نصيحة ٢

الفصل السابع عشر نصيحة٢ ذهبت ناردين لتحضير السفرة ولكنها فوجئت بمن يسحبها من ملابس من خلف عنقها ويسحبها الى المطبخ نظرت لذلك الشخص فتنهدت بارتياح عقب تلك الحركة المفاجئة قائلة :ماما حرام عليكى خضيتينى نظرت اليها والدتها نظرة حارقة وقالت :حرام عليا !!دة مافى حرام غير خلفتك انتى يافضحانى وسط الناس ثم ضربت ظهر يدها بباطن الاخر قائلة :جايبة مديرك ومدير اخوكى وعزماه عندنا لا وعازماه على العشا وقولنا ماشى مفيش حاجة لكن تعزميه على فول وطعمية وكشرى وبدنجان دة اللى مش ممكن ثم نظرت لها والدتها نظرة ثاقبة وقالت ناوية على اية يابت بطنى تظاهرت ناردين بالانشغال قائلة وانا هنوى على ايه؟ وهعرف منين ان انا فى الشغل و انه هيوصلنى وكمان هيطلع معايا الموضوع صدفة مش اكتر ثم قالت بمرح وبعدين يعنى الجماعة الاغنيا دول ملهمش نفس ياكلو من اكل عامة الشعب دة حتى الدراسات العلمية اثبتت ان الفول بيزود الذكاء وسرعة البديهة رفعت لها سامية حاجبها فقالت ناردين :مش بيزوده اوى يعنى بس بيساعد وبعدين دة الاكل اللى عندنا وهو جه ياكل بقى منه مش هنعمله مخصوص امسكتها سامية وجعلتها تلتف لمواجهتها ثم قالت :ناردين انتى تضحكى على اى حد بالكلمتين دول لكن انا لا يابنت بطنى انتى بنتى ياناردين يعنى حفظاكى صم قوليلى اية اللى فى دماغك نظرت لها ناردين ثم علمت بانه لابد من المواجهة والاعتراف فطأطأت رأسها قائلة :بصى يا ماما كل اللى اقدر اقولهولك بان اتطلب منى انى اساعده وده الحل الوحيد ارجوكى جارينى فى اللى بعمله ارجوكى يا امى نظرت لها سامية ثم قالت بحسم وهى تتحرك :لا انا هاروح اطلب ديليفرى لان عمايل الاكل هتاخد وقت ومش هنتفضح اوقفتها ناردين بكلماتها قائلة والديليفرى هياخد مش اقل من ساعة على ما ييجى وكدة هيفتكر ان احنا بنهينه فلازم ان احنا نقدم الاكل رجعت لها سامية بغضب قائلة :ناردين انتى حطيتينا فى مشكلة كبيرة اللى برة دة التايجر ومديرك انتى واخوكى ولو اعتبرها اهانة هنروح ف داهية نظرت لها ناردين بهدوء وقالت :متقلقيش سيبيها على الله ثم عليا وجارينى فى اللى بعمله نظرت لها سامية بقلة حيلة ثم تحركت لوضع الطعام على السفرة ولم يكن احد يعلم ان هناك من يستمع لكلامهم ثم ابتسم وقرر مجاراة ابنته المجنونة ______________________________________ رصت ناردين الاطباق ثم جرت باتجاه غرفة الصالون قائلة :ابو على الاكل جاهز يلا بسرعة قبل مايبرد يلا يا بشمهندس نظر لها حسن ثم وجه حديثه باتجاه آسر بابتسامة رزينة قائلا :اتفضل يا بشمهندس الاكل جاهز نظر له آسر ثم قال :لا شكرا يافندم انا شبعان بالهنا والشفا انتو استأذن انا واسف لتاخير ناردين كاد حسن يتحدث حينما قاطعته ناردين قائلة تستأذن دة اية انا عارفة ان البيت مش قد المقام والاكل كمان مش هنعرف نعمل الاكل بتاعكم اللى مش بعرف انطقه دة بس لازم تاخد واجب ضيافتك دى الاصول كتم