هدية

الفصل الثامن عشر هدية دخلت الى المنزل ولكنها فوجئت من ذلك الصوت الذى ياتى من خلفها قائلا :نفذتى اللى ف دماغك خلاص اخيرا؟ نظرت الى مصدر الصوت بتفاجئ عقب تلك الخضة ثم قالت بتوتر بابا تقصد ايه؟ نظر اليها حسن بابتسامة رزينة ثم قال وهو يضع يده على كتفها اقصد مديرك وقبل ما تقولى حاجة انا سمعت كلامك مع مامتك ف المطبخ وشوفتك وانتى بتكلميه نظرت لة بتوتر فاجاب قائلا تقدرى تقوليلى ايه اللى كنتى عاوزة توصليله بقى من اللى عملتيه اجابتة ببساطة قائلة بلا مبالاة افوقه نظر لها باستغراب فقالت كل واحد ف الدنيا بيحتاج انه يفوق فيه ناس بتفوق من طريقتها الغلط عن طريق اشارة وفيه ناس عن طريق الكلام وفيه عن طريق قلم قوى على وشها يفوقها وفيه ناس عن طريق حيل ضحك هو على طريقتها ثم قال وانتى متوقعة انة هيفوق باى طريقة اجابته قائلة الاشارة ماتنفعش معاه لانه عدى المرحلة دى من زمان والكلام صعب انك تحكى مع التايجر وربنا مايجيب قلم على الوش لان دى بتبقى مصيبة كبيرة نظر لها ثم قال ببقى مفيش غير الحيل اومئت براسها ثم قالت بالظبط كدة حسن: بس لازم تخلى بالك لان اللعب مع التايجر خطر ناردين: عارفة بس ربنا معانا واحنا عاملين على مصلحته حسن :ربنا معاكى يالا روحى نامى ابتسمت لة قائلة: تصبح على خير يا ابو على دخلت للنوم بينما سمع هو صوت من الخلف قائلا والله محدش مدلع البت دى وهيبوظها غيرك ابتسم لها ثم قال سيبيها محدش عارف الزمن مخبى ليها ايه ف حياتها خليها تعتمد على نفسها وتاخد قرارتها بنفسها اومئت سامية قائلة: ماشى لما نشوف اخرتها _____________________________________ دخلت غرفتها فوجدت هاتفها يصدح بالرنين نظرت الى المتصل ثم اجابت قائلة ها عملتى ايه؟ ايلين :ولا اى حاجة جه مخنوق ومش عاوز يكلم حد ناردين بقلق :مخنوق ازاى يعنى بيزعق وكدة وهايج ف الناس زى التور ايلين بحدة طفيفة :قولتلك قبل كدة متقوليش عليه كدة ناردين: نسيب المهم وندخل ف اقول ايه ومش ايه انطقى المهم ايلين:لا مش متعصب دة انا حسدته بس هادى جدا وحزين وباين انه ف عالم تانى انا نفسى استغربت حسيت انى بكلم واحد معرفوش ناردين بابتسامة: حلو اوى كدة اول خطوة نجحت يبقى باقى الخطوة التانية ايلين: اية هى الخطوة التانية؟ ناردين: هقولك ________________________________________ دخل مكتبه غاضب الى حد ما نظر لها اثناء دخوله مكتبه ثم دخل شعرت بشعورين مختلفين احدهم الفرحة لكونها استطاعت النجاح والثانية الخوف اذا علم انها هى صاحبة الفكرة ثوانى وخرج من مكتبه وقال لها :تعالى عايزك علمت فى ذلك الوقت بانه علم انها هى دخلت مكتبه ثم قالت بمنتهى البراءة وكأنها لم تفعل شئ تحت امرك يافندم حضرتك طلبتنى نظر لها بحدة ثم قال ناردين حسن الصاوى فى حياتى كلها ماحفظتش اسم موظف عندى ثنائى لكن انتى استثناء حفظت اسمك صم اجابتة ببراءة قائلة دة شرف ليا يافندم نظر لها بغيظ فهو يعلم انها هى السبب فقال انتى عارفة انا حافظ اسمك ليه؟ ناردين: ليه؟ لان كل واحد لازم يعرف من اين تاتى مصائبه وانتى مش مصيبة انتى كارثة متحركة ناردين ببراءة:لية كدة؟ آسر: بت انتى هو انتى حد موصيكى عليا الاول تدينى نصايح ودلوقتى اختى اجابته ببراءة مستفزة وكانها لاتعلم شئ :ليه هو انا جيت جمبها ولا قولتلها حاجة؟ نظر لها بشك ثم قال :يعنى مش انتى اللى قولتيلها انها متاخدش منى مجوهرات ولا هدايا طالباها سكرتيرتى ناردين: هة هو انت كنت بتخلى السكرتيرة هى اللى تجيب هدايا لاختك ليه وانت رحت فين امال اختك ازاى وهدية ازاى دى الهدية مش بتمنها لكن بمحبتها محبتها وانت بتختارها وانت بتختار اية اللى بتحبه اختك وايه اللى بتكرهه وانت بتتعب علشان تختار ليها حتى لو حاجة رخيصة ابتسم بتهكم فقد علم انها هى السبب ف ذلك الامر فهى بغباءها كررت نفس كلمات اخته ولكنه قرر ان يتقرب من اخته وان يُعَلم تلك التى تزج انفها فى حياته درسا فاجاب تمام بما انك عارفاها انتى اللى هتلفى على المحلات وتشترى ناردين: واشترى الهدية وانت متعرفش ايه اللى جواها وانا اللى الف وانت تقعد لا مستحيل مش زى كل مرة ابتسم بانتصار قائلا وانتى عرفتى منين ان انا بعمل كدة كل مرة توترت ناردين ثم قالت بتوتر ماهو حضرتك اللى قلت مش قلت ان سكرتيرتك اللى بتختارها اجابها قائلا: مش مشكلة انتى اختارى وانا هشوفها اجابته بقوة بعد ان استعادت قوتها قائلة : مستحيل مش هيحصل مش زى كل مرة انت تاخد هدية غيرك جايبها وتقدمها بدون احساس لازم تتعب نفسك علشان تفرح اختك كل مرة يا بتخلى الجواهرجى ينقى مجوهرات وتاخدها لاختك ف عيد ميلادها او ف اى مناسبة حتى بتاخد العلبة ومش عارف اية جواها وتقدمها ليها كدة وخلاص ولا تخلى السكرتيرة تنقى ليها اى فستان وتقدمة من غير حتى ماتعرف لونه اية نظر لها بانتصار ثم قال وانتى عرفتى منين كل دة ناردين: منها ويكون ف علمك انا مش هساعدك وخليها تحرجك زى ماهددتك الصبح :يعنى انتى صاحبة الفكرة صمتت فقد قادها تسرعها الى الوقوع فى فخ النمر فاجابت بتوتر :لا هى اللى قالت لى الصبح :ماشى قالها بعدم اقتناع ثم اردف قائلا بس بما انك صاحبتها اوى كدة هتساعدينى ف شرا هدية عيد ميلادها علمت وقتها بانها وقعت لامحالة فى فخه فقد قالها بقوة وامر جعلها تومئ براسها ثم هتفت وهى خارجة جاتها نيلة اللى تنصح حد انا ماكنت متنيلة وقاعدة ف بيتنا دى هتبقا خروجة سودا على دماغى مالاقيتش غير دة واخرج معاه انقى هدية حرك راسة بغير تصديق قائلا مجنونة طب والله مجنونة ال وعاملة نفسها مصلحة اجتماعية دة الواضح انك انتى عملى الاسود ثم حرك راسه يتذكر ماحدث صباحا Flash back دخلت ايلين الى غرفته قائلة بابتسامة آسر صباح الخير نظر لها باستغراب ثم قال :صباح النور خير نظرت لة باستهجان ثم قالت خير؟ حد يقول لاخته خير؟ آسر: انا مش فاضى قوليلى فية ايه على الصبح ايلين بابتسامة: بكرة عيد ميلادى آسر بنبرة عادية :طيب بكرة هتكون هديتك عندك ايلين بحزن هديتى اللى كل مرة بتخلى السكرتيرة تختارهالى ومش بتكون عارف هى اية، الهدية الحقيقية بتكون من القلب بتعب علشان تنقيها الهدية مش بتمنها الهدية بمقدار المحبة اللى متقدمة بيها وانك تعرف اية اللى بتحبه اختك وتختاره نظر لها بتهكم ثم قال يعنى انتى عاوزة اية دلوقتى مش عايزة فستان ولا مجوهرات آسر: امال؟ رفعت كتفيها بلا مبالاة قائلة اتصرف مش انت التايجر جيبلى هدية تعجبنى ومتكونش دول اة ومش عايزة اغير العربية ونقيلى هدية تعجبنى ولو معجبتنيش هحرجك قدام الناس كلها ثم ادارت نفسها لكى ترحل ثم اردفت قائلة كانها تذكرت شئ ما واة ماتفكرش ف انك تخلى سكرتيرتك هى اللى تجيبها او اى حد تانى ينقيها ممكن تطلب مساعدة من الناس وتعرف البنات بتحب اية بس انت اللى تختار ف الاخر فاهم وقد اعذر من انذر ثم التفت ذاهبة تاركة اياه فى حيرته فهو يعرف جنان اخته جيدا ويعرف انها قادرة على فعل اكثر من ذلك. Back ضرب كف باخر قائلا ياربى طب انا اعمل اية ف الجنان بتاعها دة اة مفيش حل غير المجنونة اللى برة دى _____________________________________ كان مازال ف غرفتة منذ يومين يفكر فى كلام ابنة خالة هل صحيح قد هرب من المواجهة هل بالفعل قد تغير آسر ذلك الطفل المرح الجميل واصبح نمر مفترس فهو قد قرا على الشبكة العنكبوتية عنه بعد انتهاء المحادثة معها وقد تبين له بانه اصبح قاسى متحجر القلب نمر مفترس تايجر ولكن ماذا يفعل ايعود الى ذلك المكان الممتلئ بالذكريات القديمة التى من المؤكد ستؤلمه ام يبقى ف مكانه وهو يعلم مما قرأ ان ابن خاله لن يتوانى عن فعل ما يريد تنهد قائلا دبرها من عندك يارب ____________________________________ خرج خارج مكتبه ونظر لها بينما الشرر يتطاير من عينيخ ثم قال عاوزك دخلت خلفه المكتب ثم قالت خير يافندم نظر لها نظرة حارقة ثم قال مش انتى بقا عملالى المصلح الاجتماعى يبقى دلوقتى بقى هتساعدينى نظرت لة بعدم فهم وقالت :اساعدك ازاى :هتنزلى معايا نشترى لاختى هدية عيد ميلادها ارتسمت ابتسامة واسعة على محياها ثم قالت بجد تحت امرك هننزل امتى نظر فى ساعتة ثم قال دلوقتى علشان نلحق نخلص صفقت بيديها كطفلة صغيرة وهى تقول :حاضر هوا بسبسلى بس وانا تحت امرك عقد حاجبيه بتعجب وهو يكرر ابسبسلك :اه يعنى قولى بس بس :ليه هو انتى قطة ؟ ضحكت قائلة :لا كلب ثم خرجت بسرعة بينما هو ضرب كف باخر وهو يقول مجنونة والله مجنونة الله يسامحك يا ايلين وقعتينى ف واحدة مجنونة _____________________________________ خرج كلاهما من المكنب وركبا السيارة نظر لها ثم قال هنروح فين محل مجوهرات ولا اتيلية نظرت له باستغراب ثم قالت ليه هو كل البنات متعرفش حاجة غير المجوهرات والفساتين فية حاجات تانية البنات بتحبها اكتر من دة نظر لها ثم قال اية نظرت له ثم قالت بحماس :الدباديب يوم لما تجيب لبنت دبدوب كانك جيبتلها هدية كبيرة ،القلوب ،البلونات،الورد،انك تدور على الحاجة اللى بتحبها وتعملها زى تغير ديكور اوضتها لو عاوزة صورة بتحبها اوى تبروزها ليها بشكل كويس او حتى انك تجيبلها علبة شيكولاتة بتحبها نظر لها باستغراب ثم قال :شيكولاتة ،دبدوب ،بلالين لية جايب هدية لطفلة نظرت لة ثم قالت بابتسامة :واضح انك متعرفش البنات البنت زى الطفل الصغير من جوة بتفرح اوى بالحاجات التافهة دى لانها طفلة من جوة وياسلام لو خدتها دريم بارك يبقى كدة انت وصلت البنت كدة من جوة