اول يوم عمل

الفصل الحادى عشر اول يوم عمل رن هاتفه ليلا فاجاب عليه كريم بهدوء: الو مين معايا اجاب الطرف الاخر: ايوة ياكريم انا شادى قول لاختك بكرة اول يوم ليها فى الشركة مع آسر باشا هتكون السكرتيرة بتاعته وكأن دلو ماء بارد قد انسكب عليه ليجيب كريم بصدمة: ناردين مين ناردين اختى وهتشتغل مع التايجر شادى بضحك: اة بالظبط كدة كريم:انت بتقول ايه طب ازاى بعد اللى عملته عنده فى المكتب اجاب شادى بتعجب : انا نفسى مش مصدق بس هو اتصل بيا وقالى انه عايزها فخليها تستعد كريم وهو مازال تحت تاثير الصدمة :اوكى اغلق الهاتف وذهب لغرفة اخته فتحها دون ان يطرق الباب كادت تعنفه ولكنها صمتت حين قال جهزى نفسك بكرة اول يوم ليكى فى الشغل عند آسر باشا سقط فمها ارضا وقالت وهى تشير بيديها تقصد اللى هو كنا عنده النهاردة اومئ براسة دون حديث فقالت طب ازاااى يعنى بعد اللى عملته دة...يعنى اية..مش فاهمة حاجة مط شفتيه دليل على عدم معرفته قائلا مش عارف كل اللى اعرفة ان شادى اتصل بيا وبيقولى ان آسر قاله انه يكلمنى ويبلغنى انك هتبقى سكرتيرته صمتت واومئت برأسها وداخلها يقرع كالطبول قائلة خلاص ماشى هروح وربنا يستر حذرها هو وهو يشير بسبابته قائلا :ناردين زى ماقولتلك بلاش انك تستفزيه او تتصرفى بطفوليه معاه اتصرفى معاة بجدية انتى متعرفيهوش ولا تعرفى غضبه او تقدرى عليه اومئت هى برأسها وهى خائفة من ذاك اللقاء ______________________________________ فى قصر التهامى فى صباح يوم جديد ارتدى ملابسه من اجل الذهاب لشركته فهو اليوم سوف يتقابل مع تلك المجنونة كما يدعوها فى مخيلته نزل للافطار فوجد والديه صباح الخير ردو علية صباح النور ابراهيم: رايح الشركة آسر: اة رايح ابراهيم: واخترت سكرتيرة كويسة ولا اية آسر: اة اخترت اخت كريم ولما اشوف ابراهيم: ماشى يابنى ربنا يوفقك آسر: امال فين ايلين فريدة :راحت الكلية الصبح اسر: خدت الجاردز اللى جبتهملها فريدة: الجداد اة خدتهم متقلقش آسر: طيب امشى انا بقى فريدة: سلام يابنى ربنا يحميك من كل شر ______________________________________ استيقظت باكرا على غير عادتها فهى لاتريد اثارة غضبه ارتدت ثيابها وخرجت ناردين: صباح الخير الجميع: صباح النور سامية: تعالى افطرى ناردين: لا ياماما علشان ماخرش ثم نظرت لكريم قائلة يلا ياكيمو علشان تودينى كريم: طيب لما افطر ناردين بحنق :مش مشكلة افطر هناك يلا كريم: يابنتى ماجتش من خمس دقايق ناردين: قولت قوم مش عاوزة اتهزء كريم: امرى لله امشى ادامى يا بختى الاسود وسار امامها عابسا بسبب عدم اكمال افطاره ناردين بمرح:افردها شوية كدة اللى يشوفك يخاف امسكها من ملابسها من الخلف قائلا عارفة ياسردينة الكلب لو سمعت صوتك هاعمل فيكى ا ية ضحكت هى بصخب قائلة تؤ تؤ تؤ مكنتش اعرف ياكيمو انك من النوع اللى يهمك بطنك ثم جرت من وجهه ________________________________________ دلفت الى مكتب شادى لتعلم منه مكانها فى الشركة صافحته وكادت تتحدث ولكنها تفاجئت بذلك الانذار ووقوف الجميع فقالت