مشروع...؟ أم بداية لشيء أعمق

الفصل التاسع

-

بسـم الله الرحمـن الرحيـم

#أنا_لمحـتك_بس_كـان_الزحام_قاسـي

-

أرسل رسالة نصية لـ سلطان "ما أقدر أداوم اليوم " اكتفى بذي الرسالة رجّع جواله لجيبه، وركب السيارة يتوجه للمستشفى

- ظهر اليوم الثاني-

جالس على الكرسي  ومريح راسه على طرف السرير جنب يدها اللي ماسكها بيده، صار له يهيأله ساعات ولكن هي نصف ساعة من غفت عيونه، كان تعبان جدًا يفكر بـ أشياء واجد "الطفل الجديد، استمرارية الحمل، صحة شيخة، بنت أو ولد، مشاعره كـ أب و كـ زوج، مشاعر شيخة وأفكارها" لين استسلم ونام، صحى على صوت الأذان وحرك جسمه بيقوم بس وّن لما رقبته آلمته بسبب وضعية نومه

فيـصل بصوت مبحوح: لا إله إلا الله، وش  ذا الالم!

حرك للحمام يغسل وجه ويتوضى، عشان يلحق على الصلاة جماعة، طلع وشافها للحين نايمة فـ طلع وأول ممرضة شافها في وجهه كلمها وقال

فيـصل: سستر، هنا مدام نوم اذا في قوم سوي كلام أنا، الحين يروح مسجد صلاة بعدين ممكن يجي ممكن يروح كافتيريا، أوك؟

الممرضة واللي كانت من الجنسية الهندية: أوك سير، أنتا في رقم؟ أنا يسوي كول

فيـصل هز راسه: ايه في رقم، موجود في ملف مدام نمبر مال أنا، شكرًا سستر يلا أنا الحين يروح

- عند سالم -

راح للدوام بس عشان يشغل افكاره، جالس في مكتبه ملفات و مشاريع على الطاولة يناظر فيهم بس باله مع كل أولاده مو بس عادل، اللي مثقل عليه هو ماعمره سمع عياله يشتموا الشتايم البسيطة فـ لما سمعها من أصغر عياله والولد اللي ما قد مد يده عليه او شد عليه من اخوانه الكبار يشتم، في داخله ندم ويلوم نفسه ويعتقد انه غلطه، وفي ظنه لو شد عليه ما كان ولده تكلم بكلام بذيء وبالبيت 

دخل عليه السكرتير حقه ماسك بيده ملف: هذا تلخيص اللي صار بالاجتماع اليوم، وافقوا على شروطنا ومتى بيتم المشروع، وماكان عندهم شروط كثير بس أبرزها أيّ مشاكل أو تطور واضح في المشروع لازم نرسل لهم تقرير وأيّ اجتماع طارىء لازم يحضروه وبس هذا كل شيء

ناظره ينتظر أيّ ردة فعل لكونه مشروع مهم بالنسبة للشركة ولما حس إنه مو وياه نطق: أستاذ سالم؟

حط الملف على الطاولة يلوح بيده عشان يجذب انتباهه

سالم: ايوه! وش قلت؟

رجع يشرح له من جديد ولما خلص: حاب تشرب قهوتك المعتادة؟

سالم هز راسه بالرفض يناظر ساعته للحظة: لا مايحتاج، بطلع مشوار وراجع

شال مفاتيحه وجواله وطلع من مكتبه ومن الشركة كلها، توه يتذكر عيال فيـصل، وإنه لازم يمر ياخذهم من المدرسة، لانه سلمان عنده محاضرة هالوقت

-

-

انتهى 🌸