الجميع ضحكتهم بالكاد بينما نظر لها الاخر بصدمة من طريقة حديثها وكادت تفلت منه ضحكة على طريقة كلامها بالاضافة الى تعببرات وجهها التى تشبة طفلة صغيرة تكاد تبكى بسبب اهانة احدهم لها قطع كل النظرات حديث حسن الجاد حينما قال :خلاص يابنى ناردين معاها حق اتفضل علشان تتعشا معانا يلا ابتسمت ناردين ثم قفزت قائلة :تعجبنى يا ابو على وانت شديد كدة قولتهالك قبل كدة لو مكنتش متجوز الولية اللى اسمها امى كنت اتجوزتك نظر لها آسر باستغراب بينما قال حسن بضحك :ماشى يالمضة ثم التف لاسر قائلا اتفضل يابنى على السفرة بعد تحرك آسر خطوتين سمع الجميع صرخة ناردين التفو بسرعة فوجدو كريم يمسك اذنها ولكن بمجرد ان لاحظ نظرة الجميع تجاهه ترك اذنها سريعا بينما قالت هى بتذمر وهى تفرك اذنها :اية دة يا كريم قولتلك قبل كدة بلاش هزار البوابين بتاعك دة قال حسن بحسم :كريم اتفضل على السفرة تحرك كريم دون حديث وكذلك الجميع وكذلك آسر جلس الجميع وقد كان آسر يجلس امام ناردين بينما يجلس كريم بجانبها ومن الجانب الاخر راندا وعلى الجهة الاخرى يجلس بجانب آسر حسن ابتداو برفع الاغطية وصدم الجميع بينما وضعت سامية يدها على عيناها حينما قال حسن :معلهش يابشمهندس محدش يعرف ان حضرتك جاى بينما قالت ناردين بمرح ايوة محدش يعرف انك كنت جاى وبعدين لو كنا نعرف كنا دبحنالك عجل قال حسن :لا متزوديهاش ومتخليهاش توسع منك قالت ناردين بمرح: خلاص نخليها فرخة قال كريم :لا ماهو ياتوسعيها ياتضيقيها خالص نظرت لة بغيظ ثم قالت خلاص نخليها معزة اية رأيك قال لها بسماجة:اية رايك نخليها سردين ؟ نظرت له بغيظ واعطته نظرة حارقة فقال وهو بالكاد بستطيع كتم ضحكتة اية انا بقول سردين مش ناردين ناردين: بقولك اية يابخيل انت خليك ف حالك اسكتهم جميعهم صوت حسن المحتد حينما صرخ قائلا :اسكتو انتو الاتنين هو مفيش احترام للكبير كله ف اكله زمت ناردين شفتيها بحزن طفولى وقد اغرورقت عيناها بالدموع بسبب صراخ والدها عليها امام الغريب ثم قالت بس حضرتك شايف هو عمل ايه تنهد حسن ثم اشار لها قائلا :تعالى يا نادو تعالى ذهبت ناردين وجلست بجوار والدها فقال بابتسامة خلاص ياناردين خلاص دة انتى حتى حبيبتى مش كدة نظرت له بحزن فقال بهدوء خلاص يا ناردين دة انتى حتى اسم على مسمى دة انتى طيب الناردين الفواح اثارت هذة الكلمة او اللقب انتباه آسر بينما قال كريم هى فعلا اسم على مسمى زى ما بقولها سردين ريحتة فاح نظرت له ناردين بغضب من اهانته لها امام رئيسها فقد نسى الجميع وجود آسر وبدأو يتصرفو على طبيعتهم فقالت بس يابخيل بدل ما ابدأ اتكلم وانا لو اتكلمت هطلع كل حاجة قطع كلامهم صرخة راندا قائلة بس هو انتو مش بتسكتو ابدا اية دة؟ اجابتها ناردين قائلة :بس يا بيبسى بدل ما ارجك اخليكى من غير صودا نظرت لها راندا بغيظ كل هذا كان تحت انظار آسر فما امامه عائلة بسيطة فى المستوى المادى حتى ف الاكل اكلاتهم بسيطة ولكنها عائلة متماسكة ثم نظر لناردين وكريم التى عادت للجلوس بجانب اخيها ويهمسان ويتضاحكان كان يحسدها على قربها لاخيها بينما هو بعيد عن اخته جدا قريبة من والدها وعائلتها يحسدها على ذلك المرح وتلك الضحكة التى تعيش بها منزلها يبدو بسيط مستوى اجتماعى يستطيع ان يقول عنه اقل من متوسط ولكنهم سعداء مقربون افاق من دوامة افكاره واحزانه على صوتها وهى تهتف قائلة ميما هاتى هنا شوية كشرى لكيمو ثم وضعت الطبق امام اخيها بعد ان امتلئ قائلة كل يا كيمو كل يا حبيبى نظر لضحكتها وعائلتها لما؟ لما لديها كل تلك السعادة وهى فتاة بسيطة لا تمتلك الكثير وهو على الرغم من انه يمتلك كل شئ لا يمتلك السعادة يمتلك فقط الحزن ولا يمتلك عائلة قريبة منه لاول مرة يحسد شخص اقل منه على شئ ما لم يستطع التحمل ل ذلك استاذن للذهاب آسر: انا اسف يا جماعة مضطر انى امشى اتاخرت اوى حسن: اقعد يا بشمهندس هو حضرتك لسة قعدت آسر: معلهش يا استاذ حسن مرة تانية باذن الله ثم هم بالذهاب حينما توقف اثر سماع ذلك الصوت قائلا خليك يا كيمو انا هوصله التف لتلك المجنونة قائلا لا ابدا مفيش داعى تتعبى نفسك قاطعته باصرار اكبر قائلة: لا ابدا يا فندم مفيش تعب ولا حاجة ______________________________________ وصل الى السيارة ثم قالت له احنا اتشرفنا جدا بوجودك النهاردة يا بشمهندس متشكرين اوى ثم قالت بابتسامة تصبح على خير والتفت للذهاب حينما قال انتى عاوزة توصلى لايه بكل اللى بتعمليه دة كانت قد سارت عدة خطوات ولكنها توقفت اثر قوله انتى عايزة اية ياناردين مستحيل تكونى كل اللى عاملاه صدفة عايزة توصلى لايه موضوع التأخير فى الشغل واصرارك على انى اوصلك بنفسى مش مجرد ان السواق يوصلك وبعدها اصرارك على انى اطلع معاكى بحجة اسلم على اهلك ثم موضوع العشا الغريب دة اللى واضح انك مدبراله من زمان وتصرفاتك فى البيت على الرغم من وجود شخص غريب الا انك بتتصرفى باريحية كان كل اللى فى البيت عيلتك بس مش معاكى شخص غريب ثم قال بحسم وبصراخ قوليلى عاوزة توصلى ل ايه كانت متوترة جدا خائفة بشدة من ردة فعله ولكن من حسن حظها انها كانت تعطيه ظهرها وهو يتحدث تحدثت وهى مازالت تعطية ظهرها قائلة وليه ما يكونش الموضوع صدفة مش اكتر؟ ليه متاكد بانى عاوزة اوصل لحاجة؟ انا اتاخرت وحضرتك جيت توصلنى، احنا ناس بسيطة بس من الاصول ان لازم نعزم على الضيف بالدخول، و ده الاكل اللى ماما عملاه عادى كلة صدفة تحدث بحسم قائلا بغضب : بلاش تستغبينى ياناردين عاوزة توصلى ل ايه ادارت نصف جسدها له ثم ابتسمت وقالت : فعلا انا عاوزة اوصل لحاجة نظر لها باستفهام فقالت :السعادة عمرها ما كانت بالاكل او بالشرب او النفوذ السعادة بلمة عيلتك واصحابك حواليك، السعادة بانك ترضى بقليله مهما كان وتقبله من ربنا بشكر، السعادة بالحب، السعادة بانك تتصرف بطبيعتك مع الناس اللى بتحبهم من غير