ببلاهة اية دة مش الانذار دة حريقة يبقى لازم نجرى رد عليها قائلا بصوت خافت: لا دة البشمهندس آسر متخافيش هو بس داخل ولازم تقفى ودقايق وهندخله صمتو وهم بالكاد يستطيعو امساك ضحكاتهم اثناء مروره لاحظ وقوفها مع شادى فقال تعالى ورايا همست هى لشادى :لا دة الحريقة ارحم سمع هو همسها ولكنه لم يتبين الكلام ولكنه لاحظ ضحكاتهم الخافتة التفت براسه فوجدهم قد صمتو قبل ان يلتفت فهم لاحظو جسده وهو يلتف فصمتو قبل ان يراهم دلف لمكتبه ودلفت خلفه اسر بجدية وهو ينظر الى الاوراق امامه من النهاردة انتى السكرتيرة بتاعتى يعنى عليكى تظبيط مواعيد تجيبيلى البوسطة تشوفى اللى انا محتاجه هنا فى المكتب من اوراق مشاريع وغيره واحتفاظ ببعض الملفات عندك غير انك هتعملى شغل تانى هطلبه منك زى ابحاث عن بعض الشركات ولو فيه عقود هترجعيها للحسابات والى اخره فاهمة سقط فمها ارضا ولكنها اومئت بالايجاب وداخلها تسب نفسها آلاف المرات على تفكيرها فى العمل همست لنفسها بصوت لايسمع دية هم مايتلم يابوووووى نظر لها ثم قال دة العقد بتاعك وشادى هيفهمك كل شغل الشركة تقدرى تقرى العقد انتهى من كلامة فوجدها صامتة ثم اقتربت من مكتبه بهدوء اثار ريبته امسكت هى العقد وبدأت بقرأته ثم امسكت القلم ووقعت عليه نظرت له ثم قالت بجدية وكانها شخص آخر غير الذى رآة من قبل ممكن حضرتك تقولى مكتبى فين تفاجئ هو بهذا الهدوء وهذه الجدية فلا تشبه تلك المشاغبة التى تحدثت معه بالامس ولاتشبه تلك الواقفة تتحدث مع شادى باريحية وتضحك رد عليها بجدية: اة المكتب اللى برة مكتبى ردت علية بعملية :اوكى يافندم هروح اشوف مكتبى وابدأ شغلى اثناء خروجها تفاجئت به ينادى عليها آسر :ناردين هو انتى فى سنة كام فى الكلية ناردين: فى سنة تالتة آسر: اوكى بس ياريت توفقى بين الاتنين كليتك والشركة واكمل بنبرة ذات مغزى انتى هنا للشغل وبس فهمت ما يرمى اليه فهو يتحدث عن موقف امس فقالت بجدية اكيد يافندم _______________________________________ بعد خروجها من مكتبه دلفت الى مكتبها وبدأ شادى تعليمها بهدوء وتفاجئ هو بسرعة بديهتها فلم يتوقع ان تلك الفتاة المشاكسة والمرحة ذكية وجدية فى عملها الى هذا الحد شادى باعجاب لا مشاء الله عليكى انتى ذكية جدا انتى متاكدة انك فى تجارة ناردين بابتسامة :انا اصلا كنت جايبة مجموع عالى بس كل مالكلية تبقى مصاريفها اغلى فدخلت تجارة كلية الشعب شادى باعجاب خلاص تمام كدة فهمتى كل حاجة ناردين ااة شكرا ________________________________________ فى الجامعة كانت مى ومارينا يجلسون معا الى ان قالت مى :ياترى البت ناردين بتعمل اية مارينا: زمانها فى الشغل بس يارب متعملش مصيبة رفعت مى يديها متضرعة قائلة يارب قطع حديثهم ذلك الصوت الرجولى اية يابنات امال التالتة بتاعتكم فين اجابت مى بعفوية فى الشغل يادكتور ببنما ضيقت مارينا حدقتيها محاولة فهم مايريد خالد:ربنا يوفقها المهم كنت عاوز ابلغكم بان فيه بحث لازم يتعمل ومتاخروش وياريت تقولو لتؤمكم التالت فكت مارينا عقدة جبينها واومئت