وحدكتستطيعين

الفصل الخامس عشر وحدك تستطيعين فى قصر التهامى اجاب ابراهيم مدافعا انا كنت بعمل كدة علشان احميك علشان متكنش زيه صرخ آسر قائلا انا مش هو انا مش احمد انا آسر انت بحجة انك تحمينى ان يجرالى زية واكون هة قتلت كلة حاجة حلوة فيا عملتنى آله بدون احساس انا مش هو تحركت ايلين من خلف الباب لتختبئ حينما شعرت بقرب انتهاء الكلام بينما نظر آسر لوالده نظرة اخيرة نظرة لوم وعتاب ثم تحرك للخروج قبل ان تخونة دموعة ويبكى فهو ليس ذلك الشخص الضعيف خرج اسر من المنزل تحت انظار ايلين الباكية فامسكت هاتفها وضربت عدة ارقام ووضعتة على اذنها منتظرة الاجابة _________________________________________ خرج من المنزل كالاعصار ودخل الى شركته غاضب جدا وتوجه الى مكتبه كان منظره مرعب الى حد كبير غاضب لدرجة اللعنة لم يرى احد آسر غاضبا الى هذه الدرجة نظر الى ناردين وقال بحدة مش عاوز مكالمات ولا مقابلات اللى ييجى تقوليلى مش موجود فاهمة قال كلمتة الاخيرة بصراخ جعلها تومئ برأسها رعبا ثم تركها ودخل مكتبه بعد ان اغلق الباب بقوة فزع لها كل من فى شركته وانتفضت على اثرها ناردين من مكانها ووقفت مدهوشة من تغير حالته المزاجية الى تلك الدرجة فلم تره هى هكذا من قبل انتفضت اثر سماعها لصوت هاتفها يرن قطبت حاجبيها بدهشة حينما رأت الاسم ثم اجابت : الو ايوة يا ايلين ازيك عاملة اية؟ اجابتها ايلين بلهفة :ناردين آسر وصل الشركة ولا لسة؟ ناردين باستغراب: اه وصل حتى متعصب اوى وعامل رعب للشركة كلها تنهدت ايلين بارتياح ثم قالت بتوتر ناردين ممكن اطلب منك طلب اجابتها ناردين قائلة :اكيد ايلين :بصى آسر متعصب لان بابى فتح معاه موضوع شغله فى الشركة القديمة وكمان اتكلم عن طفولته اللى ضاعت وشدو مع بعض بسبب الموضوع دة اومئت ناردين بتفهم ولكنها اجابت :ماشى بس انا مالى بردو بالموضوع ده اجابتها ايلين قائلة انتى الوحيدة اللى تقدرى تحلى الموضوع دة قطبت ناردين حاجبيها باستغراب وقالت انا طب وانا مالى ومال الموضوع دة ايلين  :بصى انتى ربنا مديكى موهبة انك تدخلى قلوب الناس بسهولة وكمان تقدرى تغيرى مزاجهم بمرحك وضحكك اتكلمى معاة عرفيه انه ينسى حاولى تخليه يهدى ارجوكى ياناردين انتى الوحيدة اللى تقدرى تعملى كدة تنهدت ناردين قائلة ايلين افهمينى لو اى حد تانى ماشى لكن مستر آسر انا اصلا بترعب منه ازاى هكلمه فى امور شخصية وحتى لو مش هو بردو مش هينفع اتدخل فى امور شخصية لحد ردت ايلين ببكاء ورجاء كبيرين وكأنها آخر امل لها :ارجوكى ياناردين.. بلييز ..بصى انا بس بطلب منك الطلب دة دى اول مرة اطلب منك حاجة... بليييييز تنهدت ناردين قائلة سيبيها على الله وربنا يسهلها اجابتها ايلين بلهفة : يعنى هتساعديه اجابتها ناردين قائلة: ربنا يدبر سيبها على ربنا وهو هيحلها اغلقت ايلين الهاتف بخيبة امل بينما ابتسمت ناردين بأسى فهى بالصباح جادلت اخيها بشأن تلك الاجابات الغير واضحة بينما الان هى فى نفس الموقف تمتمت مع نفسها بهمس قائلة ياترى هتعملى اية ياناردين _______________________________________ ظلت تدق على هاتفه اكثر من عشرين مرة ولكن دون اجابه اخذت تبكى وتلتف حول نفسها ألم يكن يعلم انها تحبه كثيرا تعترف بانها مخطئة ولكنها مافعلت ذلك الا من غيرتها وحبها له ماذا تفعل الآن لكى تعيد الامور الى نصبها الطبيعى فهى لا تستطيع مجرد التخيل حتى حياتها بدونه فكرت قليلا ثم قالت :اللى انتى بوظتيه يامى مفيش حد غيرك ينفع يصلحه انتى لوحدك بس اللى تقدرى تصلحى الموقف دة زى مابهدلتيه ثم ارتدت ثيابها استعدادا لتعديل ما افسدته بينما على الجانب الاخر كان ينظر لهاتفة الذى يضئ بجانبه ويبتسم بمكر فهو يعلم تمام العلم