مظاهر، السعادة بانك بتبين اللى جواك من غير ماتخبى، من غير متكدب فى الظهور، كون زى ما انت عاوز حتى لو طفل لو ده هيسعدك رفعت كتفيها بلا مبالاة قائلة يبقى اعمله، اعمل اللى هيبسطك من غير خوف ثم نظرت اليه قائلة( الحياة فن والشاطر اللى يتعلمه) انا عندى مبدأ بمشى عليه لدرجة ان اصحابى حفظوه اكملت موضحة :امبارح فات خلاص مقدرش انى ارجعة ويمكن مش هقدر انى انساه بس اقدر احاول اتنساه بعد ما اتعلم منه وبكرة مش عارفة هييجى ولا لا ثم رفعت سبابتها مكملة يبقى مش عندى غير النهاردة بس فلازم اعيشه ب افضل مايكون بابتسامة وضحكة حلوة تسائل هو :واللى فات واتدمر ومش هيقدر يرجع رفعت كتفيها بلا مبالاة وقالت بس انت لسة عايش وتقدر تعمل بداله ثم اكملت بنبرة ذات مغزى مش انت الوحيد اللى اتاذيت او اتوجعت بس بلاش تعيش دور الموجوع دة كتير وفوق منه كان سينهى الكلام باسلوب التايجر ولكنه تفاجئ بها تبتسم وتولى له ظهرها عائدة لمنزلها تاركة اياها واقفا ف الشارع بعد ان تأكدت ان سهمها قد اصاب فى مكانه بينما وقف هو فى مكانه لا يصدق بانها استطاعت كشفه وفضحه امام نفسه لا بل بالأحرى استطاعت تقديم النصيحة له، لا يصدق ان تلك الصغيرة ذكية لهذة الدرجة بل واستطاعت الحديث وانهاءه وهو لم يستطع الحديث لاول مرة يستطع احدهم ان يتعدى قناعات وحصون التايجر ويدخل لآسر ذلك الذى ظن انه مات تحدث مع نفسة قائلا :شكلك مش سهلة ابدا ياناردين مش سهلة ابدا ثم التف للذهاب لمنزله _________"_______________________،_______ على الجانب الاخر كان هناك من يراقب ما يحدث ثم تحدث مع نفسه قائلا :شكلك خدتى راحتك اوى يا ناردين ونسيتينى بس مش هيحصل اقل من اسبوع اقل من اسبوع بس انهى فيه كل الادلة بحيث تبقى الاوراق اللى معاكى ملهاش لازمة وهترجعيلى تانى هترجعى لحضنى انا وبس بالذوق او العافية هترجعى بس اخلص من موضوع الاوراق فى الاول __________________________________________ فى قصر التهامى كانت تنتظر مجئ اخيها حتى تنفذ خطة ناردين حتى سمعت صوت السيارة ركضت تجاه الباب وجدته يدخل ويبدو بانه غارق فى التفكير ركضت تجاهه ورسمت على وجهها ابتسامة متوترة ثم هتفت قائلة :آسر حمد الله على السلامة نظر آسر تجاهها بنظرات مبهمة بينما هى اكملت قائلة بمرح مصطنع كنت فين كدة واخرت كدة لية؟ لم يجب بل اكمل النظر اليها وكأنه يراها لاول مرة ثم تحدث اخيرا قائلا انا عاوز انام علشان تعبان نظرت لة باستغراب ثم قالت مالك يا آسر فيه ايه نظر لها ثم تحدث قائلا :معلهش محتاج اكون لوحدى بكرة نتكلم كانت نبرتة اقرب للرجاء مما جعلها تومئ براسها بينما تركها هو ودخل الى غرفته ارتمى على سريره يفكر فى كلام ناردين بينما هى دخلت غرفتها وضغطت على ازرار هاتفها وانتظرت الرد بسسسسس تفتكرو اية اللى هيحصل لاسر وهيتغير ولا لا هانى هيعمل اية ايلين اتصلت بمين توقعاتكم للاحداث القادمة وتقييمكم للبارت دة