الحاجات الصغيرة دى هى اللى بتفرح عمر ماكانت السعادة ف الخطوط العريضة انما ف التفاصيل الصغيرة نظر لها ثم قال مش مهم انا عاوز اجيب هدية كويسة وخلاص مش الكلام التافة دة ابتسمت له ثم تحركت ف ذلك المجمع التجارى الذى كانو قد وصلو له للتو ثم ذهبت الى ذلك المحل وظلت تتلفت فيه الى ان وجدت ضالتها وسط تلك القطع تلك الهدية القيمة وف نفس الوقت رقيقة تسر الناظر اليها بينما نظر لها آسر باستغراب مالبث ان ذهب حينما وجدها تفتح ذلك الصندوق الخشبى ومتحد به بعض المرايات والقطع الزجاجية الجميلة من اللون الازرق الهادئ والابيض الجميل ثم حركت ذلك المفتاح فخرجت منها تلك القطعة العاجية الجميلة المتخذة شكل فتاة ترقص مع موسيقى جميلة تخرج من ذلك الصندوق فقد كان صندوق موسيقى رائع جدا والوانه جميلة جدا وكذلك ذلك الصوت الخارج منه فقد كانت مقطوعة مميزة جميلة وهادئة مما جعله ينظر لها بانبهار فهى هدية مميزة بالفعل ثم نظرت له بابتسامة بريئة كطفلة صغيرة تاخذ راى والدها قائلة :اية رايك ف الهدية دى حلوة؟ نظر لها واومئ براسه قائلا بابتسامة هادئة كانت قد رأتها للمرة الاولى :حلوة .....حلوة جدا ثم نظر للبائع قائلا هناخد دى نظر لة البائع ثم قال بابتسامة واضح ان حبيبتك ذوقها رقيق وعالى اوى ربنا يخليكو لبعض اسرعت هى بالرد انا مش حبيبته ولا حاجة انا :صاحبة اخته بينما اتسعت ابتسامته عليها فهى تتحدث وكانها تنفى قضية كبيرة وليس مجرد سوء فهم ثم قال وهو لا يستطيع السيطرة على ابتسامته التى ظهرت وزادته وسامة وجمال على وسامته :هناخدها شوف سعرها كام وغلفها بطريقة كويسة اه والانسة ملهاش علاقة بيا مش كدة يا انسة؟ قال جملتة الاخيرة مما جعلها تنصدم وكذلك فرغ فاها من الصدمة فهى لاول مرة تراه يبتسم فهو بالفعل وسيم فهى الآن لا تلوم الفتيات على الوقوع فى حبه فهو بالفعل كالنجم السينمائى افاقت على صوته يهتف بضجر :مش هنمشى بقى ولا هنفضل واقفين كدة اليوم كله؟ :هة اة هنمشى هنمشى آسر: طيب يالا :ماشى خرج كلاهما من المتجر فنظر لها ثم قال :وانتى يا ناردين مش هتجيبى هدية نظرت له ثم قالت اكيد هجيب ثم التفت الى ذلك المتجر الذى يبيع الحلويات تاخرت قليلا ثم خرجت وهى تحمل تلك العلبة بيدها نظر لها باستغراب ثم قال :اية دة؟ شيكولاتة آسر: نعم !! ناردين: اة شيكولاتة آسر: انتى فاكرة انها هتعجبها اكيد لا ناردين: الهدية اهم حاجة انها تكون بحب والاهم اكتر انك تكون بتدور على اللى يبسط اللى قدامك مش مهم تمنها او حاجة المهم الحب بتاعها وتكون عارف اية اللى بيحبه نظر لها ثم حول وجهه بغير اقتناع ثم قال اعتبرى نفسك معزومة على العيد ميلاد ولازم تيجى :لا انا هقدم الهدية كدة بس مش هينفع اجى آسر: لا لازم تيجى ودة امر والا انتى حرة قال كلامة بنبرة صارمة جعلها تومئ براسها برعب فقد كانت اشبه بالتهديد وهى الآن تدرك ماهو التايجر بالتحديد بسسسس فصل لطيف وخفيف اهو عايزة تفاعل حلو علية ياترى اية اللى هيحصل عاوزة توقعاتكم واية سر دعوة آسر وياترى الحفلة دى هتمر كويسة ولا هيحصل فيها مشاكل عاوزة توقعاتكم اشوفكم على خير Marian