حتا وفاء وصلها ميساج الميساج كان من باها لعلمها أنها تخرج عندو برا باغيها وفاء سمعات الهضرة وناضت خرجت لقاتو كيتسناها ،وصلت عندو بدون أي مقدمات محمد :من بعد يومين كاين حفل وفاء :المعمول محمد :غدي تمشي معايا وهنا كنعرفو بأن وفاء رغم سنها الصغير إلى أن عقلها ناضج ومتفتح بحيث أن باها علمها الإدارة من لما كانت صغير أما هاد الاجتماع (الحفل) كيكون سنويا فيه كيتعرفو كثر رؤساء الشركاء مع بعضياتهم و رجال الأعمال والناس الاغنياء بهدف البحث على الاستثمارات ،أو يمكن يكون به طلبات زواج بتزويج الأبناء ،وهنا الفائدة علاش محمد باغي يدي بنتو إوا وفاء ردت بالموافقة ودخلو كملو العرس ، ما سالا العرس تال 4 ديال الصباح بحيث كان التبوريدة من مراسم العرس ،ملي سالا كلشي نعسو بحال الميتين بقوة الشطيح و الرديح ☀️أصبحنا وأصبح الملك لله☀️ مع 8 الدريات فاقو ناشطين وخا منعسوش بكري ،حيث اليوم هو فطور العروسة ولي فيه عائلة العروس كيديو الفطور بالزغاريت و الاغاني تال دار العروسة ،وحنا كنعرفو بأن العروسة مشات مع راجلها للفيرمة ديالو لي بعيدة عليهم إوا لقاو العيالات وجدو الفطور أشمنك يامسمن و بغرير والحلوة .... ،المهم داك شي هماوي المشكلة تكمن في أن الدار عامرة بنادم من عائلة العروس والعريس وملي جاو يفرقو عباد الله على الطموبيلات وقع مشكل ديال البلايص بحيث أن الدريات كانو غاديين مع بلال حتا لاقاو الرويضة مفشوشة(ماعرفت شكون مول الفعلة) وهنا ضارو لقاو كلشي عامر حتا من بلال ركب وباهم لقاوه مشا الصباح حيث عند غراض وبقاو غير هما جوج ونورة تما حتا كيبان ليهم طموبيل خاوية وقفت حل جاج كيباليهم ياسر ويعقوب ياسر :غاديين هنا زينب تفكرت داك شي لوقع مع يعقوب ولكن مع هي معرت واش فيها الزهمر تفكرت الفطور وهي تنقز زينب :آه غاديين وفاء شافت تاعيات وطلعت وتبعتها نورة إوا هما غاديين في الطريق ،ضار ياسر وقال ياسر :إوا الزوينة أشنو سميتك (خونا سطل ديال العنب) زينب (كلمة الزوينة تلفات ليها الريزو ): سميتي زينب وهاذي ختي وفاء وصحبتي نورة ياسر (بصوت منخفض):إذن سميتها وفاء وفاء سمعاتو وممزكاتوش وغاديين حتا وصلو لقاو عبدات الرمى واقفين وعاطينهم شي طريح ،وهنا فين وفاء مشداتش راسها وݣلست كتغني وتشطح مع عبدات الرمى وياسر غير كيشوف فيها وشعرها الكحل لي كيتحرك وصوتها لي كيخترق القلب هنا تيقن وتأكد بأنو تغرم بها وبأنها ديالو واخا يوقع لي وقع أما يعقوب في عالم آخر كيفكر بطريقة الصحيحة باش زينب تقبلو وتقبل المشاعر دياولو إوا دخلو الفطور وشطحو و كلاو ورجعو للدار وملي وصلو دخلو جمعو حوايجهم حيث خاصهم يمشيو تابعاهم القراية ،كفما قلت هناك مشكل هو أن طموبيل بلال مبيسة وهما ضروري ميمشيو باش يقراو، وبالغلط داز ياسر من حداهم وسمعهم داويين وقرر أنه يساعدهم ياسر :حنا راه غاديين للرباط زعما إلا بغيتو نديوكم معانا زينب :قالت زعما إلا مكان مشكل عندك والله واحلين ياسر :مكين لعذاب لوالو إوا وفاء طبقت جملة "أش عند الميت ميدير قدام غسالو " إوا ناضو قالوها لماماهم شافت تاعيات ويسرت إوا هنا الدريات جمعو حويجهوم وناضو حطوهم فالكوفر وركب مع ياسر ويعقوب ،أما لالة فاطنة فراه بقات حتا تجي مع ولدها . كيفما قلت ركبو وزادو مع الطريق ،وبما أنا الطريق طويلة الدريات تكاو نعسو ووفاء دارت الليزيات وݣلست تسمع للأغاني حتا داها نعاس وهنا فين كنشوفو كل من يعقوب