عدو قريب

الفصل الثانى عشر عدو قريب فى منتصف اليوم جاءت ايلين للشركة كانت ستدلف الى مكتب اسر ولكن وقفت امامها ناردين قائلة ممنوع يافندم حضرتك جاية ومن غير ميعاد ومينفعش تدخلى للباشا من غير استئذان ايلين: نعم!!انتى جديدة هنا صح ومش عارفة انا مين ناردين: اة انا جديدة هنا ومش عارفة حضرتك مين بس مش هينفع حضرتك تدخلى من غير استئذان ثم اكملت بمرح اكيد مش عاوزة تقطعى غيشى من اول يوم وتخلى اسر باشا اللى جوة دة يقتلنى دة بيبقة عامل زى النمر اللى هيفترس اللى قدامه فى عصبيته ايلين باستغراب: نعم!! النمر؟ ناردين: ايوة هما ملقبينه بالتايجر وهى هى نمر بس ان جيتى للحق اللقب الافضل لية تور ايلين باستغراب اشد :نعم!!!تور ؟؟! ناردين :اة تور وهايج كمان فى عصبيته وهيقتل اى حد يقف قدامه اكيد مش عاوزة تموتى ابتسمت ايلين على حديثها المرح المختلف عن سابقتها ايلين :اة اكيد ثم همست فى اذنها بس لو هو تور يبقى انا تورة ناردين: هااة اومئت براسها بمرح قائلة هو انا مقولتلكيش مش انا طلعت اخت التور اللى جوة اقصد التايجر اللى جوة ناردين: هااة!!! اختة؟؟؟ اومئت ايلين براسها قائلة اكيد ينفع ادخلة ثم تركتها وسط ذهولها قاصدة مكتب اخيها ______________________________________ كان الاخير يجلس على مكتبه يتفحص عدة اوراق ثم رفع رأسه عند فتح الباب آسر: تعالى يا ايلين كنتى عاوزة حاجة ايلين :اة مش كنت عاوزة الجاردز دول انزل اسر عينيه الى الاوراق مجددا وتحدث ببرود لا الموضوع دة خلصنا منه والكلام يتسمع فاهمة ايلين: بس على الاقل قللهم شوية دة انا ببقى عاملة زى اللى وقعت منهم اسر بحدة: ايلين نخلص ونبطل شغل العيال دة ايلين ماهو مش منظر بردة ان امشى معايا حيطان فى الكلية وجواها وسط اصحابى حرام يعنى مش هاتخطف يااسر وكمان امشى معايا العدد دة حرااام نظر لها نظرة ارعبتها ثم قال وانا مش هضحى بيكى فاهمة منين ماهتمشى هيبقو معاكى ودى اوامرى سامعنى وعلى الله اسمع كلمة تانية ايلين بتافف:ماشى يا اسر اوكى ثم خرجت وهى تتمتم بكلمات غير مفهومة لم تلتقط اذنه منها سوى انا مش عارفه البنات هتموت عليه ليه دة عاوز اللى يفرغ فية مسدس كامل دة فعلا تور فى عصبيته ابتسم هو على حديث اخته ثم مالبث ان اكمل عمله خرجت من مكتب اخيها وجدت تلك الجالسة حزينة وتكاد تبكى من فرط خوفها واول ما رأت الاولى وقفت وكادت ان تتحدث ناردين: أأأانا م مش عا..عارفه اقول اية ايلين: انتى صح هو تور هايج ومش بيتفاهم دة اللقب اللى المفروض ينقال علية مش الآسر او التايجر ناردين: ه..هو ح..حضرتك مش ..مش هتقوليله صح؟؟ ابتسمت ايلين ثم قالت اكيد لا ثم مدت يدها لمصافحتها قائلة ايلين التهامى اخت آسر الصغيرة فى خامسة ادارة اعمال ابتسمت الاخرى ومدت يدها :ناردين حسن الصاوى ٣تجارة ثم قالت بمرح وهى تشير الى مكتب آسر: سكرتيرة اسر باشا واول يوم ليا النهاردة ضحكت الاخرى قائلة الباشا ولا التور احمر وجنتيها خجلا بينما ضحكت الاخرى قائلة اهدى اهدى مش هقوله حاجة اشوفك بعدين وتركتها وذهبت ولم تدرى ايا منهما انها بداية صداقة جديدة _______________________________ فى الجامعة اثناء خروج الفتاتان اقترحت مى قائلة بكرة الجمعة ايه رايك نقابل ناردين بكرة ضحكت مارينا قائلة يابنتى ارحمى نفسك شوية هتقابلى ناردين ولا كريم ولامين بالظبط ؟ خجلت مى قائلة الاتنين اية المشكلة مارينا: مفيش مشكلة ياختى قابلى الاتنين مى:خلاص نكلمها نتفق معاها مارينا :طيب شوية تكون خلصت شغلها ومنها بكرة تحكيلنا على يومها فى الشغل مى:على رايك ______________________________________ دخلت المنزل  منهكة بعد هذا اليوم ثم قالت بمرح عندما رأت والديها مساء الخير على الحلوين الجميع: مساء النور على القم ر اتجهت الى والدها واردفت قائلة عامل اية ياابو على عاملة اية ياميما حسن: تمام انتى عاملة اية جلست على الاريكة بتعب ثم اردفت قائلة بتعب تعبااااانة الشغل عنده مرهق جدا هاتى ده جيبى ده اعملى سيرش عن كذا جمعيلى معلومات كتابية عن كذا حاجة كده متعبة ومن اول يوم ضحك كريم عليها وهو قادم قائلا: ماهو الشغل عنده كده متعب ومبيرحمش حد علشان كدة اول ماعرفت انك هتشتغلى عنده اترعبت بصراحة نظرت لة ناردين بغيظ ثم قالت : يعنى كنت عارف اكيد كنت عارف وعايز تطلعهم عليا كريم بمرح: اكيد ماكنتش عاوز اضيع الفرصة دى عليا ناردين:ماشى يابخيل انت ماشى نظر لها بغيظ ثم قال: بت انتى انا مش قولت متقوليش كدة تانى ركضت خلف والدتها واختبئت ثم قالت واضيع فرصة انى اشوف خدودك الحمر دى ياختى كمييييلة قالتها بنبرة طفولية كانها تقولها لطفل صغير جعلته يغتاظ اكثر فصرخ بها ناردين!!!! ناردين بخوف: انا هاروح اشوف البت كوكاكولا بتعمل ايه ثم ركضت الى غرفة اختها كمن يهرب من شئ مخيف مما اثار ضحك الجميع كريم وهو يضرب كف بأخر مجنونة والله مجنونة دلفت الى غرفتها هى واختها قائلة بت يا بيبسى بتعملى اية راندا: ناردين قولتلك مليون مرة مش تقوليلى كدة ناردين: خلاص يا سبرايت مش هقول المهم اخبار المذاكرة معاكى اية نظرت اليها بغيظ ثم اردفت قائلة تمام بس حاسة انى خايفة شوية بس مش هخلى خوفى يأثر عليا لازم اكون سفيرة يعنى سفيرة نظرت لها هى بتأثر وهى تخشى تحطم احلامها على صخرة الواقع فاردفت قائلة بمرح يعنى لازم سفيرة ماينفعش حاجة اصغر راندا بعناد :لا سفيرة يعنى سفيرة ثم قالت لها :المهم انتى اخبار شغلك اية ناردين: ماتفكرنيش متعب جدا دة المدير دة عامل زى انسان آلى عمال شغل شغل مفيش راحة ابدا ضحكت راندا بصخب وقالت انسان آلى مرة واحدة حد يقول على المز دة كدة ناردين بصدمة: ال اية ؟؟!!انتى من امتى بتتكلمى كدة اية الطريقة السوقية دى راندا بضحك وهى تشيح بيدها :بلا سوقية بلا بتاع المهم هو معجبكيش دة معروف انة الاسر لقلوب البنات قالت جملتها الاخيرة وهى تتلاعب بحاجبيها مما جعل الاخرى تشهق بصدمة قائلة اتلمى يا ازازة بيبسى منحرفة ضحكت الاخرى بصخب مما جعل الاولى تقطب حاجبيها بغيظ فقالت لها بعدما تمالكت ضحاتها خلاص خلاص مش هقول تانى بس المهم انتى اهدى دة التايجر دة عسل هو ايوة جد شوية بس امووووور قطبت ناردين حاجبيها بغيظ ثم تحدثت سريعا وكأنها تذكرت شيئا انتى عرفتى كل دة من اين رفعت كتفيها وانزلتهما وتحدثت ببساطة كأنه شئ بديهى من المجلات والجرايد بيحكو عن انجازاته وشخصيته وطبعا لازم يكون معاها صور ليه فعشان كدة عارفه شكلة لكن الغريبة ان انتى اللى فى مجال البزنس وتجارة متعرفهوش على الرغم من ان اخوكى كان بيشتغل معاه قطبت حاجببها بعدم فهم وتسألت معاه؟ معاه ازاى دة بيشتغل مع باباه؟ راندا بتوضيح ماهو كان شغال الأول فى شركة باباه قبل مايشتغل فى شركته يعنى تقصدى قطع حديثهم مناداة والدتها لهم من اجل الطعام _______________________________________ نام على فراشه مجهد بعد هذا اليوم الطويل ثم مالبث ان ابتسم عندما تذكر حديثها مع اخته عن كونة ثور جامح لم تكن ايا منهم تدرى انه كان يقف خلف الباب وكان على وشك الخروج ولكنه سمعهم يتحدثون عنه فوقف ينصت لهم ثم مالبث ان تحرك خلف مكتبة قبل ان تدخل اخته زادت ابتسامته اتساعا عندما تذكر اول مرة قابلها بها وطريقة كلامها عن طوله فهمس مع نفسه يا ترى هتعمل اية فيك المشاغبة دى تذكر اسمها فقال ياترى اهلك كان اية اللى فى دماغهم علشان يسموكى الاسم دة "ناردين" وياترى دة معناه اية ان شاء الله!! ________________________________________ على طاولة الطعام ناردين: كيمو هو انت تعرف آسر دة قبل كدة يعنى اشتغلت معاه كريم وهو يلوك طعامه:اة اشتغلت معاه اول ما اشتغلت فى شركة التهامى قبل مايعمل شركة ماكس ناردين: واشتغلت معاه فترة كبيرة كريم: لا مش كبيرة ولا حاجة هو عمل شركته بعد ماانا اشتغلت وشادى كان بيشتغل معانا بس هو خد كام موظف معاه منهم شادى ناردين: شركته هى مش شركة والده كريم موضحا: لا شركة التهامى دى بتاعة العيلة وكان هو شغال فيها من سنين سمعت انه هو شغال فيها من ايام الجامعة وكان ماسك الادارة فيها وبيقبض زى كل الموظفين وبعدين هو خاد فلوسه بعد ماخلص كليته وفتح الشركة بتاعته وبما انه مش جديد فى الادارة لانه بيشتغل من سنين وكمان ذكاءه الحاد وقوة شخصيته اللى بتخلى كل الموظفين يشتغلو بضمير كبر شركته بسرعة ناردين باستفهام :يعنى تقصد ان الشركة الضخمة دى بتاعته لوحده ومفيش حد ليه فيها حاجة من عيلته باباه او مامته او اخته ؟؟ كريم: لا محدش ليه فيها حاجة دى بتاعته من مجهوده ناردين: واية حكاية اسم التايجر دة كريم: مش عارف هو كل حياته اسرار يمكن عشان قوة شخصيتة دة كمان حتى الجرايد متقدرش تكتب عنة حاجة الا باذنه خوفا من بطشه فمحدش يقدر يتحداه كان هذه المرة السؤال من نصيب سامية وابوه سايبه كدة مش خايف عليه ضحك كريم قائلا: بقولك فى السوق من صغره علشان كدة بقولها تبعد عنه لانه محدش يعرف عنه حاجة تنهدت ناردين وقالت: ربنا يسترها _______________________________________ فى مكان اخر دخل الذراع اليمنى لزعيم العصابة قائلا البت خطيبة هانى عدل ذاك الكلمة قائلا: كانت اردف الاخر قائلا اسف ياباشا كانت خطيبته هو اللى كسرلها دراعها وهو اللى ضربها وعرفنا انه خلاها عندها فوبيا اجاب ذاك قائلا: اخبارك قديمة انا عارفها وشوفت كمان اللى حصل بعنيا سواء الضرب او الفوبيا من العنف شوف شغلك كويس اجاب ذاك باعتذار قائلا :اسف ياباشا  المهم هنعمل معاها ايه اجاب الرئيس قائلا :ولا اى حاجة متنساش انها بتشتغل دلوقتى مع ابن التهامى وليها اصحاب بيخافو عليها ودكاترة فى الجامعة بيهتمو بيها فبلاش نفتح العين علينا وخلى عينك عليها لهانى المجنون يعمل مصيبة ويوقعنا مع ابن التهامى ودة مش فمصلحتنا دلوقتى ولا فى مصلحتى ولحد ما نخلص على ابن التهامى مش عاوز مشاكل عشان منفتحش عينه علينا ويكتشف ان عدوه قريب منه اوى كدة اجاب الاخر قائلا :والبت اجاب ذاك الجالس باريحية وقال:لا دى ليها ترتيب تانى دى بتاعتى وهتكون ليا مش لهانى ولا لحد وامشى دلوقتى وشوف شغلك اجاب ذاك الماثل بخنوع قائلا تحت امرك يافندم بسسسسسسس اسر هييح بقى بيضحك وبيتصنت شكلة على تغيير😍😍💖 ناردين ابتدت تعرف معلومات شوية عن رئيسها ايلين العسولة 😍 ميراندا وبيبسى 😂😂 وعارفة معلومات عنة ناردين متعرفهاش مين زعيم العصابة والمساعد بتاعة وقريب منهم لدرجة اد اية 😈😈 ياترى هانى هيعمل حاجة لناردين عايزه توقعاتكو ومشاركتكم معايا تفاعلو يابشر😁😀 اشوفكم على خير #Marian