طالبة جامعية

الفصل التاسع طالبة جامعية فى شركة التهامى دخل كريم الى ابراهيم كريم : ابراهيم باشا الورق ده محتاج امضة سيادتك نظر له ابراهيم ليجيب : هات ياكريم بعد امضاءه الملف نظر لكريم وجده ينظر له بتوتر فقال بتعجب : شكل الموضوع مش بس امضاة عايز ايه يا كريم قول اللى انت عاوزه؟ كريم: بصراحة ياباشا اختى عاوزه تشتغل بس لسة فى الكلية وطلبت منى اشوفلها شغل سأله ابراهيم بهدوء: اختك مين فيهم اجابه كريم بسرعة : ناردين اللى فى ٣ تجارة صدقنى ياباشا هى ذكية وشاطرة وتقدر توفق بين دراستها وشغلها صمت ابراهيم مفكرا قليلا ثم اردف قائلا :بس للاسف انت عارف ياكريم ان الشركة هنا كومبليت ومفيش مكان لموظف تانى مش عارف اعمل ايه كان نفسى اخدمك بصراحة بس للاسف ظهرت خيبة الامل على وجه ثم قال :طيب متعرفش حد تتوسطلها عنده ياباشا فى هذا الوقت تذكر ابراهيم امر آسر ليقول :آه وديها عند آسر فى الشركة تشتغل معاه سكرتيرة بدل سكرتيرته القديمة مؤقتا على الأقل وابقى روح انت معاها سقط فم كريم ارضا واتسعت عيناه بشدة وبدأ يُحرك يداه بعشوائية من صدمتة قائلا : آسر مين؟ آسر باشا!! بتاعنا وناردين اختى انا!! لالا مينفعوش خالص مع بعض ياباشا قول كلام غير دة وبعدين دة أنا اخاف عليها منه ضحك إبراهيم بشدة فلم يخفى عليه طبع ناردين ومزاحها فهو قد رآها عدة مرات مع أخيها ويعرف صعوبة التعامل بين آسر وناردين : أنا مبقولش تشتغل هناك على طول بس الشركة مفيش فيها مكان ف هتشتغل هناك مؤقتا أجابه كريم بضيق : بس دة شغله صعب اوى ياباشا اجابه إبراهيم بهدوء : متخافش هوصى عليها شادى اتفضل يالا على مكتبك كريم: تحت امرك ياباشا ثم تمتم بينه وبين نفهة اثناء خروجه : دة واضح انك هاتشوفى ايام سودة على دماغك ياناردين مكانش يومك ياحبيبتى ************************** فى الكلية ناردين بمرح: صباح الخير على احلى مرات اخ فى الدنيا صباح الخير يارينا مى :صباح النور يانادو اخبارك اية؟ مارينا: صباح النور يا قلب رينا اجابت ناردين بمرح : انا ميت فل وعشرة يامى انا كويسة وبابا كويس وماما كويسة وكريم زى الفل احمرت وجنتى مى خجلا فضحكت مارينا قائلة :بس بقى متكسفيهاش ضحكت ناردين قائلة : انا بس حبيت اطمنك قالت مى بضيق  :بس بقى ضحكت ناردين ثم قالت :  بس انا كنت جايبالكم قرار  مهم نظروا لها باستفهام مى :قرار اية دة ناردين بابتسامة واسعة على محياها هتفت قائلة :انا قررت اشتغل نعمممم!!!! كان هذا رد الاثنان معا مما جعل ناردين تتراجع للخلف فية اية هو انا قولتلكم هسرق دة انا هشتغل والمرادى فى شركة واهو منه خبرة ومنه فلوس مى باستغراب: انا نفسى اعرف اية حبك فى الشغل ومحتاجة الفلوس فى اية ؟ ناردين :محتاجاها لمصاريف الكلية ومصاريفى الخاصة بابا مهما ان راح ولا جه موظف حكومى مش هيقدر يوفق بين مصاريف البيت ومصاريف الكلية بتاعتى وكمان راندا ومصاريف ٣ثانوى بتاعتها وفلوس شغل كريم بيكون بيها نفسه اجابتها مى بهدوء :متشغليش انتى بالك هو كان حد اشتكالك نظرت لها ناردين لتجيب بحزن : محدش اشتكالى بس دة من الواجب غير كمان دة هيساعدنى هيكون عندى خبرة فى الشغل وفى التعامل مع الناس ومش هبقى ساذجة واصدق اى كلمة وهيخلينى صاحبة شخصية قوية واقدر اعتمد على نفسى مارينا: انتى لسة مانستيش ياناردين ابتسمت ناردين بأسى قائلة : محدش بيتعلم بالساهل وفى نفس الوقت محدش بينسى بالساهل قالت مى ببديهية :بس ده مش ممكن يأثر على درجاتك ودراستك ناردين مفكرة :مظنش مارينا :انا عندى فكرة اية رأيكم نسال دكتور خالد وهو هيقول رأيه مى :انا معاكى فى الفكرة دى دكتور خالد عنده خبرة اكتر واكيد رأيه مهم ناردين: اذا كان رأيكم كدة خلاص يالا نروحله ______________________________ فى شركة اسر آسر :ها ياشادى فيه حد قدم على الوظيفة أجابه شادى بهدوء :كتير يافندم بس اغلبهم مش مناسبين تنهد آسر ثم قال :طيب اى متلاقى حد مناسب ابعتهولى فورا اومى شادى برأسه قائلا بهدوء وجدية :تمام يافندم بعد خروج شادى دق هاتف آسر رد آسر بهدوء :الو يابابا خير ......... نعم!!!!