سوء فهم

الفصل الثالث عشر سوء فهم احيانا يظن الاباء بما يفعلون انهم يحمون اولادهم ولكن عليهم التفكير جيدا فربما فى اثناء حمايتهم من شر انفسهم يقتلون كل جميل فيهم فيجب اتباع الحذر فى اختيار كل شئ لهم _______________________________________ فى صباح اليوم التالى كان هذا اليوم الجمعة وهو اجازة ارتاحت فية ناردين من العمل كانت سعيدة لانها ستخرج مع اصدقائها ناردين :صباح الخير يا ماما سامية :صباح النور ياحبيبتى رايحة فين كدة ناردين بابتسامة رائعة مظهرة غمازاتيها وهى تبتسم هاروح اقضى اليوم مع رينا ومى سامية:مش هتفطرى ناردين :مش ليا نفس خرج كريم من غرفته قائلا على فين كدة من الصبح ناردين: رايحة مع مى و مارينا عقد حاجبية قائلا هو انتو خارجين انتو التلاتة فهمت مايرمى اليه فقالت وهى تضحك ماتقلقش هنخرج شوية وانت ابقى تعالى اومئ براسة قائلا تمام كمان ساعتين وهاجيلكم ضحكت هى قائلة: تمام اطير انا بقى ____________________________________ فى قصر التهامى نزلت ايلين تركض مرتدية ثياب رياضية فلاحظتها والدتها فقالت رايحة فين كدة يا لى لى ايلين :رايحة النادى يا مامى فريدة: مش هتفطرى ايلين:تؤ تؤ هفطر هناك فريدة :اوكى خلى بالك من نفسك ضحكت ايلين بمرح قائلة: حاضر ولو حد قالى تعالى اوديكى لماما ماروحش معاه ضحكت فريدة وهى تهز رأسها بيأس على ابنتها قائلة :طيب امشى يالمضة ضحكت ايلين وهى تشير لها قائلة طيب سلام انا بقى باى يامامى فريدة بااى ياحبيبتى __________________________________________ كانت تجلس فى ذلك المقهى مع اصدقائها فاردفت مى قائلة مش فاهمة مش انتى كنتى هتشتغلى فى شركة التهامى مالك ومال شركة ماكس مسحت ناردين وجهها بنفاذ صبر ثم قالت ما انا قولتلك مافيش مكان فى شركة التهامى ف اشتغلت فى شركة ماكس اردفت مارينا قائلة المهم الشغل هناك عامل ايه تنهدت ناردين بتعب قائلة متعب جدا اسر دة متعب اوى عامل زى مايكون مشغل انسان آلى مابيريحش حد حاسة كدة انه بيخلص تاره منى بسبب الكلام اللى قولتهوله اول مرة عقدت مارينا حاجبيها قائلة كلام اية اوعى تكونى عكيتى ف الكلام زى عوايدك اومئت ناردين برأسها فقالت مى عملتى اية احكيلى تنهدت وبدأت تسرد مقابلتها الاولى معه ضحكت الفتاتان بينما قالت مارينا بتهكم وزعلانة علشان عمل معاكى كدة دة بامانة دة اقل واجب واحد غيره كان بهدلك دافعت ناردين عن نفسها قائلة انا ماخدتش بالى ان صوتى عالى وكمان ماخدتش بالى أنه المدير وبينما هم يتحدثون مرت تلك السيارة الفارهة من امام المقهى فلاحظ من فيها هؤلاء الفتيات الثلاثة فارتسم ابتسامة واسعة على محياها وامرت السائق بايقاف السيارة فاردف السائق قائلا على فين ياهانم ايلين : داخلة الكافية عندك مانع السائق :لا ابدا يافندم تحت امرك دخلت هى لذلك المقهى وهتفت بابتسامة مشرقة :صباح الخير ممكن اقعد معاكم ارتسم الذهول والصدمة على ملامح ناردين بينما نظر لها