صدمة.. خيبة.. ويد لم تكُن حنونة

الفصل الثاني

-

بسـم الله الرحمـن الرحيـم

#أنا_لمحـتك_بس_كـان_الزحام_قاسـي

-

- فـي منزل سالم -

مر من جنب غرفة ولده يسمع  همس كان خفيف بس واضح لما ولده اطلق شتيمة صدمته، سالم دخل غرفة ولده عادل

يناظر فيه بـ عصبية: وش قلت؟

عادل رفع نظره بـ رعب من نبرة ابوه و دخوله المفاجئ: يـ يبه…

سالم ناسي فكرة انه ولده صاحي بـ هذا الوقت وركز على الشتيمة اللي ماقد سمعها بحياته.. شلون ولده يقولها بهالسهولة وكأنها كلمة عادية

سالم فارت اعصابه: شلون تقول كلام زي كذا! هذي نهاية تربيتي فيك؟؟

عادل حاول يتكلم بس ابوه كان يقاطعه: طلعـ..-

سالم عيونه تطلع شرار: لا تبرر!!! سمعتك بـ أذاني لسه ماني آصمخ ياعادل، شلون تقول شي زي كذا شلون تخلي كلمة بهالقذارة في عقلك!

وده بس يمد يده عليه يضربه مو ضرب تسلية لكن ضرب تأديب، طول عمره سالم يبيح الضرب لو كان فيه تأديب وتعليم لما الطرف المضروب يكون غلطان، وقد رفع يده على ابناءه الكبار سلمان وعُمر لما احتاجوا تأديب بس عادل كان غير عنهم اصغر عياله وولده الوحيد اللي من انولد لين سنه الحالي وهو يعبر عن رايه ومنطقه وارادته والأهم من ذلك مشاعره

افكاره سيطرت عليه وفكرة ان ممكن عادل يعيد الكرة ويقول الكلمة مرة ثانية مجرد التفكير فيها خلته يستشيط غضب اتجه لغرفة نومه يسحب عصاة خشب من الدولاب مركونة لها فترة طويلة

ورجع لعادل بدون يعيد التفكير ارتد صوت احتكاك العصاة بالجلد بصدى في انحاء الغرفة متبوع بآنين عادل اللي على الرغم من سنه الا انه رفض يصدر صوت واحد

ضرب متواصل وصلت عشر؟ ١٥؟ ما احد فيهم تجرأ يعد

سالم: والله ثم والله ياعادل لو اسمع أنك قلتها مرة ثانية أو احد قالي أنك قلتها من وراي لاتشوف شيء ما شفته في حياتك…

تكلم بين ضرباته ما كان وده هالشيء بس الفكرة تخليه يشتد بضربه لكن استوقفه صوت ما كان بكاء زوجته اللي كانت تحاول توقفه من أول ما شافته متجه للعصاة، لكن صوت الجرس يرن رفع راسه للساعة الوقت شارف على الساعة ١١ مساءً

استقام يرمي العصاة على جنب واتجه للباب الخارجي على طول وفتحه مستغرب يناظر بذهول الواقف وعياله اللي قدامه

سالم: فيـصل؟ سلامات عسى ماشر؟ آنت مو المفروض نايم عشان الصفقة بكرا بالخبر؟

فيـصل بـ استعجال: انسى الصفقة ماني رايح سلطان يكفي، تخلي العيال عندك؟ اقصد يناموا..-

سالم قاطعه عصبيته للحين باينه: فيـصل لا تجننني شصار ليش يبقوا عندي! أنت ما..-

فيـصل: ادري ما اخليهم بس الوضع الحين طارئ زوجتي تعبانة وباخذها المستشفى فـ بخليهم عندك تعرف بيت سلطان بعيد عن هنا، أنت الخيار الوحيد

-

-

انتهى 🌸