خبر مفاجئ!!

الفصل الأول

-

بسـم الله الرحمـن الرحيـم

#أنا_لمحـتك_بس_كـان_الزحام_قاسـي

-

• قبل ٢٣ سنة تقريبًا •

(٢٠٠١م)

- فـي منزل فيـصل -

ركضت متجهة لـ مكتب فيـصل بعد خروجها من الحمام، دخلت بدون ما تدق الباب تشوف فيـصل جالس في مكتبه يشتغل والتلفون على اذنه يكلم.

نطقت بخفوت ممزوج بتوتر: فصولي..؟

رفع نظره من الورق لها، يسمع سخرية أخوه على التلفون وتقليده لـ طريقة كلامها

نطق فيـصل بعصبية خفيفة: لا اشوفك ياسلطـان!!

انهى المكالمة يعطي زوجته كامل انتباهه، تارك أيّ ورق بـ يده متوجه بـ نظره وفكره عليها بس: سمّي ياعيني؟

شيخة بـ إرتباك: يالله، فيصل في شي لازم اقولك…

وقف فيـصل يتجه لها ملاحظ نبرتها والخوف اللي في عيونها خلاه يخاف

فيـصل بخوف واضح: صاير شيء؟ العيال فيهم شيء؟ انتِ فيك شيء؟

شيخة ردّت بسرعة: لا لا مو كذا، أنا… فيصل أنا حامل

فيـصل توسعت عيونه بفرح وصدمة: والله؟، صدق؟ أمانه شيوخ أنتِ حامل؟

شيخة نزلت دموعها من ردة فعله بخفوت: والله، توني سويت التحليل والنتيجة إيجابية!

رفعت يدها له ماسكه تحليل الحمل بسطت كفها لما شافت عينه نزلت للتحليل توريه الخطين

ابتسم فيـصل يناظر التحليل وبعدها يناظرها، رجع خطوة للوراء ونزل يسجد شكر، ثم رفع نفسه يوقف سحبها لـ حضنه يخفي وجهها بصدره

نطق بفرحة: مهما نطقت ومهما تكلمت مافي شيء يوصف شعوري الآن يا أم سعود، ضاعت كل حروفي ياحبيبتي

نزلت دموعها أكثر هي تفهم فيـصل أكثر من أيّ أحد ثاني بالعايلة، حبته من وهي صغيرة والحين هم بالثلاثينات من عمرهم

ابتعد اشوي عشان يشوف وجهها: لازم نتأكد! لازم نتأكد!

لف يناظر الساعة كان الوقت ١٠ بالليل، بس ماهو قادر ينتظر لليوم الثاني.. مسك يدها بكل حب يشدها ويمشي فيها لغرفتهم، كانت يد ماسكه يدها و يد على ظهرها

فيـصل بعيون تلمع حماس وفرحة: اجلسي على السرير لا تسوي شيء، أنا بسوي كل شيء

بعد ما ساعدها تجلس استقام يتجه لـ شماعة الملابس يسحب عبايتها والحجاب والنقاب

فيـصل وهو يساعدها تدخل يدينها بالأكمام: تبي شيء ثاني؟ ماي؟ جواريب ثقيلة؟ أكل؟

شيخة هزت رأسها بالنفي: بس ماي ناخذه ويانا يكفي، شلون مع سعود ووليد؟ عمي وخالتي مسافرين مايصلح يبقوا بالبيت لحالهم!

نطق بـ هدوء بالرغم من العاصفة اللي داخله: لا تحاتيهم نوديهم عند سالم أخوي موجود، وبيته قريب

سكت لـ ثواني يراقبها قبل يكمل: بروح أجهز لهم ثياب وملابس عشان أخليهم يناموا عنده مرة وحدة

شيخة بـ إستغراب: بس أنت ما تخليهم يناموا برا البـ…-

قاطعها ونطق: ماندري وش يصير بالمستشفى وممكن نتأخر فـ يناموا احسن من أنهم ينتظرونا نرجع، قلت لك لا تحاتي، كل شيء بيكون بخير

-

-

انتهى 🌸