفيه قائلا بلا مبالاة ظاهرية : اتصرفى بس تسيبى الشغل ماينفعش مستحيل حكت ناردين فروة راسها دليل على انها تفكر مما جعل آسر يرفع حاجبيه بابتسامة على افعالها الطفولية الخرقاء تلك ثم قالت مفيش حل غير انى اخد اجازة لحد لما اخلص الامتحانات آسر: طيب والشغل ناردين: زى ماعملت قبل كدة هنظم الشغل آسر: بس دة مش يوم ولا اتنين دة تقريبا داخل على شهر ناردين: عارفة بس فيه بين كل مادة والتانية مش اقل من ٣ ايام ممكن اظبط فيهم الشغل واذاكر يعنى اجى يوم  واغيب يومين آسر: ماشى بس حاولى تظبطى الشغل ناردين: ماهو مفيش مانع ان حد يساعدنى شادى او اى حد لان بصراحة حرام مذاكرة وامتحانات وشغل قالتها بتذمر كبير وهى تزم شفتيها كطفلة صغيرة تشكى اخيها الذى اكل حلوتها ل والدها ابتسم هو على طفوليتها وقال ماشى هخلى شادى يساعدك مبسوطة ياستى؟ انفرجت شفتيها عن ضحكة واسعة وقالت :بجد شكرا شكرا انا مش عارفة اشكر حضرتك ازاى قالتها وهى تقفز مكانها ثم ركضت للخارج قائلة :أنا هروح اظبط شغلى بسرعة نظر هو ف اثرها وهى تخرج من المكتب ثم حرك رأسة بيأس ثم رفع نظر للسماء قائلا طفلة بلتنى يارب بطفلة لية كدة بس ______________ ________________________ اخذ ملف من مكتبه ذاهبا الى مكتب المدير ثم قال لسكرتيره :هو المدير جوة يا عامر عامر:اة جوة ادخل دخل كريم ورفع وجهه قائلا الملف دة محتاج امضتك يافندم رفع حسام وجهه ثم قال بصدمة كريم!! انت بتعمل اية هنا ؟؟ كريم: حسام انت اللى بتعمل ايه هنا ؟؟ثم قال بتذكر هو انت ابن اخت ابراهيم باشا اومئ حسام وقال اه وجيت استلم الشغل هنا مكان خالى ابتسم كريم وقال وانا بشتغل هنا قال حسام بتشتغل هنا ؟؟بتشتغل هنا ايه؟؟ رفع كريم الملف بيده وقال محاسب انا بشتغل هنا محاسب ثم ضحك وقال محتاج امضة سيادتك يا فندم اخذ حسام الملف وهو يضحك ثم وقع عليه وقال يااه ياكريم مشوفتكش من زمان يا اخى فين ايام زمان ضحك كريم وقال اة وهتشوفنى ازاى وانت ف امريكا ثم قال واية اخبار حياتك فيه جديد حسام بتنهيدة :ولا اى جديد مفيش حاجة غير انى معايا ماجستير ادارة اعمال كريم بنصف عين :والبنت اللى كنت بتحبها؟ حسام: مكلمتهاش عن اى حاجة يعنى تقدر تقول حياتى لسة واقفة كريم: وهى لسة موجودة اومئ حسام برأسه فقال كريم يبقى خلاص متسبهاش تضيع من ايدك بدل ماتضيع خالص حسام: ماهو دة اللى هعمله ثم انتبه له وقال سيبك منى اخبار حياتك انت ايه؟ رفع كريم يده موضحا حلقتة الفضية وقال خطبت وعن حب كمان حسام بسعادة حقيقية الف مبروك ياكريم وربنا يتمملك بخير ضحك كريم ونظر له حسام فقال الاول مش غريبة انا اول مرة شوفتك فيها متوقعتش اننا نبقى اصحاب يوم ماكنت هاتخبطنى بالعربية ضحك حسام وقال يومها انا اتخضيت جامد وجريت عليك بس انا نسيت كل حاجة من صوت البنت اللى كانت معاك ضحك كريم بشدة فقد كان الحديث عن ناردين حسام: بنت اوزعة كدة وتيجى ف اعدادى او اولى ثانوى ومع ذلك غسلتنى ونشرتنى كريم وهو غير قادر على التوقف عن الضحك عندما تذكر الموقف تعمل ايه وهى شايفة اخوها واقع ف الارض مفيش قدامها غير كدة من خوفها عليه ضحك حسام الاخر ثم اردف كريم قائلا    بس فين انت من زمان بقالى سنين مشوفتكش حسام: كنت قاعد ف امريكا ومجتش غير عشان خالى طلب كدة ثم رفع سبابته قائلا ومتسألش رحت ليه ومكنتش عاوز اجى ليه ابتسم كريم واومئ براسه ثم قال محاول تغيير مجرى الحديث ثانية متعرفش ناردين اختى فين دلوقتى انتبه حسام عند ذكر اسم تلك المجنونة وقال فين فتح كريم فمه ليتحدث فقاطعه رنين الهاتف فقام كريم وقال نكمل كلامنا بعدين ________________________________،________ كان ينظر لها بين الفينة والاخرى ويشعر باحتراق داخلى وهى مع شادى يساعدها يمزح معها احيانا،  احيانا يحاول تخفيف الوضع عنها وعلى الجانب الاخر ناردين: شادى كدة الملف دة تمام؟ شادى: اة تمام ناردين: وانا كدة ظبطت المواعيد كلها بتاعته يارب بس يرضى علينا ضحك شادى وقال لا ماتقلقيش ان شاء الله هيرضى بشغلك حركت ناردين عنقها للجانبين بتألم لتقول ب ارهاق ياريت لانى خلاااص هلكت ضحك شادى اكثر من طريقتها المسرحية تلك وهى تحرك يديها ثم تنام على المكتب ثم قال :اروح اجيبلك اكل وعصير ناردين بنفى :لا مش عاوزة مليش نفس شادى: لا طبعا لازم تاكلى انتى مأكلتيش اى حاجة من الصبح وكمان انتى عايزة كريم يزعل منى لما يعرف ان اخته ما اكلتش لا لا طبعا لا لازم تاكلى ناردين بطفولية :لا علشان خاطرى يا شادى بلاش آسر: ما تتنيلى وتاكلى ولا عاوزة تقعى من طولك وتجيبلنا مصيبة التفت كلاهما على صوت آسر الغاضب ولكن لما هو غاضب هكذا فقد فعلت ما اراد؟ لما هو غاضب عليها منذ الصباح؟ كانت تنظر له ب استفهام ولكن تدارك شادى الامر وقال :بشمهندس آسر احنا خلصنا الشغل كله وناردين ما شاء الله عليها نظمت كل حاجة نظر لة آسر ثم قال بحدة :على مكتبك تحرك شادى مبتعدا عن مرمى الاسهم التى تطلقها عيناه ولكن قبل ان يذهب نظر ل ناردين ب أسف لانه لا يستطيع ان يعينها بينما هى نظرت له بغضب وهى تلعنه  بداخلها بعد ذهابه نظر لها آسر وقال :مش نشوف شغلنا بقى كانت خائفة ولكنها رفعت حاجبها له وقالت :انا خلصت شغلى وظبطت كل حاجة لمدة اسبوع قدام ونظمتهم الملفات المهمة اللى محتاجة تتراجع مع شادى ونظمت كل حاجة زى قبل كدة والورقة اللى فيها الملفات منظماها ازاى نسخة مع شادى ونسخة مع الاستقبال ومنظمة كمان جدول المواعيد وسيباه مع الاستقبال ثم ربعت يديها وقالت بيتهيألى انا كدة خلصت ينفع اروح علشان اشوف مذاكرتى لان وجودى دلوقتى يعتبر ملوش لازمة ولا اية؟؟ رفع حاجبة لها ولكنه قال على عكس توقعها وبكل هدوء :امشى :هااة :امشى انتى كدة خلصتى شغلك امشى امسكت حقيبتها وركضت وكانها تخشى تغييره لرأيه ثم قالت :تمام انا ماشية سلام سلام ضحك هو عليها ولم يستطع ان يتمالك نفسه فما امامه هى طفلة صغيرة بمعنى الكلمة :طفلة همس بتلك الكلمة وهو يحرك رأسه بيأس   _________________________________________ مرت الايام على جميعهم كلا يفكر بمستقبله ويتجهزون لامتحاناتهم ايلين تتجهز لاختباراتها ناردين ومى و مارينا جميعهم يذاكرون ويجتمعون لدى ناردين حتى يشرح لهم كريم ما يصعب عليهم فهمه جميعهم يجتهدون بينما لدى حسام كان يعود مبكرا ليستطع رؤية ايلين فهو يعلم انها بالمنزل كما انه كان يتحين الفرص ليشرح لها ما تريد بما انه لديه ماجستير ف ادارة الاعمال كلا يستطيع رؤية محبوبته الا بطلنا العزيز اصبح من الصعب عليه رؤيتها فهى الآن بالمنزل تذاكر وتتجهز للدراسة بينما اصبح هو كقنبلة موقوتة تتجهز للانفجار باى وقت اعصابه ملتهبة اصبح يخشاه الجميع اكثر من ذى قبل وجميعهم يحاولون بقدر الامكان الابتعاد عنه _____________ __________________________ كان يجلس بمكتبه ينظر بين الفينة والاخرى نحو مكتبها اكثر من ثلاثة ايام لم يرها ولم يستمع صوتها حتى طيفها لم يخرج من المنزل، صارح نفسه هو يحبها، يحبها بشدة لا يعلم متى واين وكيف ولكنه احبها، يريد رؤيتها بشدة ويتحين الفرص لذلك متى؟ متى اصبحت تعنى له كل هذا ضحكتها تجعله سعيدا، حزنها يضايقه، بعادها يكاد يجعله يجن، وحينما يشعر بان احدهم سياخذها منه يود لو يقتله، يحفظ حركاتها عن ظهر قلب، يعشق ابتسامتها وضحكتها، هى الوحيدة بالعالم كله المسموح لها بمضايقته ومداعبته والغريب انه يتقبل ذلك، هى الوحيدة المسموح لها بان تعارضه وتتمرد عليه، ابتسم بسخرية حتى انها تضع يديها بخصرها امامه حتى والده لا يستطيع معارضته والعجيب انه يستلذ بالامر  ويستلذ بكل حركاتها الطفولية ويحبها ماذا يحدث له ماذا؟؟ كان حسام محقا فقد استحوزت هى على كل شئ قلبه عقله ضحكته تفكيره وضحكته؟ متى اصبحت لدية ضحكة ؟هذة الضحكة هى من صنعتها؟ وهى من فعلتها؟ ابتسم بسخرية كان حسام محقا زفر انفاسه الحارة وكأن صدره يشتعل ثم قام فجاءة من مكانه فهو عليه ان يقوم بتلك الخطوة سحب مفاتيحه وخرج خارج الشركة باكملها وفى عينيه تصميم يعلم الى اين يتوجه ويعلم ماذا يفعل فهو سيفعل هذا الامر مهما تكلف منه بسسسسس ياترى اسر رايح فين اية اللى هيحصل توقعاتكم للفصول القادمة اشوفكم على خير #Marian