دعوات قد تكون مستجابة..

الفصل العاشر

-

بسـم الله الرحمـن الرحيـم

#أنا_لمحـتك_بس_كـان_الزحام_قاسـي

-

سالم يسوق متجه للبيت بعد ما أخذ سعود ووليد، الطريق طويل فـ المدرسة بعيدة عن بيتهم كانت أقرب للشركة

سالم نطق باله مو وياه بس يبي شيء يشغله: كيف كان يومكم؟

سعود: كويس، أنا الوحيد اللي سمّع السورة اليوم! ماحد حفظها غيري

وليد بحيوية وفخر: وأنا حليت مسألة صعبة بالرياضيات!! والأستاذ عطاني طبعة ممتاز

سالم ابتسم بهدوء: ماشاءالله عليكم! أجل الليلة بعد العشاء ناخذ الكل ونروح للبقالة شرايكم؟ وعشان عادل يخف بعد لو طلع

- عند بيت سالم -

سالم: يالله وصلنا اكلوا وناموا، عشان نشوف العصر إذا أمكم ما طلعت من المستشفى نروح نشوف إذا يسمحوا ندخلكم تشوفوها

سعود ووليد هزوا راسهم ينزلوا من السيارة، ولحقهم سالم يفتح لهم الباب وبعد ما تأكد أنهم دخلوا البيت سكر الباب ولف متجه لـ سيارته عشان يرجع للشغل

استوقفه صوت من خلفه: سالم…!

سالم استهل وجهه يلف لابوه بذهول: يبه! متى جيتوا؟

مشى له يقَبل راسه ويده: تو ما نورت حسانا يا أبو سالم، شدعوة طولتوها! شكله عجبتكم السفرة

الجد سلمان بحدة خفيفة ينبهه: عليكم السلام، تونا الفجر واصلين

سالم ضحك بخفة وكأنه شوفة أبوه شالت كل اللي بداخله: السلام عليكم، الحمدالله على السلامة، أجل الليلة عشاء السلامة؟

الجد سلمان: الله يسلمك، ايه إن شاء الله، وصيت المطعم من أمس للعشاء وأخوانك نازلين ف أكيد في جمعة الليلة، بس خلك من ذي السالفة إذا ما خابتني عيوني اللي دخلوا البيت عيال فيصل ولا؟

ابتسم يحاول مايبين شيء يثير القلق: لا مانت غلطان نايمين عندنا البارحة، أم سعود تعبانة أشوي وجابهم عندنا فيصل قبل يوديها المستشفى.

بس الجد لقطها وهي طايرة: عدل، ماتشوف شر إن شاء الله، أجل خلهم يجوا البيت لما يصحوا من النوم، لا يتعبوكم زيادة

سالم عبس وجهه بخفة: أيّ تعب يبه، هذول عيال أخوي مو عيال الغريب ثم ماشاءالله عليهم شايلين نفسهم بنفسهم، بس أبشر بخليهم يجوكم العصر بعد ما يخلصوا مذاكرة

الجد: لا تنسى!

قَبل راسه مرة ثانية: أبشر، يالله يبه أخليك برجع الشركة عندي اجتماع، والليلة الكل عندك!

رجع لسيارته وحرك للشركة، بينما الجد سلمان اتجه لـ بيته

- فـي المسجد -

انتهت صلاة الجماعة من دقايق، لكنه أطال في سجوده يدعي بصمت " الصحة في البدن، الرزق الوفير، التوفيق والإطمئنان،" وخص بدعائه "ابناءه، زوجته وحملها، فهو كل اللي يتمناه تمام الحمل وولادة طفله صحة وعافية، وان زوجته ما تموت وتعيش وياه عمر طويل، وأخيرًا تكون بنت"

دمعت عينه فـ أغمضها يدعي أخر دعواته

-

-

انتهى🌸