بانها تحبه ولكنها يجب ان تتعلم الدرس قاطع شروده مجئ احدى الفتيات امامه بملابسها التى تكاد تكون جلد ثانى مع تلك العلكة التى تمضغها بطريقة مستفزة وهتفت قائلة بميوعة :كيمو نظر لها نظرة حارقة فتابعت بعدم اكتراث :خد الملف دة راجعة علشان يتعرض على ابراهيم باشا وشوف لو فيه اى تعليق عليه نظر لها باستخفاف ثم انكب على الملف يكمل عمله بينما تلك نظرت لة نظرة راغبة ولكنها وجدته يكمل عملخ وكانها غير موجودة بالمرة فذهبت تجاه عملها _______________________________________ وقفت تفكر ماذا تفعل اذا لم تستطع ناردين فعل شئ ولكنها سمعت والدتها تهتف بتعب بعد ان جلست :هنعمل اية يا ابراهيم آسر من الواضح انه مش هيوافق؟ نظر لها بقلة حيلة وقال :مش عارف يا فريدة مش عارف ابنك عنيد ومش عارف اعمل اية معاه نظرت له ثم قالت هتكلم هناء اختك تبعت حد من الولاد يدير الشركة نظر لها ثم قال :حتى دى مش عارف يعنى تفتكرى هيرضو ييجو حتى لو كلمناهم الظاهر لازم ارجع اشتغل بنفسى تانى نظرت له بدموع وقالت :بس انت تعبان ربت هو على وجنتها وقال برقة :متقلقيش ياحبيبتى ربنا هيقوينى متقلقيش كل هذا كان تحت مسامع ايلين التى قالت مفيش حد يقدر يحل الموضوع غيرى لازم احلها فهى تظن انها وحدها فقط من تستطيع حل الامور امسكت هاتفها وضربت عدة ارقام وانتظرت الاجابة وحينما سمعت الطرف الاخر وقبل ان تسمح له بالاجابة والسؤال عن هوية المتحدث قالت مش كفاية هرب كدة ياحسام صُدم الطرف الاخر حينما سمع صوتها نعم فقد عرفها اما هى فاكملت حينما لم تسمع رد :ايوة انا ياحسام ثم قالت بشموخ وبانف مرتفعة ايلين التهامى ثم ضغطت على الحروف وكأنها تريد ان توصل شئ مبهم قائلة ايلين بنت خالك تحدث الآخر اخيرا وكأنه قد فكت عقدة لسانة قائلا باستفهام ممزوج بالتعجب وگأنه يريد التأکد من الامر قائلا ايلين ؟؟!! اجابت بشموخ قائلة: ايوة ايلين ياابن عمتى مش كفاية هرب بقى بيتهيألى هربت كتير أن الاوان انك تواجه دلوقتى هربت وقت اللى حصل مع احمد واللى اتحمل الامر كلة ابن خالك ثم ضغطت على الحروف قائلة آسر اخويا وهو اللى اتحمل كل حاجة آسر مبقاش زى الاول آسر بقى التايجر والكل بيخاف منه والظاهر ان التايجر دة مبقاش مجرد لقب يعنى دلوقتى بقى نمر مفترس والظاهر انه عليك الدور كان يستمع لها وكأنة يسمع طلاسم فقال مستفهما :يعنى ايه؟؟!! قالت له: سيرش صغير على النت هيفهمك شخصية ابن خالك اللى كاااان طيب وحنين دلوقتى بقى نمر مفترس ثم قالت بقوة وحزم آسر قرر انك ياتيجى تستلم الشغل بتاعك لان بابا تعبان يا اما هيتصرف هو ثم اكملت باستهزاء فمنصحكش انك تستهون بكلام آسر التهامى يا ابن عمتى وكفاية هروب ثم اغلقت الهاتف مخرجة تنهيدة حارة من داخلها وعيناها متلالاة بالدموع _____________________________________________ فى شركة ماكس كان الجميع يعمل بجدية وناردين ايضا فقد كان الجميع خائفا من آسر بشدة الى ان جاء ظرف لناردين يجب توصيله الى آسر فاضطرت آسفة للدخول اليه وقد كانت قدماها ترتجف دخلت الى المكتب ولكنها لم تجده ادارت عينيها فى المكان ولكن ليس له وجود حكت فروة رأسها بتعجب قائلة :ازاى دة دخل قدامى ومخرجش راح فين دة ثم قالت بغباء يكونش معاة طاقية الاخفا وخرج من غير ما اشوفه علشان يعرف يتصنت علينا اااة والله يعملها ده الواحد يتوقعله اى حاجة طيب هعمل اية دلوقتى وخرج من اين دخ مكتبه فى الدور العاشر يعنى مش هينفع ينط ده ينزل ميت ثم جاءت لتخرج ولكنها سمعت صوت فى الغرفة لفت بعينيها فيها بحثا عن ذلك الصوت فوجدت بابا لم تلاحظه من قبل وغير مغلق جيدا نظرت تجاه الباب ثم تحركت نظرت منه فوجدت آسر يتمرن بالملاكمة بغرفة ملحقة بمكتبه لم