نصيحة

الفصل السادس عشر نصيحة كان يعمل بجد ويدرس ذلك الملف الى ان جاءت تلك السمجة اليه بتلك العلكة التى تثير اشمئزازه واستفزازه واستندت على المكتب بيديها وقالت بميوعة :كيمو خلصت الملف ولا لسة ؟ لم يرفع عينيه عن ما امامه بينما قال بجدية :لا لسة لما اخلص هبقى اسلمه لعامر بنفسى نظرت له ثم قالت بميوعة اشد :كيمو انت بتتقل عليا كدة ليه دة انا بحبك وبعدين محدش هيعرف حاجة كان على وشك الرد حينما سمع ذلك الرد القاطع الذى اتى من خلفهم قائلا :لا ياحلوة متشكرين لخدماتك هو مش بيرمرم صح ياكيمو؟ جعد حاجبيه بتفاجؤ ثم رفعهم بعدم تصديق من تلك المجنونة وذاك الدخول المفاجئ فقد كانت تضع يدها بخصرها ومستعدة للهجوم على غريمتها والفتك بها فى اى وقت ثم قالت بتجهم وهى تزيح الاخرى بيدها :يالا ياحبيبتى على شغلك وسيبى الراجل يشوف شغله نظرت لها الأخرى بسخرية ثم قالت :وانتى مالك هو انتى ليكى فيه؟ قالت مى بطريقة لم يرها من قبل وهى تضع يدها بخصرها :لا ياحبيبتى ماليش فيه لانه كله بتاعى ويالا على شغلك ثم قالت بطريقة تشبة الفحيح اصله مش بيبص للحاجات المشكوك فيها ولا تحبى اخلى الكل يعرف انتى مشكوك فيكى اد ايه؟ وخليكى عارفة انه بتاعى انا، وانا مبرحمش فى حاجة تخصنى نظرت لها الأخرى بشك ممزوج بخوف ثم التفتت للذهاب بينما قالت الاخرى بسخرية :ايوة كدة طرقينا وورينا عرض كتافك الى هذا الحد لم يستطع هو التماسك فقد كانت طريقتها سوقية بحتة قام للحديث ففوجئ بها تمسك يده قائلة :انا عاوزة اتكلم معاك لوحدينا نظر لها ثم اطلق تنهيدة و خرج معها بحجة الذهاب لجلب كوب قهوة حينما خرج اخذها جانبا ثم صرخ بها قائلا :اية دة يا انسة دى مش طريقة للكلام مع الناس ولا دى طريقة بنت محترمة انتى نسيتى نفسك ولا اية؟ ذٌهِلت مى من طريقتة فى الهجوم بينما اكمل هو :لا دى ملامح ولا طريقة كلام لبنت محترمة بصى لنفسك فى المراية يا مى وانتى هتعرفى ان طريقتك دى ماينفعش تتكلمى بيها كان كلامه محقا فهذا الوجة الملائكى لا يليق به تلك الطريقة فقد كانت مى صاحبة عيون عسلية واسعة وبشرة بيضاء ومتوسطة القامة اطول من ناردين بعض الشئ وقد كان شعرها اسود قصير نوعا ما نظرت له ثم قالت بعبوس كالاطفال :امال اسيبها تتلزق فيك اجابها قائلا :وانت مالك ليكى عندى اية اختى امى مراتى خطيبتى؟ انتى مالكيش علاقة بيا يامى اجابت ببكاء :لا ليا انا خطيبتك ياكريم وليا كل حق عليك :كنت كنت خطيبك اجابته قائلة :لا لسة لسة خطيبى ياكريم كريم: انتى مالك انتى مش مى اللى اعرفها مى :لا هى بس كل الموضوع بدافع عنك كريم: وانتى من امتى كنتى مجنونة زى ناردين ولا قوية زى مارينا مش انتى مى الخجولة اللى بتتكسف من كل حاجة مى ببكاء: اة بتكسف بس بعتذر لما اغلط وبدافع عن حقوقى لانى مش ضعيفة وانت حقى ياكريم كريم: حقك؟؟!!! مى ببكاء:اة