تضحيات مؤلمة

الفصل الحادي عشر

-

بسـم الله الرحمـن الرحيـم

#أنا_لمحـتك_بس_كـان_الزحام_قاسـي

-

وهو خارج من المسجد رن جواله، المتصل أبوه مسح على وجهه يرد بصوت مبحوح: هلا يبه

الجد سلمان اعتدل بجلسته: بسم الله شفيه صوتك صاير شيء؟

فيـصل تحنحن يعدل صوته: لا تحاتي ماصاير شيء، توني صاحي مع الأذان

الجد سلمان ارتاح اشوي: طيب، شلون شيخة؟

فيـصل عقد حجاجه: شدراك يبه؟ لحظة لحظة أنتو بالحسا؟

رد عليه: ايه وصلنا الفجر، بس لا تغير الموضوع، شلونها مرتك؟

فيـصل بهدوء: زينه الحمدلله، بس تعبانه اشوي والدكتورة كتبت لها تنويم احتمال تطلع اليوم واحتمال لا، يعني بنشوف شتقول

الجد سلمان تنهد براحة: الحمدلله ماتشوف شر، وإذا طلعوها اليوم مر تحت أخوانك بيتجمعوا عشاء السلامة

تنهد فيـصل ماوده يرفض أبوه بس بنفس الوقت ماوده زوجته تطلع من البيت، مايبيها تتعب لا جسديًا ولا نفسيًا، بالنهاية اكتفى بالموافقة وهو في باله يمروا اشوي، طلع من المسجد يمشي بخطى مثقلة، مشى كم خطوة بس وقف من جاه اتصال.. سلطان

رفع الجوال لـ أذنه وأول ما سمعه وبصوت ناعم يقلد فيه شيخة: فصولي، ليش ما جيت الدوام اليوم؟

فيـصل واضح بصوته انه ماله خلق شيء حتى سماجه سلطان: ماقدرت بعد

سلطان نطق بجدية: شصاير؟

تنهد ياخذ نفس عميق: أنا بالمستشفى مع شيخة، بس ما احد يدري تقريبًا…

سلطان كان قاعد جنب زوجته يتغدى، وقف من سمع كلامه مرتاع: بسم الله شصاير!!!! أجيك الحين!

فيصل بهدوء وكانه يحاول يكون متماسك: مافي إلا كل خير.

سلطان حس بأن اخوه فيه شي وقال: فيصل تكلم ترا اعرفك من صوتك شيخه…وش فيها!

فيصل تنهد: تمام بس لا يطلع منك حرف واحد.

سلطان وهو يطالع زوجته: طيب تكلم!

فيصل همس وكأنه خايف احد يسمعه: شيخه حامل....لسه ما علمت احد بس انت.

سلطان بفرحة: كذااااب!!!!

فيصل جلس على الكرسي وهو باقي متماسك: والله.. بس خايف! خايف افرح واجد ونخسره.. وخايف ما اعطي ردة فعل وتحسبني مو فرحان... مدري يا اخوي شسوي تدري الدكتورة شقالت لنا؟ قال لو تم كان بها ولو ما تم لازم تكون هذي اخر محاوله

كمل بصوت مهزوز: تخيل انها جلست تحاجج الدكتورة عشاني! عشان البنت! عورني قلبي كيف مستعدة تضحي بصحتها.. حتى حياتها!! عشاني عشان تجيب لي بنت اللي خاطري فيها! تخيل ان نص ايام حملها الحين راح تقضيها بالمستشفى! وش اسوي انا؟ وش اسوي وانا اشوفها تتعب نفسها وتذبل قدام عيوني؟عشان تجيب لي البنت  اللي ماادري هي بتكمل وياي او لا، اخاف تروح... وتخليني.

-

-

انتهى 🌸