براسها قائلة اوكى يادكتور شكرا خالد: العفو على اية انتو من اشطر الطلبة عندى تركهم وذهب فقالت مى دكتور كويس جدا مارينا: اشمعنا مى:لانه بيعاملنا كويس وكمان مش بيفرق بين غنى وفقير كل اللى همه انه شاطر اومئت مارينا مؤكدة على حديثها ____________________________________ فى شركة اسر دخل شادى الى رب عمله قائلا خلاص يافندم فهمتها كل حاجة نظر لة باستغراب قائلا بسرعة كدة اومئ شادى باسه قائلا باعجاب: اة ماشاء الله عليها تؤمر بحاجة تانية اسر بعملية : عايز كل المعلومات عن المشروع الجديد اللى هتاسسه الحكومة وكمان عاوز اعرف ايه المطلوب فيه وعايز اعرف كام شركة انشاءات مقدمة علشان تاخد بنا وتاسيس المشروع دة وكل المعلومات عن الشركات دى علشان لازم نعرف منافسنا كويس شادى :تحت امرك يافندم اسر :بس مش انت اللى هتعمل كل دة انت هتشرف على اللى بيعمل قطب شادى جبينه قائلا وياترى مين اللى هيعمل ظهرت ابتسامة ماكرة على وجهة قائلا السكرتيرة الجديدة شادى بزهول بس اااا اسر بصوت مرعب سمعتنى اوما براسة وهو يبتلع ريقه قائلا اكيد يافندم _________________________________________ فى منتصف اليوم جاءت ايلين للشركة كانت ستدلف الى مكتب آسر ولكن وقفت امامها ناردين قائلة ممنوع يافندم حضرتك جاية ومن غير ميعاد ومينفعش تدخلى للباشا من غير استئذان ايلين: نعم!!انتى جديدة هنا صح ومش عارفة انا مين؟ ناردين: اة انا جديدة هنا ومش عارفة حضرتك مين بس مش هينفع حضرتك تدخلى من غير استئذان ثم اكملت بمرح اكيد مش عاوزة تقطعى عيشى من اول يوم وتخلى اسر باشا اللى جوة دة يقتلنى دة بيبقة عامل زى النمر اللى هيفترس اللى قدامه فى عصبيته ايلين باستغراب: نعم!! النمر؟ ناردين: ايوة هما ملقبينو بالتايجر وهى هى نمر بس ان جيتى للحق اللقب الافضل لية تور ايلين باستغراب اشد :نعم!!!تور ؟؟! ناردين :اة تور وهايج كمان فى عصبيته وهيقتل اى حد يقف قدامه اكيد مش عاوزة تموتى ابتسمت ايلين على حديثها المرح المختلف عن سابقتها ايلين :اة اكيد ثم همست فى اذنها بس لو هو تور يبقى انا تورة ناردين: هااة اومئت براسها بمرح قائلة هو انا مقولتلكيش مش انا طلعت اخت التور اللى جوة اقصد التايجر اللى جوة ناردين: هااة!!! اخته؟؟؟ اومئت ايلين براسها قائلة اكيد ينفع ادخله ثم تركتها وسط ذهولها قاصدة مكتب اخيها ________________________________ فى ذلك القسم يجلس خلف مكتبه يمسك بصورتها ويحرك اصابعة عليها قائلا هانى :اذا يا ناردين حسن الصاوى اشتغلتى فى شركة ماكس للمعمار ثم قال خلاص ياناردين هسيبك تشتغلى شوية لحد ماتنسى شوية قليلين بس وهرجعلك تانى خليكى مستعدة ياناردين هرجعلك قريب اوى لانى ساعتها محدش هيحوشك منى ثم قال بعنف وبنبرة تملكية انتى ليا وبس بتاعتى انا وبس ومحدش هيقدر ياخدك منى انتى بتاعتى انا وبس فخليكى مستعدة لانى هرجع قريب قوى بسسسس ناردين واسر ياترى هيعمل فيها اية 😂😂 ايلين ياترى هتعمل اية هانى 😡😡وربنا يستر ما اللى هيعملة عايزة تفاعل حلو كدة اشوفكم على خير #ماريان_بطرس