تلاحظها من قبل ويبدو من خلال ملاكمته بأنه غاضبا كالعنة فقد كان يضرب بقوة كبيرة ويتصبب عرقا غزيرا وضعت يدها على فمها لتكتم شهقة كادت تنفلت وتفضحها عندما وجدته ضرب كيس الرمل بقوة تحرك على اثرها الكيس بعيدا فلو كان هذا الكيس انسانا لتحطمت عظامه فورا دار بخلدها حديث ايلين عن استطاعتها فى تهدئته ربما تستطيع فعل شئ ولكن كيف البداية وكيف تفعلها ثم تذكرت وقوفها وانه ان لمحها سيقيم عليها حفل شواء اليوم او تحل محل ذلك الكيس فتحركت للخلف بسرعة وارجعت الباب كما كان بهدوء وخرجت من المكتب دون ان يلاحظ احد ثم وضعت اصابعها على جبهتها مفكرة محاولة الوصول لحل الى ان جاءتها فكرة ربما تكون ساذجة ولكنها تعتبر الانسب فى هذا الوقت بجانب انها محاولة  امسكت هاتفها وضربت عدة ارقام وانتظرت الاجابة ثم قالت بمرح :الو ايوة يا ماما عاملة اية ياروحى ماما كنت عاوزة منك حاجة فى الجانب الاخر كان آسر فى تلك الغرفة يتمرن محاولة نسيان عصبيته حتى لا يصب جام غضبه على اى احد فقد صممها لهذا الغرض الى ان شعر ان قد افرغ طاقته بعض الشئ خرج من غرفته واتجه الى الهاتف الداخلى للمكتب مهاتفا ناردين قائلا لو فيه شغل متاخر او محتاج امضتى هاتهولى قالت ناردين بجدية :تحت امرك يافندم كانت هى قد انهت مكالمتها مع والدتها وقد شعرت ان الله يقف معها اخذت الملفات ودخلت له قائلة :الملفات دى محتاجة امضتك يافندم ودى البوسطة والملفات دى محتاجة مراجعة حضرتك علشان الميزانية بتاع المشروع الجديد وكمان ده ملف عن كل اللى داخلين منافسين معانا وكمان العروض اللى مقدمينها تقدر تدرسها كانت ناردين قد انهت عملها الذى طلبه فى يوم اجازتها ولكنها سلمت كل شئ مرة واحدة حتى تجعله يهتم بالعمل حتى ينسى الوقت كانت تدعو الل الا يكتشف هو حيلتها تنهدت بارتياح حينما قال بجدية :سيبى الملفات ادرسهم وروحى على مكتبك شوفى شغلك كادت ترقص فرحا حينما وجدته انكب على الملفات يدرسهم تمتمت لنفسها بهمس قائلة :فاضل على الحلو تكة خليك معانا يارب كمل فضلك علينا ونجح الخطة دى على خير انا عارفة انها هبلة بس مش جاى فى بالى حاجة غيرها ________________________________________ خرجت هى من المكتب فوجدت هاتفها يرن نظرت الى المتصل فوجدتها ايلين فتحت عليها وقبل ان تقول شئ هتفت ايلين قائلة :ناردين بصى علشان خاطرى بصى انا مش عاوزة حاجة غير انه يهدى بس علشان خاطرى قالت ناردين اهدى دخ اللى بحاول اعمله بس كمان عايزة منك انك تقربى منه تكونى اخته بجد تحكيله ويحكيلك مش بس مجرد اسم ايلين بحزن :ازاى ياناردين آسر مش بيحب يحكى ولا يتكلم مع حد اعمل ايه اجابتها ببساطة وبمرح : انكشيه ايلين :نعم؟؟؟؟!!!!!!! دة اللى هو ازاى ناردين: انا هفهمك ___________________________________________ على الجانب الاخر فى شقة حسن كانت سامية تمسك الهاتف متعجبة من طلب ابنتها الغريب هذا ثم قالت :كشرى؟؟كشرى وبطاطس وبدنجان مقلى وكمان لو فية فول او طعمية كمان واكتر الكمية؟؟؟؟؟ ياترى ايه اللى فى دماغك يابنت بطنى الكشرى ماشى بس الفول والطعمية!!! ان ماكنتيش فطرانة بيهم الصبح الناس لما تطلب اكل نفسها فية تطلب اكل ملوكى او حتى بيتزا او شاورما اواى اكل من اللى بتحبيه لكن دة ازاى لا وكمان كترى الكمية ماشى ياناردين اللى انتى عاوزاخ لما نشوف اخرة طلباتك الغريبة بسسسسسسس ياترى مى هتعمل اية وكريم كمان ؟ حسام هيبجى ولا لا واية حكايتة ؟؟ مين احمد دة؟؟ ياترة اية خطة ناردين الغريبة دى واية كمان اللى عاوزاة من ايلين ؟ اية حكاية الاكل الغريب دة وطلباتها الغريبة دى؟؟ يالا شاركونى بتوقعاتكم للاحداث القادمة وعايزة بقى تفاعل كبييييييير على الفصل اشوفكم على خير #marian