طالبة جامعية دة اللى هو ازاى يعنى ودى تشتغل معايا ازاى يعنى ........ ذكية ماشى فهمنا بس دى تنظم مواعيدها معايا ازاى بين الشغل وكليتها ......... تنهد آسر ماسحا على وجهه رادا على ابيه يعنى متأكد انها محل ثقة ابراهيم:_______________ اسر :خلاص هشوف الموضوع دة سلام تنهد اسر بعد اغلاق الهاتف قائلا : ماهو دة اللى كان ناقص طالبة جامعية _______________________________________ فى الجامعة دق باب مكتب خالد فاذن بالدخول ولكنه تفاجئ اثر دخول ناردين وصديقتيها ناردين بمرح ممكن ادخل يادكتور ابتسم خالد بهدوء قائلا: اكيد طبعا بس ياترى ايه سر الزيارة المفاجئة دى مارينا: كنا عاوزين ناخد رأى حضرتك فى موضوع جلس خالد بهدوء على كرسى مكتبه وشبك اصابعه ببعضها  ثم قال اتفضلوا سامعكم ناردين بهدوء: يادكتور هو ينفع طالب جامعى يشتغل اثناء الدراسة خالد :على حسب الشغل يشتغل فين يعنى ناردين: فى شركة خالد بعملية:اه طبعا بس لازم يعرف الاول ينظم وقته بين شغله ومذاكرته وكمان لو فيه امتحان عملى لازم يحضره هو الموضوع مرهق جدا عليه لانه مطلوب منه شغل ومذاكرة وحضور محاضرات  بس مفيد فى انه هيبقى عنده خبرة كبيرة بعد مايخلص وشغله هيفيد دراسته والعكس صحيح ثم قطب جبينه متسائلا بس مين فيكم اللى هيشتغل اكيد انتى يامارينا هزت  ناردين رأسها نافية :ثم قالت لا انا على الرغم من التعجب الذى ظهر واضحا على وجهه الا انه سأل وياترى لقيتى شركة تشتغلى فيها  وهل هتوافق على انك طالبة ولا لا لو كدة هتوسطلك فى شركة بس هتبقى صغيرة شوية نفت ناردين بابتسامة مهذبة وقالت: لا شكرا يادكتور اخويا هيتوسطلى وهشتغل ابتسم بهدوء ثم قال: وياترى هتشتغلى فين كدة؟ اجابته ناردين بثقة :شركة التهامى للاستيراد والتصدير دُهش اثر تلك الكلمة ثم قال اتتى بتتكلمى جد هتشتغلى فى اكبر شركة استيراد وتصدير فى مصر ناردين بمرح: قول يارب يادكتور خالد: دكتور دة اية ه ده انا  بعد كدة هطلب منك الواسطة ضحكوا جميعهم على اثر كلامه _____________________________________ فى شركة التهامى ابراهيم: عامر ابعتلى كريم دخل كريم الى ابراهيم فقال الاخير كريم روح خد اختك ووديها مكتب آسر علشان يعملولها انترفيو ومتخافش انا كلمت آسر كريم :خلاص يافندم متشكر جدا ابراهيم: العفو على اية يابنى تمتم كريم مع نفسه ربنا يسترها ويعديها على خير _____________________________________ فى شركة آسر نادر :ها فيه جديد بخصوص السكرتيرة شادى بتأفف: لا كلهم بتوع مظاهر مش بتاع شغل عاملين زى اللى جايين يدورو على عريس ضحك نادر قائلا: امال فاكر انهم جايين ليه اكيد جايين علشان يصطادو الباشا بتاعنا معلمهش بيه نظر له شادى وقبل ان يتحدث قاطعه دق على الباب واعقبه دلوف كريم قائلا : ممكن ادخل ياباشا شادى بصدمة :كريم ؟ كريم هنا يا اهلا يا اهلا عاش من شافك ياراجل يعنى اسيبك متسألش كريم وهو يحتضنه يعنى انت اللى سألت من ساعة ماسيبت شركة التهامى وجيت هنا عند آسر باشا مبتسالش ثم نظر الى نادر ازيك يانادر نادر: ازيك انت ياكريم لم يلاحظ ايا منهم تلك الصغيرة المختبئة خلف اخيها وكأنها طفل صغير خائف من دخول الامتحان الى ان قال هو : تعالى ياناردين نظر كلا من شادى ونادر الى بعضهم ثم تدارك شادى موقفه بعد ان  تنحنح قائلا: اتفضلى يا انسة كريم: ناردين تبقى اختى ومتقدمة لوظيفة السكرتيرة وادى ياسيدى الc.v بتاعها شادى وهو يقرأ الc.v تمام بتعرف تكلم لغات ومعاها شهادات كمبيوتر بس فيه مشكلة انها لسة طالبة جامعية كان الحديث فى هذه اللحظة من نصيب ناردين :لا ماتقلقش انا هعرف اظبط امورى واخلص شغلى كويس شادى: انا من رأيى تمام بس لازم اعرف الباشا واشوف هيقول ايه بعد لحظات دلف شادى يدعوهم للقدوم لمكتب آسر : تعالى معايا ياانسة ناردين نظر له كريم ليتساءل بخوف متمنيا ان يكون برفقتها خشية حدوث شئ من آسر : ينفع ادخل معاها نظر له شادى قائلا بجدية : اقولك تعالى احنا الاتنين ندخل معاها كانت ناردين تتطلع الى الشركة العريقة التى بداخلها فهى تبدو كبيرة جدا كما ان الموظفين يعملون كخلية نحل حولها ولا يتوقغ احدهم ابدا لم تلحظ ناردين دخولها الى مكتب آسر آسر بعد ان نظر بالاوراق :تمام بس اتمنى تكون عند موضع ثقة كريم:اكيد يافندم انا اضمنها تحرك آسر ووقف امامها وقال لا انا احب اسمعها بنفسى ها ياانسة اية رايك وبخصوص الدراسة لازم تظبطى امورك كمان وتحافظى على اسرار شغلك ناردين:___________ آسر:يا انسة عايز اسمعها منك ناردين:______________ فى ذلك الوقت كانت ناردين تنظر للارض ولم تلحظ ذلك الماثل امامها كانت مازالت تفكر كيف ستدير امورها وعن أمر هذة الشركة شاردة ولا تدرى شئ عن ما يحدث حولها افاقت على وكزة اخيها بكوعه فى جنبها فنظرت له ببلاهة فاشار لها على آسر بان تجيب على سؤاله قائلا ناردين ردى على الباشا بيقولك هتقدرى تظبطى امورك فى الكلية وهتقدرى تكونى موضع ثقة ولا لا رفعت ناردين راسها الى آسر فذهلت مما رأت فهى لم ترفع رأسها له ولم ترى وجهه بعد الا الآن فرفعت رأسها لكى تراه ولكنها وجدت  حائط بشرى كما اسمته بعقلها المشاغب شاب طويل عريض المنكبين فهى لن تصل لمستوى طوله ابدا   فهى وجدت ان نهاية رأسها بالكاد تصل الى نهاية كتفه ازدردت ريقها بتوتر فقد احست انها كنملة وقعت امام فيل ان جاءت تحت قدمه ستسحق لا محالة فلم تقو على رفع رأسها لوجهه ولكنها ردت ببلاهة قائلة :ودة مين فينا؟ قطب آسر جبينه بعدم فهم ثم سألها ب استفهام :تقصدى ايه؟ رفعت رأسها الى وجهه وهى تسب بداخلها على طوله الفارة وردت ببلاهة اكبر :ماهو حاجة من الاتنين يا انا القصيرة قوى يا اما انت الطويل بزيادة علشان يخلينى بالمنظر دة فهيبقى اية؟ ضحك كل الموجودين على تلك الصغيرة المشاغبة اما آسر فاصبحت عينية كجمرتين نار مشتعلة _______________________________ فى مكان اخر دخل احدهم قائلا :عرفنا ياباشا هانى باشا فسخ خطوبته من البنت دى ليه؟ اجاب الاخر قائلا: ليه؟ الاول :لانها عرفت معلومات عننا بس المعلومات دى بتدينه بس وفسخت هى الخطوبة منه واخوها هدده انه يقرب منها تحب نخلص عليها وعليه اجاب الاخر قائلا :لا لان هانى بيخلصلنا امورنا ولو قتلناه هنفتح طاقة جهنم علينا لانه ظابط وكمان البنت هتخاف تتكلم الاول:والبنت هنعمل فيها ايه؟ ...:سيبها مش هتقدر تتكلم من الخوف واستنى لما نبلغ الباشا الكبير على الموضوع دة ونشوف هيعمل ايه بسسسسسسسسس ياترى اية اللى هيحصل بين اسر وناردين العصابة وناردين وهانى ياترى هيعملوفى ناردين اية ريفيوهاتكم وتوقعاتكم وتفاعلتكم اشوفكم على خير #ماريان_بطرس