اسرارها

الفصل الثالث و العشرون اسرارها كانت تجلس على مكتبها ولكنها وجدت هاتفها يرن برقم اخيها نظرت للهاتف وتنهدت هاتفة ف قلبها :مش كفاية اللى انا فيه كمان عايز تفكرنى بمشاكلى وخوفى ورعبى حرام عليكم سيبونى ف حالى بقى انا تعبت افاقت على رنين الهاتف مرة اخرى فاجابت وطمئنته عليها بانها فى العمل وركضت ولم تنتظر حتى لا تتاخرثم اغلقت الهاتف ولم تلاحظ ذلك الذى ينظر لها من بعيد وهو يلاحظ تعبيراتها وهى تحاول السيطرة على دموعها وشهقاتها وقد تاكد بانها تخفى اسرار واحزان كثيرة فهمس بداخله : ياترى جواكى ايه يا ناردين لازم اعرف مالك وايه اللى مخبياه _______________________________________ كان يطلبها بين الفينة والاخرى لتحضر له شئ من ملفات او غيرها ولكن الملفت للانتباه انها لم تركز ابدا لما يريده كانت تحضر اشياء اخرى او تنسى ما قاله وتعود تسأله تشبه من ليس فى هذا العالم وما يثير ريبته فعلا هو هذا الشحوب الغير مبرر فى وجهها وكان لونها قد خطف تلك الفتاة لا يعرفها وكانها بعدم تركيزها فتاة بملكوت آخر يكاد يقسم بانها تفكر فى شئ قد سرق انتباهها نظر لها بغضب ظاهرى ثم قال :فيه اية يا ناردين مالك مش مركزة ليه؟ تلك الدموع الحبيسة قد انسالت الآن وكأنها كانت تنتظر سبب لاخراجها تحكم فى نفسه حتى لا يدسها بين اضلاعه وقال :ايه مالك مش مركزة وبتعيطى ليه؟ ناردين: انا اسفة يافندم آسر: روحى شوفى شغلك وياريت تركزى ناردين: حاضر يا بشمهند س خرجت تركض حتى لا تنهار فهى الآن فى اضعف حالاتها بينما كان يتابعها هو ونظر لها من شباك غرفته المطل على غرفتها لكى يرى ردة فعلها رفعت هاتفها واتصلت بأحد الارقام ولكنها لم تجد رد مرة اثنان ولكن لا فائدة كل هذا وهى تبكى بحرقة تحتاج لمن يسمعها ولكن لا يوجد رن هاتفها بإحدى الارقام التى اتصلت بها ردت مى :انتى مجنونة يا بنتى بتجرى كدة ليه خايفة لانتقم منك متخافيش هقتلك بس اجابتها ببكاء : ياريت أموت مى برعب:ناردين مالك بتعيطى ليه ايه اللى حصل؟ ناردين ومازالت غير واعية لما تفعل شوفته يا مى شوفته مى :هو مين؟ ناردين :هانى كلمة اثارت الرعب فى قلب مى فقط اسم أثار الرعب فى قلبها اجابتها مى نعم!! شوفتيه؟؟!! وقالك ايه الحيوان دة وعملك ايه احكيلى؟ فى ذلك الوقت وكأن ناردين قد عادت الى الواقع وضعت يدها على فمها تلعن خوفها منه والذى جعلها ترعب من حولها قالت بهدوء وهى تحاول السيطرة على بكاءها مفيش يا مى مفيش مى:يعنى ايه مفيش كلمينى وقوليلى هقولك بعدين علشان بشمهندس آسر بينده عليا اغلقت الهاتف ووضعت رأسها على المكتب تبكى بحرقة وتلعن حظها العسر، لما يحدث معها كل هذا؟ لما هى؟ فهى دائما ماترضى بأقل الاشياء ودائما تحاول اضحاك من حولها ولكن لما لاتجد من يحاول اسعادها و رسم الضحكة على وجهها؟ لما تجد دائما ما يبكيها؟ الآن نفذت قواها للتحمل وهى الآن على وشك الانهيار قالت بصوت مسموع بنشيج باكى :ليه ياربى ليه؟ انا عملت ايه ف حياتى يجرالى دة كلة؟ انا كل اللى بعمله انى بحاول اسعد اللى حواليا ليه اتوجع دايما؟ ليه مش لاقية السعادة ابدا؟ ليه؟ كانت تبكى وتخرج ما بداخلها ولم تكن تعى لتلك العيون التى تراقبها وتستمع لها ________________________________________ دخل الى رئيسه منكس الرأس مرتعب كيف يخبره ماحدث او ماسمعه دخل له فقال الاخر بملل :احكى مش ناقص وقفة سكوت قول اللى عندك تكلم الاخر بتلعثم :ن نا ناردين نظرة واحدة كانت كفيلة باخراسه كانت تشبه الموت تلك النظرة السوداء جعلته يعدل من كلامه قائلا :ناردين هانم :مالها كان صوته كالرعد يحثه على اكمال الحديث وفهم منها ان زعيمه لا يريد احد ان ينطق باسمها :هانى باشا راحلها بعد الكلية وهددها وتقريبا كدة هتنفذ كلامه تحدث ذلك الماثل قائلا بحدة عاوز اية زفت؟ حكى له الرجل ماسمع مما جعل الاخر يزأر كالاسد وانتفض قائلا :نعم!! طيب اقسم بربى لو فكر يقرب منها لاقتله ايوه هقتله وبايدى انا سايبه من زمان بس لحد كدة واستوب خلاص مش انا اللى تتاخد منى ناردين من حتة واحد شغال عندى ناردين بتاعتى انا ناردين بتاعتى كانت ملامحه مخيفة ومرعبة بدرجة كبيرة جعلت الآخر يتلهف للخروج ما ان سمح له بالخروج حتى جرى وقد شعر بانه قد ولد من جديد فهو يعلم رئيسه جيدا من الممكن فى غضبه ان يقتله فهو بدون قلب وبدون رحمة ______________________،،،،_____،،،،_______ دخل مكتبة يفكر الى ان راودته فكرة اخرج هاتفه واتصل باحد الارقام اجابه الطرف الآخر بمرح :مش معقول آسر باشا بيتصل بيا انا مش مصدقة نفسى هو دة حقيقى؟ آسر: اخلصى يا ايلين كنت عاوز اسألك على حاجة بخصوص ناردين صاحبتك هتفت ايلين برعب: ناردين!! مالها؟ آسر: مين هانى؟ توترت ايلين وشعر آسر بذلك ايلين: ها هانى مين؟ آسر بحدة: مين هانى يا ايلين وايه علاقته بناردين ايلين: هانى دة تقدر تقول اسوء حاجة حصلت لناردين بس مقدرش احكيلك حاجة لانها حاجة خاصة بيها هى اغلق الهاتف مع اخته وهو يشعر بان هناك ألغاز كثيرة حول ناردين _____________________________________________ كانت خائفة بشدة بعدما سمعت من صديقتها هل رأته بالفعل ترى ماذا فعل لها هذا المعتوة لم تجد مفر سوى ان تتصل به تعلم انه الامان لهم جميعا هو الاخ والسند الحقيقى لها يحبها بشدة فهى بالنسبة له اخت وصديقتة واحيانا يشعر بانها ابنتة فبالتأكيد سيستطيع التصرف امسكت الهاتف وطلبت رقمه كريم: مى هانم بتتصل بيا معقول اكون وحشتك كدة؟ مى :كريم انا عاوزة اكلمك ف موضوع كريم بقلق من نبرتها :فيه اي يا مى مالك؟ :ناردين كلمتنى ومنهارة وعمالة تعيط بمجرد ذكر ذلك الكلام وجدته وقف من مكانه قائلا :مالها ناردين اية اللى حصل ومين ضايقها مى:مش عارفة كل اللى اعرفة انها قالتلى انها شافت هانى كريم بغضب: يعنى ايه هو راح لها او ضايقها؟؟ الله ف سماة لو كان ضايقها او عملها حاجة لاكون مسلم الورق او قاتله بايدى مى وهى تحاول تهدئته اهدى يا كريم احنا لسة لحد دلوقتى منعرفش ايه اللى حصل يمكن شافته ف الشارع وخافت منه كريم بحذر :يعنى انتى ماتعرفيش اية اللى حصل مى :لا والله كل اللى اعرفة انها قالتلى انها شافتة غير كدة معرفش قالت بعدين هتتكلم ف انت كلمها برده واعرف ايه اللى حصل بس ياريت لما تروح البيت علشان ميحصلش مشاكل او تعيط او حاجة ف الشغل كريم: ماشى انتى معاكى حق مى :وبهدوء عليها يا كريم لو سمحت ماشى __________________________________________ كان قد انهى عمله وقف امامها وهى غير منتبهة لوجوده فهتف قائلا :يلا علشان تروحى خلصنا شغل رفعت عينيها له ونظرت له بضياع كانت نظرتها له توحى وكانها طفلة تائهة تترجى احد ليمسك يدها ويرشدها للطريق كمن يستنجد باحد عيونها كسماء ملبدة بالغيوم وعلى وشك هطول الامطار نظرتها له توحى بعدم درايتها بشئ مما يحدث نظر لها يحثها على الذهاب قامت وسحبت حقيبتها وهمت بالذهاب حينما سمعت صوته يهتف بغضب قائلا :رايحة فين؟ همست بصوت مبحوح قائلة :مروحة هتف بها بغضب :مروحة لوحدك والسعادى؟! نظرت الى الساعة فوجدتها تجوزت التاسعة ف بالفعل قد تأخرت ولكن لما لم يتصل بها احد؟ اجاب هو عن سؤالها قائلا :يلا هوصلك على البيت وانا كلمت اهلك من بدرى ان انتى هتاخرى ف الشغل وهروحك اومئت براسها دون حديث وخرجت خلفه ______________________________________ كانت تجلس فى سيارته شاردة تفكر فيما يحدث لها ولما هى دونا عن سائر البشر من يحدث له هذا قطع سلسلة افكارها وقوفه بالسيارة فقد كان هو من يقود وركبت بجواره نظرت من الزجاج وجدت انهم فى منطقة صحراوية شبة نائية ولا يوجد بها احد ولا حتى منازل فقط سيارته وسيارات الحراسة الخاصة به نظرت له باستفهام فوجدته يتحدث بحدة قائلا :انزلى نظرت له باستفهام وحاجبين معقودين دليل على عدم الفهم فنظر لها وقال بحدة اشد وملامح اكثر رعبا : انزلى هبطت١ من السيارة مرتعبة فهى ليست لديها القدرة حتى على المجادلة وقفت امامه بينما ربع هو يديه ونظر لها بملامح مرعبة ثم بعد صمت هتف بها قائلا احكيلى بقى مالك نظرت له بعدم فهم ثم تحدثت بتعب وبصوت مبحوح من كثرة البكاء قائلة :مالى ازاى؟ آسر: مالك مش مركزة من الصبح ف الشغل ليه؟ مالك معيطة لي؟ه مالك دموعك عمالة تنزل ليه؟ وانتى راكبة ف العربية الاول لما كنتى بتركبى ف العربية معايا كنتى بتبقى مركزة على الطريق لو اخدت اى شارع جانبى كنتى بتموتى من الرعب وبتسألى ايه اللى حصل اما النهاردة بعدنا عن المكان كله وروحنا الصحرا وانتى مش مركزة مالك فيه اية؟ هزت رأسها وقالت :مفيش آسر: لا فية اقولك انا ايه الموضوع مين هانى وعملك ايه؟ نظرت له بصدمة وفاه مفتوح بينما نظر لها بانتصار سريعا ما اختفى حينما قالت :دى حاجة تخصنى انا محدش ليه دعوة بيها ولا حتى حضرتك نظر لها بغضب وقال :لا ليا لما تبقى بتشتغلى عندى يبقا ليا حق اسأل ولا يكون بتخونينى مع حد؟ اخونك!! انا اخونك؟؟ قالتها بضعف وبدأت دموعها تسيل على وجنتيها ثم قالت بضعف عاوز تعرف ايه آسر بجمود ظاهرى مين هانى؟ وايه اللى حصل النهاردة وايه حكايتك كلها ضحكت بألم ثم قالت :حكايتى ماشى ناردين حسن الصاوى دة اسمى بنت موجه علوم بنت بسيطة كنت فى الكلية وشافنى هانى ثم اكملت بسخرية مريرة وهى تبكى سيادة الرائد هانى عجبته واتقدملى وانا وافقت وثقت فية ثقة عمياء كنت شايفاة آخر الرجال المحترمين متسألنيش حبيته ولا لا علشان مش عارفة بس اهم حاجة ف اى علاقة الثقة وانا كنت بثق فيه وجدا كمان كان خطيبى وبعدين اكتشفت عنه انه بنى ادم زبالة آسر: ازاى يعنى؟ ناردين ببكاء: يعنى واحدة جاتلى وعرفتنى انه بيشتغل ف مخدرات وغسيل اموال وسلاح ودعارة وقرف وانا كنت هبقى مراته صمتت من كثرة البكاء وتعالت شهقاتها فحثها على الاكمال قائلا بجمود :وبعدين؟ ناردين: واجهته قالى انه فعلا بيشتغل ف كدة زى كل الناس علشان الفلوس وانه مش بس كدة دة عضو فيها ولما قولتله انه نجوم السما اقربله منى ضربنى جامد وقالى انى ملكه ومسكنى من دراعى وكان هيكسره لدرجة انة مزق الاربطة بتاعت كتفى لولا لحقنى كريم اخويا لان مى صاحبتى قالتله وجالى وهدده بانه يبعد عنى والا هيودى الورق للنائب العام على الرغم من تعاطفه معها ووجعه الشديد لما مرت به تلك الصغيرة الا انه اكمل بجمود قائلا :دة حصل من زمان ايه اللى جد النهاردة؟ نظرت لة ثم سردت ما حدث Flash back كانت خارجة من الجامعة تركض لكى تذهب لعملها حينما وجدت من يسحبها ويكمم لها فاها التفت لتنظر من هذا فوجدت ذلك الوجه الكريه الذى طالما كرهته هانى :،ازيك يا روحى عاملة اية؟ ناردين وهى تمثل القوة :هو انت؟ عاوز منى ايه؟ هانى :عاوزك ناردين: نعممم!!؟؟ دة نجوم السما اقربلك عاوز منى ايه يا هانى؟ وانسى موضوع الجواز دة واوعى تقولى بحبك وكدة لانى مش هوافق عليك حتى لو اية وابعد عنى قبل ما اقول لاخويا ويقتلك ضحك بصخب ضحكة ساهرة هازئه ثم قال :اخوكى يقتلنى؟؟!!! اسمعينى كويس يا ناردين وافهمى كل كلمة هقولها انا جاى اعمل معاكى اتفاق نظرت له بعدم فهم فأكمل هو اة اتفاق وقبل ما اعمله احب اقولك ان الاوراق اللى مع اخوكى يبلها ويشرب ميتها لان الناس اللى معايا ف الفيديوهات والاوراق معدش ليهم وجود :ماتوا؟ قالتها هى بصدمة ليضحك هو بسخرية وقال حتى :الكلاب مش هتعرف تلاقى جثتهم لاهما ماتو ولا ليهم حتى اثبات او ورقة واحدة او حتى صورة ف الحكومة تثبت انهم كانو موجودين قبل كدة اصلا يعنى ايه؟ قالتها بعدم فهم :يعنى ماتوجدوش ف الدنيا ودى مهمتى فعلشان كدة عاوز منك اتفاق :ايه؟؟ هانى: هنتجوز ناردين: نعم؟؟!!! هانى :اختارى قدامك ٤٨ساعة ياتقولى موافقة وتتحدى باباكى ومامتك وتتجوزينى يا اما ناردين بشجاعة:يا اما ايه هتقتلنى؟ اقتلنى وريحنى من العيشة اللى انا فيها دى هانى: لا مش هقتلك ياروحى هقتل اللى حواليكى لحد ماتوافقى ناردين: انت اية دة؟ انت مجنون؟ ازاى يعنى دة؟ هانى بغضب:اة مجنون، مجنون بيكى اسمعى ياتوافقى يا اما هقتل اللى حواليكى واحد واحد وهبتدى من البعيد للقريب تحبى ابدأ بمين الاول مارينا ولا مى ولا ابدا بشادى زميلك ف الشغل لانى لاحظت انكم اصدقاء ولا ابدأ بدكتور خالد ومن البعيد للقريب لحد ما اوصل لباباكى ومامتك وشوفى انتى هتتحملى لوم نفسك لحد فين وانتى عارفة ان مش من الصعب قتلهم رصاصة طايشة ف اثناء قتل ارهابى، او حادثة عربية لواحد معدى ف الشارع، او محاولة سرقة وقتل او حتى ظابط قتل مواطن اثناء محاولة القبض على خلية ارهابية اية رأيك بقى؟ قال كلمتة الاخيرة بغمزة ونظرات شيطانية توحى بانه سيفعل ذلك نعم سيفعل فهو لديه من السلطة والنفوذ ما يجعله يفعل ذلك واكثر زى ما قولتلك قدامك ٤٨ساعة وتردى عليا Back صرخ بها قائلا انتى مجنونة انتى مصدقة انه يعمل كدة او حتى يقدر يعمل كدة؟ صرخت به ببكاء ايوة يقدر.. يقدر ده عنده السلطة والنفوذ وكمان معندوش اى رحمة، ده مش طبيعى دة مريض او مجنون دة واحد يملك كل حاجة و جه حد قاله لا ثم صرخت اشمعنى انا؟ لية بيحصل معايا كل دة؟ ليه الوجع من نصيبى انا بس؟ ليه كل ما اقول الدنيا اتحسنت تبوظ اكتر؟ ثم ابتسمت بسخرية قائلة الكل فاكرنى حياتى مية مية لانى بضحك على طول ومش عارفين انها حلاوة روح مش اكتر وأنى مش عاوزة اشيل حد همى اة اة اعمل اية ثم سقطت على ركبتيها تبكى بحرارة وتضرب صدرها بقبضتها اعمل ايه انا؟ اعمل اية؟ انا مجرد بنت بسيطة ماليش ف حاجة مجرد بنت انا لا ليا ضهر ولا سند انا بابا مجرد موظف حكومى على قده وبدأت تتقطع فى كلماتها وتتعالى شهقاتها ثم نظرت له وعيونها مليئة بالدموع تنظر له كطفلة صغيرة تشكى دنياها ت تع تعرف انا ك كان نفس نفسى ااكون مهندسة اد الدنيا وجبت مجموع هندسة وكنت فرحانة ان انا جبت المجموع ورحت لبابا ب بس قالى انه ميقدرش يصرف عليا ف كلية زى دى دخلت تجارة زى كريم علشان يذاكرلى حتى كريم لما دخل تجارة كان فيه حد جارنا بيذاكرله ويشرحله انا بس ب بنت بس بسيطة مش اكتر اعمل ايه مش عارفه اعمل ايه واختار ايه؟ كانت تبكى بقهر دموعها تسيل على وجنتيها كالشلال اما هو فاحس بخنجر يطعن بقلبه كلماتها كانت كخناجر سامة تضرب قلبه ثم سقطت على الارض ومازالت دموعها تسيل على وجنتيها قائلة اشمعنا انا؟؟ اشمعنا؟؟لية دايما الوجع والالم مش بيختار غيرى ويجيلى كأن مفيش غيرى مسموحله بالألم ؟؟؟ ثم نظرت اليه باستعطاف ونظراتها تقتله ثم قالت :طيب اختار اية دلوقتى؟؟ اختار الموت ليا ولا اختار الموت للى حواليا وبعدين هختار انى اموت قولى اعمل اية؟؟ انا لو اخترته عارفة انى هعيش تعيسة ولو اخترت ارفض هيموت اللى حواليا وبعدين انا ايه ضمنلى ان اللى انا هاخده هيبقى احسن وهيعيشنى سعيدة اعمل ايه؟ ثم تقطع صوتها بالبكاء قائلة م مش بي بيقولوا عنك عن عندك حك حكمة قو قولى اعمل اية ثم صرخت اعمل اية انا نفسى حد ياخد بايدى ويدلنى اعمل ايه؟ بس حتى دى للاسف صعب ثم قالت بنبرة اشبة بالرجاء ومازالت دموعها تسيل قولى اعمل ايه... من ..فضلك قولى ثم صرخت به هاتفة :قولى اعمل اية ماتقول تألم هو لمنظرها هكذا فلم تكن تشبه تلك المرحة التى يعرفها تمنى ان يزيل كل هذا الحزن من قلبها نزل على ركبتيه ووضع يده على كتفها فنظرت له برجاء فقال اهدى وانا هحل الموضوع اهدى بسسسس ياترى اية اللى هيحصل اية رد فعل آسر فى اللى سمعة هانى هيعمل اية الزعيم هيعمل اية مع هانى توقعاتكم للبارت القادم وتفاعلاتكم اشوفكم على خير #marian