حقى ياكريم وبحبك وجدا كمان انا اه غلطت وعكيت فى الكلام بس مش شك لا  دة غيرة اة انا بغير عليك وبجنون كمان ودة لانى بحبك انا اة بعتذر على غلطى فى الكلام بس مش بعتذر عن حبى ولا غيرتى عليك ثم رفعت سبابتها فى وجهة قائلة ومش هسمح لاى واحدة تقرب منك سامع ثم وضعت يدها على وجهها وبدأت تبكى اكثر ابتسم هو عليها ثم وضع يده على كتفها قائلا :اهدى خلاص ولكنه تفاجئ من ردة فعلها اذ القت نفسها فى احضانه قائلة: انا اسفة اسفة فقال لها بمرح :حصل خير بس ياريت تبعدى علشان كدة غلط على الصحة العامة وعليا وعليكى وعلى الناس ابتعدت عنه تمسح دموعها بينما قالت :مسامحنى بقى تظاهر بالتفكير ف ضربت صدرها بخفة قائلة :خلاص بقى علشان خاطرى علشان خاطرى ابتسم لها فاخرجت حلقتة الفضية قائلة :الدبلة دى ماتقلعهاش من ايدك فاهم ابتسم لها ثم قال فاهم فابتسمت له فقال هو بحذير وهو يرفع سبابتة :على البيت ومنتكلمش بالطريقه دى تانى فاهمة اومئت براسها قائلة بتحذير :فاهمة بس ماتخليش البت المقصعة دى تيجى جمبك والا هاجى اقطم ليها رقبتها وقطع ليها لسانها وكسر اسنانها علشان ماتجيش جمبك ابتسم على سذاجتها ثم قال: على البيت يالا اومئت برأسها ثم ذهبت بينما حرك رأسه بأسى على حاله قائلا :طفلتين طفلتين ياربى رازقنى بطفلتين واحدة اختى والتانية خطيبتى ليه كدة يارب اتنين اللة يكون فى عونى ____________________________________ تحركت تجاه مكتبه وقد كانت قدماها ترتطمان ببعضهما من الخوف ولكنها كانت تواسى نفسها بان خطتها تسير الى الآن على ما يرام اخذت نفس عميق ثم قالت يا مصبر الوحش على الجحش يارب ولا جحش ايه دة تور او نمر اى حاجة ....استر ياللى بتستر .....عديها على خير يارب دخلت مكتبه وجدته مازال منكب على الملفات يدرسها فقالت بهدوء بعد ان تحمحمت لتجلب انتباهة مستر الساعة بقت 9 لم يرد لتقول مستر شكل حضرتك مش واخد بالك والساعة بقت ٩وكل الموظفين محتاجين يروحوا المفروض يمشوا اصلا الساعة7 رفع رأسه لها وبالكاد استطاعت تثبيت قدميها على الارض وعدم الركض من وجهة بينما قال ومامشيوش ليه؟ اجابته بخوف بائن فى نبرتها استطاع التقاطه بسهولة اصل ح حضرتك ما امرتش ان ..انهم يم ..يمشو اومئ قائلا: خليهم يمشو اومئت ثم قالت وبالنسبة ليا اجابها بعدم فهم بمعنى؟ ناردين: اصل انا اخرت آسر: امشى ناردين: اصل الوقت اتاخر واخاف اخد تاكسى دلوقتى اومئ متفهما ثم قال :خلاص انزلى تحت وانا اخلى السواق يوصلك اجابته سريعا بطريقة اثارت ريبته قائلة ماينفعش اق اقصد يعنى ان حضرتك لازم توصلنى علشان تعرف اهلى انى اتاخرت فى الشغل ضيق عينية محاولا سبر اغوارها بينما ابتلعت هى ريقها بارتباك وخوف من القادم شعر هو بانها لديها خطة ما فابتسم على سذاجتها الواضحة ثم قال :خلاص يا انسة اوصلك لحد البيت ابتسمت هى ابتسامة واسعة ثم قالت : شكرا يافندم ثم خرجت من المكتب بينما تنهد هو قائلا :وياترى وراكى انهى مصيبة انتى كمان هو انا ناقص؟ ____________________________________________ كانت نائمة على فراشها تتذكر كلام ناردين Flash back انكشيه ايلين: انكشه ازاى يعنى؟ ناردين: يعنى ضايقيه ايلين: يعنى ايخ انتى اجننتى الظاهر انك مش عارفه آسر ناردين: لا اخوكى زى اى اخ ان كان بعيد عنك قربى منخ ان كان مابيسالش اسئلى انتى انتى عليه روحيله اوضته واسئليه عن يومه عامل ازاى اطلبى منه يخرج معاكى فى يوم، وزنى زى اى اخت مصرية اصيلة عاوزة من اخوها حاجة فهمانى، خليكى انتى القريبة انتى اخوكى بيحبك زى مابتقولى وعنده مشكلة مع التعبير بس بقربك منه هتساعديه جربى مرة تدخلى اوضته تقعدى معاة تحكيله عن يومك تاخدى نصيحته لانه اكبر منك واكتر احتكاك بالحياة فهتلاقيه هو كمان قرب منك جربى ومش هتخسرى وطولى بالك يمكن مش هييجى معاكى من اول مرة بس اكيد هتلاقى تغيير ف التانية فهمانى Back تنهدت ثم قالت لما نشوف اية اللى هيحصل ________________________________________ وصلت اسفل بنايتها ثم التفتت له قائلة بابتسامة مهتزة: شكرا اومئ لها دون حديث فقالت له تقدر تتفضل ماينفعش تيجى وتفضل تحت نظر لها نظرة ثاقبة وقال: شكرا كانت ترتعد من الداخل فهذه هى اهم خطوة فى خطتها البسيطة فقالت باصرار :لا ماينفعش يا مستر لازم تدخل ماينفعش تيجى تحت البيت ومتتعرفش على عيلتى علم فى ذلك الوقت ان تلك الصغيرة تنوى شيئا لا محالة فذلك التردد فى الكلام وذلك الاصرار على دخوله المنزل وتلك الابتسامة المهزوزة يأكدون له ذلك وضع يده فى حزام بنطاله لكى يتاكد من وجود سلاحه ثم اومئ براسة بعد ان تأكد من وجوده صاعدا معها للمنزل ________________________________________ دخلت المنزل بمرحها المعتاد ثم التفتت له قائلة اتفضل يابشمهندس فى الصالون على ما ادى للى فى البيت خبر كانت تبتسم لة ابتسامة صافية خالية من التردد كانها سعيدة من شئ مادخل للصالون بينما هى كانت تنادى بصوت عالى وصل لمسامعه بوضوح مع تلك النبرة المرحة قائلة بت ياميراندا انتى يابت يا كوكاكولا يابيبسى انتى يابت ياشويبس خرجت تلك من الغرفة قائلة بغيظ :شششششش ايه بتنادى على عيل تايه فى السوق دة الجيران سموعوكى اجابت الاولى بابتسامة صافية وضحكة رائعة ههههههه خلاص خلاص ماما فين؟ راندا: فى المطبخ ناردين: خلاص ماشى انا دخلالها وانتى البسى حلو عندنا ضيف فى البيت وهيتعشى معانا راندا باستغراب: ضيف !!ضيف مين ناردين: هتعرفيه دلوقتى المهم جهزى نفسك سامعانى يا فانتا؟ راندا بغيظ: ناردين قولتلك مليون مرة مش تقوليلى كدة امسكت الاولى خدودها لكى تزيد من اغاظتها قائلة ياختى كميلة حبيبتى بتدايق ياناس ابعدت راندا يديها قائلة :اوعى ياناردين انتى بقت حالتك صعبة خالص ثم التفت للذهاب حينما قالت ناردين بمرح :بس عسولة خالص صح حركت راندا راسها بيأس قائلة بابتسامة مرحة : الله يكون فى عون اللى هياخدك ناردين بمرح دة امه هتكون دعياله كل هذا تحت انظار ذلك الجالس كان يراقبهم ويتمنى ان تكون حياته مثلهم بينما هى كانت تدرك لتلك المراقبة وكانت تتفنن فى  فعل ماتريد دخلت الى والدتها قائلة بمرح :ميما خلصتى العشا نظرت اليها والدتها ثم قالت :اة خلصت بس عايزة افهم ايه اللى انتى عاوزاه من امتى كان عندك حب للاكل دة؟ نظرت لها ثم قالت بمرح مش وقته ياست الكل بس يلا فى ضيف برة مستنى اهل البيت علشان يسلمو عليه وعزمته معايا على العشا نظرت لها والدتها باستغراب وقالت : ضيف ضيف مين دة؟ ناردين: ماهو لو بطلتى اسئلة وطلعتى معايا هتعرفى مين دة المهم بابا فين؟ سامية: فى الاوضة ناردين: طيب هاروح انادى على ابو على ابو على ابو على حسن: اية اية يتنادى على عيل تايه فى الشارع ناردين بضحك: لا ياحبيب قلبى بس عندك ضيف كريم: ضيف مين دة؟ ناردين: تعالى ادخل وشوف سار معها الجميع وهم يضحكون ويمرحون وقد كانت ناردين تدرك جيدا علو صوتها وبأنه يصل لذلك الجالس فى الغرفة وتدرك بان اغلب حركاتها هى وعائلتها قد رآها وهذا ماكانت تريده جيدا دخل الجميع ولكن صُدِم كلا من راندا وكريم بمجرد رؤيتهم للجالس بينما كانت سامية وحسن واقفين ينتظرون معرفة ذلك الشخص ولكن مالبثت ان حلت الصدمة على وجوههم حينما همس كريم قائلا آسر باشا!!! بينما قالت راندا مكملة الهمس وهى مصدومة التايجر!! بينما اومئت ناردين بابتسامة واسعة على محياها قائلة بالظبط كدة آسر باشا هيقعد معانا شوية وهيتعشى معانا من العشا اللى ماما عملاه ثم نظرت الى والدتها قائلة خلصتى الاكل اللى قولتلك عليه يا ماما ابتلعت سامية ريقها بارتباك وهى تلعن ابنتها المجنونة فى سرها بجميع اللغات والشتائم بينما ابتسمت ناردين بسماجة قائلة هاروح اجهز السفرة بينما الصدمة الكبرى كانت من نصيب آسر الذى وقف ينظر الى تلك المجنونة التى تتصرف باريحية وكانها تعرفه من سنين وهو الذى ظن انها ستغتاله ولكنها على العكس تعزم عليها بالعشاء فى منزلها وسط عائلتها وكأنه صديق قديم لم تره منذ زمن فعقد حاجبية يفكر ياترى ناوية على اية ياناردين؟ وايه اللى فى دماغك؟ ولكنة لا يعرف ان الصدمة الكبرى قادمة والتى تدركها سامية جيدا فلذلك هى خائفة وبشدة فهى تخشى ان يظن بهم السوء وانهم اتو به لاهانته فى منزلهم بسسسسسسس ياترى اية اللى هيحصل آسر هيفكر فيهم ازاى ياترى هتتصرف العيلة ازاى اية اللى فى دماغ ناردين بالظبط يلترى ايلين هتقدر تنفذ كلام ناردين واية هيكون تاثيرة على آسر كريم ومى هيييح والبنت المقصعة هههة حسام اللى لسة مظهرش ياتر اية حكايتة ورونى توقعاتكم وتفاعلتكم متتحسونيش انى لوحدى اشوفكم على خير #marian