ذُعر...عتاب

الفصل الثامن

-

بسـم الله الرحمـن الرحيـم

#أنا_لمحـتك_بس_كـان_الزحام_قاسـي

-

فيـصل ب استعجال: شوف لي طريق بدخل!

هز راسه يلتفت لامه: يمه ادخلي داخل عمي بيمر،

بثواني توجّه فيـصل للدور العلوي متجه يتبع صوت سلمان، وأول ما دخل الغرفة وهو ناوي يكسر الباب، فتح سالم الباب بكل هدوء

سلمان بقهر وعتاب: يبه أناديك ليش ما ترد!

فيـصل بخوف: فيك شيء؟ شصاير!

سالم: مافيني شيء هبط السكر عندي، متروش بدون أكل ودخت والحين أنا بخير، لا تكبروا المواضيع!

سلمان: ما عليك منه عمي، أمس قبل أنت تجيب العيال أبوي كان يضـ..-

قاطعه سالم بحدة: قلت مافيني شيء

بلع لسانه يسكت مايبي أبوه يعصب مرة ثانية بس فيـصل ذكي وكان حاس بشيء بس ماقال أيّ شيء

فيـصل: جيت اتطمن على العيال، وبنفس الوقت قلت أوصلهم..

سالم عقد حجاجه: زوجتك طلعت من المستشفى؟

فيـصل: لا تنويم، بس مريت باخذ لها ملابس أثقل المستشفى ثلج، وقلت دام أني واصل إذا ما طلعوا أوصلهم على طريقي

سالم: وين توصلهم المدرسة بشرق والمستشفى بغرب، مر وأنت طالع تطمن وبعدها أرجع لمرتك، هذا سلمان هنا وصاحي، دوامه متاخر راح يوصلهم بنفسه

فيـصل: اللي تشوفه أجل، قِيس سكرك  وكانه بعده هابط لا تداوم اليوم، مو لازم وسلطان عن ألف رجّال يقدر يمسكها بروحه

ربت على كتف سلمان بخفة وفيها رسالة مبطنة ينبهه يمنع أبوه لو السكر بقى نازل، وبعدها اتجه تحت الدور الأرضي وقف عند آخر الدرج منزل راسه يصد في حال منيرة موجودة

فيـصل بصوته الجهوري نادى: وليد، سعود

ركض بـ اتجاهه وليد فاتح يدينه بسعادة: بابا

رفعه بكل سهولة يضمه لصدره: ياعيون بابا، ها كيف النومة فـي بيت عمو؟

وليد بحماس عيونه تلمع: حلوو!!! نبي نعييدها، بس اشتقت لبابا وماما

لوهله اختفت اللمعة بس رجعها ينطق: أبي ننام كلنا مع بعض، كل العيال! هالمرة عادل مريض، ماقدرنا نشوفه… بس لما يصير بخير بنروح كلنا بيت جدّي وننام، وعد بابا؟

هز راسه بقلة حيلة يلمح مكر ولده بالكلام عشان ياخذ وعده: وعد بس! بس مرة وحدة ماراح تتكرر!

سعود: يووه يبه ترا نازلين بيت جدي مارحنا مكان بعيد!

وليد: صح نبي ننام وااااجد

ضحك بخفة: لين حزتها يصير خير ونشوف

نزّل وليد على رجوله ونطق: يلا الحين لازم أمشي ماما تنتظرني بالمستشفى، انتبهوا لنفسكم ولا تزعجوا عمكم طيب؟

لما هزوا راسهم بمعنى 'طيب'، وكمل هو: شوفوا لي طريق، عشان أمشي

خرج يتوجه لشقتهم وهو يفكر في أخوه، وفجأة نطق هو يحاول يتذكر: وش قالت تبي! صح صح ملابس ثقيلة والكيكة اللي اشتهتها يالله قدامنا أيام طويلة من الوحام

ضحك بخفة يدعي الله يتمم الحمل على خير

-

-

انتهى 🌸