الاخريات بتعجب ابتسمت ايلين بمرح قائلة اية ياناردين مش عاوزانى اقعد معاكم الف وارجع يعنى تداركت ناردين نفسها قائلة لا ابدا ياهانم اتفضلى صححت هى لها قائلة ايلين نظرت لها ناردين بتجب فاوضحت بابتسامة :ايلين وبس مفيش هانم ويافندم وحضرتك والكلام الفاضى دة اسمى ايلين وبس وياريت تعاملينى على انى بنت عادية مش اخت مديرك والكلام الفاضى دة اومئت ناردين بابتسامة قائلة اوكى قالت ايلين بمرح اية مش هتعرفينى على اللى معاكى ضحكت ناردين قائلة دول ليهم الشرف اشارت الى احداهم قائلة دى مارينا صاحبتى من حضانة وجارتى فى نفس الشارع واكتر من اختى واشارت الى الاخرى قائلة دى مى خطيبة اخويا وصاحبتى من ثانوى قطبت مى حاجبيها قائلة اخوكى انتى ليكى اخوات اومئت ناردين بابتسامة قائلة ايوة كريم اخويا شغال محاسب فى شركة باباكى هتفت ايلين قائلة كريم المحاسب العسول اللى بيشتغل عند بابى !!! دة انتى اكتر واحدة محظوظة دة البنات هناك هتموت علية و هيتجننو من البنت اللى خطفته بجد انتى واحدة محظوظة بكريم ضحكت ناردين بمرح وقالت اكيد مش اخويا لازم البنات تموت عليه ضحكت الفتيات ولم يلاحظ احد تلك الفتاة التى تشتعل من الغيرة وعيناها اتقدت بنار حارقة ثوانى واستمع الفتيات الى ذلك الصوت خلفهم يهتف قائلا ماتضحكونا معاكم التفت الفتيات فوجدن انه كريم فهتفت ناردين قائلة: كيمو تعالى احنا مسنيناك خد الامانة بتاعتك اهية التفت اليها فتصنم ثم هتف قائلا :ايلين هانم هنا ازى حضرتك يافندم ضحكت ايلين قائلة بمرح كويسة ياكيمو اخبارك انت اية كريم :انا كويس يافندم هو فية حاجة ايلين: لا مافيش ماتقلقش شوفت اختك فحبيت اتكلم معاها شوية اومئ برأسه متفهما هتفت ناردين قائلة: نسيبكم احنا بقى ولا ايه يا بنات اومئت الفتيات برأسهن وقامو ______________________________________ كان شاردا فى غرفته يفكر بالعمل الى ان دق الباب فانتبه له دلفت والدته هاتفة بمرح ممكن ادخل ولا ماينفعش ضحك قائلا دة لو ماشلتكيش الارض اشيلك فى عينى ياست الكل ابتسمت فريدة قائلة تسلم يابنى انا عايزة اكلمك فى موضوع يا اسر ضيق عيناة محاولا اكتشاف ماتريدة ثم قال :لو الموضوع بتاع كل مرة يبقا بلاش تنهدت قائلة لية يا اسر لية يابنى انا حرام افرح بيك انفعل هو قائلا :ا مش حرام بس مش هينفع يا امى انا والجواز مننفعش مع بعض ردت بحزن :لية ؟؟لية مش عاوز تفرحنى بيك لية ؟؟ رد عليها بحزن قائلا: لان البنات نوعين يا اما متدلعة وعايزة تملكنى كحاجة مختلفة ودة تقريبا اللى انتى جايباها يا اما بنت طيبة ورقيقة ودى مش هتقدر تتحملنى لانها عاوزة اهتمام عاوزة حب وحنية وانا للاسف قلبى بقى حجر مقدرش احب يا ماما مقدرش ومعرفش غامت عيناه بالدموع ولكنه تماسك وحبسها خلف قناع الجمود قائلا بثبات انا مقدرش اظلم بنات الناس ياماما نظرت له بحزن قائلة انت لسة مش قادر تنسى يا آسر نظر لها ثم قال لما تبقى انتى الاول قادرة تنسى انك مقدرتيش تتكلمى مع بابا نظرت له بحزن قائلة مكانش ينفع يا اسر مكانش ينفع احنا كنا بنحاول نحميك علشان مايتعدش الماضى تانى نظر لها اسر قائلا يمكن بس قتلتو روحى خرجت من عنده حزينة على الحالة التى وصل لها ابنها بينما تنهد هو تنهيدة حارة يخرج بها همومه واحزانه ____________________________________ عند ناردين خرجو من المقهى فنظرت لها ايلين قائلة بابتسامة تصدقى مكنتش اعرف انك اخت كريم بس انتى شبهه فى روحخ الى حد ما فقالت ناردين بمشاكسة ولا انا كنت انا كنت اعرف انك اخت بشمهندس اسر بس انتى مش شبهه خالص ضحكت ايلين على طريقتها فى الكلام عن اخيها ثم تحدثت بحزن قائلة اسر مكانش كدة بس غصب عنه نظرت لها مارينا واحست انها تريد ان تتحدث مع ناردين فقالت نادو امشى انا بقا علشان اساعد ماما نظرت لها ناردين باستغراب وقالت طيب ماتستنى ونروح سوى يارينا اسرعت مارينا قائلة معلهش علشان متأخرش وانتى تعالى على مهلك فاومئت ناردين متفهمة ثم التفتت الى ايلين قائلة تعالى نقعد فى اى كافية ابتسمت ايلين وتبعتها ____________________________________ عند كريم ومى نظرت له مى بنظرات حارقة بينما هو نظر لها باستغراب فقال لها مى مالك فية اية؟ نظرت له بغضب وقالت انا اللى فيه ايه ولا انت ؟ نظر لها بتعجب ليقول :مى انا مش فاهم حاجة فيه ايه؟ مى بغضب:ايلين هانم تقول عليك عسول وكيوت وقال اية البنات كلها هتموت عليك كتم هو ضحكته بصعوبة وقال طيب وانا مالى ان كانت البنات بتشوفنى كدة مى بغضب: ايوة وانت مالك انت كدة كدة مظبط نفسك مع الهبلة دى اللى هتتجوزك ومش شايفة غيرك انت من وراها بقى تظبط بنات تانى من الشركة او حتى بنت صاحب الشركة مش مهم نظر هو لها بغضب بالكاد يستطيع كظمه وقال مى انتى واعية للكلام اللى بتقوليه دة انتى بتقولى كلام كبير اوى مش بتاع غيرة نظرت له مى صارخة بغضب : امال تفسر ب اية تقولك يا كيمو ومتابعة اخبارك كريم: يعنى كريم هيقولوله اية غير كيمو مش فاهم يعنى وبعدين انتى بتدورى على خناق وخلاص مى: لا يا استاذ كريم مش بدور على خناقة وخلاص انا بقول الحقيقة اللى انا شايفاها ان سيادتك واضح انك بتلعب على جميع الاطراف وانا زى الهبلة مصدقة انك بتحبنى بس الواضح انك بتضحك عليا نظر هو لها بانكسار ثم قال لو انا كنت فعلا بضحك عليكى وبلعب بيكى ليه خليتها تعرف انك خطيبتى ومحاولتش ابرر وبالعكس قاعد معاكى؟ ليه كل اللى فى الشركة عارف انى خاطب ودبلتك مش بقلعها من ايدى؟ ليه يا مى اتحملت انى اشتغل وانا فى الجامعة علشان مين هااة؟ ليه يامى كنتى دايما بالنسبالى حلم وحب عمرى اللى ماشفتش غيره؟ كنت دايما بحاول اكون راجل فى عينيكى واكون احق انى افوز بيكى، مدخلتش بيتكم الا وانا بشتغل وكنت قربت من فلوس الشقة، كل حلمى انى اعيشك فى مستوى كويس حتى لو هبدا من الصفر او هبحت فى الصخر، لكن الواضح كدة ان انا مش راجل فى نظرك و انا مرضاش انك تتجوزى واحد مش راجل او بتاع بنات زى ما انتى شايفة بس لازم تعرفى انك ظلمتينى واوى كمان يامى اوى كان يتكلم وعيناه مليئة بالدموع ولكنه ولاجل رجولته رفض وابى ان ينزلها واستطاع امساكها ثم نظر اليها نظرة اخيرة غرست نصل فى قلبها وقطعته الى اشلاء نظرت حب لم يكن له حياة فى قلب من امامه ومن احبها، نظرة انكسار من اقرب الناس لقلبه، تركها بعد ان ترك حلقته لها ثم قال سلام يامى، سلام ياحب عمرى، بس لازم تعرفى انى حبيتك اكتر من الدنيا كلها بس مكانتش اتوقع ان الجرح ييجى منك بعد كله ده ثم تركها.. تركها بعد ان اعطاها نظرة حطمت ما تبقى من قلبها ______________________________________ عند ناردين و ايلين قالت ناردين بمرح: انتى تعرفى انك مش شبه اخوكى خالص انتى بتهزرى وتضحكى وطيبة اما هو يرعب انا بخاف منة اوى ابتسمت ايلين بحزن وقالت آسر عمره ماكان كدة آسر دايما كان مش بيبطل ضحك وهزار كان الأقرب لقلوبنا كلنا، كلة روح تحسية كدة بيشع حياة وهو ماشى بس العيب من بابا نظرت لها ناردين باستغراب باباكى ازاى؟ ايلين: حاول انه يحميه من غلطة غلطها غيره بس دمر طفولته نظرت لها ناردين باستغراب قائلة : انا مش فاهمة حاجة ايلين :انا هفهمك آسر كان كله روح وحياة وضحك كان دايما يضحك ويهزر وكدة يعنى بس غلطة غلطها حد غيرة خلت بابا اخد آسر وهو لسة مدخلش حتى ٣ اعدادى كان حوالى ١٤ سنة اخده وخلاه يشتغل معاه فى الشركة ناردين بعدم فهم يشتغل اية يعنى؟ ايلين :يشتغل زيه زى اى موظف فى الشركة فى الادارة ويترقى لحد ما مسك ادارة المجموعة وهو لسة فى الكلية عارفة دة كان بيخليه يعمل ايه؟ بكت وهى تحكى عن اخيها كان بيروح المدرسة الصبح ويرجع على الشركة يشتغل وبعدين يروح يذاكر ولو فيه دروس خصوصية كان بيخلى المدرسين يجوله البيت فكان مش بيتعامل مع حد بابا منع عنه الاصحاب خالص واجب عليه يذاكر ويشتغل فاهمة دة معناه اية ؟معناة ان بابا منعه من انخ يعيش مرحلة مهمة فى حياته مرحلة تكوين شخصيته علشان يحميه عارفه يعنى ايه طفل يمسك ادارة شركة فى وسط حيتان؟ يعنى كمية الاستهزاء اللى خدها من اللى حواليه وانه لازم يثبت وجوده، المشاعر اصبحت ملهاش مكان فى حياته لازم يبان قوى جدا علشان يثبت انه مش طفل لانه لما كان بيخسر صفقة او الحسابات بيطلع فيها سرقة كان اول واحد يهينه هو بابى، آسر تعب يا ناردين آسر مش قاسى بس كان لازم يبقى كدة لحد ما بقى طبع من طباعه كان كل ماحدث صدمة بالنسبة لناردين كيف لأب ان بفعل بابنه هذا؟ ولما؟ وما الغلطة المرتكبة التى تجعله يفعل هذا؟ وما الحماية فى هذا الامر؟ واذا كان غلطة ارتكبها غيره لما يعاقب هو؟ وما نوع تلك الغلطة؟ وما علاقة هذا الشخص به؟ اسئلة كثيرة تدور بعقلها وليست لها اجابة التفتت ناردين لها و.... ببببسسسسسسس مين الشخص اللى ماثر على حياة آسر دة اخيرا عرفنا سر قسوة آسر باباة لية عمل كدة 😱 كريم ومى😩 صعب عليا كيمو قوى ياترى هيحصل معاهم اية اشوفكم على خير #marian