لكيضور وكيشوف زينب لي ناعسا بحال الملاك ماشي بحال وهي فيقة أبحال العافية ،أما ياسر فراه أصلا ملي تحركو وهو حاضي وفاء لزينها سطاه . وهما غادين مع الطريق حتا الطموبيل كضرب واحد الفران الطموبيل تهزت من اللور هنا الدريات فاقو مخلوعين كيضورو راسهم كيلقو الطموبيلات كحلين ضيرين بيهم كيخجرو منهم رجال معضلين وكثار ،هنا ياسر ضار عند الدريات ياسر :متخافوش غدي نهبطو ندويو معاهم بالاداب ونرجع راهم غير صحابي إوا هبط ياسر ويعقوب من الطموبيل وقصدو الرجال ومع قربليه زرب عليه مع عطلهمش ياسر وصل جندخ واحد لخر جا عند خبطو أما يعقوب كيشد بجوج كيلاقي ليهم ريوسهم وهنا الرجال شافو الدريات وتا جهو للطموبيل ،وميحلو غير الباب لي فيه وفاء ،السيد نزل وفاء وحط عليها سكين وزينب وكوثر كيبكيو كيغوتو ولاخر سير كيهدد فياسر بأنه غدي يقتلها إلا مستسلمش ،وهنا ياسر ضحك واحد الضحكة حتا بانت ليه ضرسة للعقل كلشي ستغرب ،وزينب تعصبت ملي شافتو كيضحك زينب (مع التنخصيصة): واش نتا مريض مكتشوفش ختي غدي تموت ياسر :شكون لي قالك ختك غدي تموت مجات فين دور راسها تشوف ختها حتا كتلقا الراجل لي كان كيهددهم في الارض مغيب ،تواحد مفهم شي حاجة وياسر ستغل الفرصة وكمل على البقية ملي سالا ناضو رجعو للطموبيل ووفاء حتا هي ركبت زينب :ختي نتي بخير يكما قاصك راه نهبط ليه دبا نقتلو هنا كلشي بدا كيضحك ياسر :ماشي نتي لكنتي كتبكي دابا زينب : لا ماشي أنا راه غير شفتي بالغلط ،آه وكيفاش حتا طاح الراجل وفاء :حتا أنا معرفتش ،كان شادني حتا طاح مافهمت والو زينب :سيدي ربي حفظك وهنا فين كملو للرباط ،وصلو حتا 8 ديال الليل هبطوهم قدام الدار وهما زادو طلعو الدريات للدار فرشو ونعسوا وحتا الدراري كذلك ☀️أصبحنا وأصبح الملك لله ☀️ ناضو الدريات بحال المبوقات ،عينيهم بحال الكوالا بسباب قلة النعاس ،غسلو وفطرو ولبسو وتعطرو وهنا فين كنلقاو أن وفاء كتوصي نورة على ختها زينب سمعاتها وسولتها زينب :فين غادي تمشي وفاء :راه مغاديش نرجع للدار عندي واحد الغراض ،وبغيتك تمشي عند نورة وتباتي عندها حيت غادي نبقا مشوشة عليك بما أن خالتي فاطنة مكيناش زينب مرداتش الهضرة معاها أولا عارفا عندها الحق فأنها ماتبقاش بحدها وزيد هي تايقا فختها ولكن كاين موشكيل هو أن خالتي فاطنة راجعة اليوم ومع كوثر حادݣة باغا تصيب العشا وتسنا خالتي فاطنة ،واقتارحت بأنها يبقاو هي نورة هنا من تما يتسناو خالتهم فاطنة ومن تم يحضيو الدار وفاء وخا مرتاحتش ولكن عارفا ختها راسها قاصح مغاديش تصنت وجاتها هضرتها مافيها عيب إوا الدريات تافقو ونزلو غاديين فالطريق وهنا وفاء لحظات بأن نورة غير شادة التيليفون دخلها الشك وهي طل حتا كيبان ليها واتساب ديال ولد خالتها ،هنا عاقت ولكن مبغاتش تبين عارفة ولد خالتها معقول ومغاديش يكون كيتفلا ،ونرجعو فلاش باك نهار العرس ملي خرجت نورة وتبعها مروان ولكن مع كانت كتقلب على الدريات متسوقتش ليه ،حتا صرح أنه ولد خالتهم و عتارف بالاعجاب ديالو،وهنا نورة حسات بالهضرة لي قال وخا هكاك عود صارحها بأنه وقع فغرامها وزينها لي خلاه ميحيدش عينو عليها مروان :شوفي ابنت الناس ملي شفتك ،مشفتش فيك غير حلالي ،وإنشاء الله إلا وافقتي غادي تولي ديالي هنا نورة حمارت :لبغيتي قصد دارنا مروان :هي اللولة ،جاي معاك شي واحد ندوي معاه نورة :أنا عرضو علي غير بنات خالتك ،وأنا يتيمة عندي غير خويا ،إلا دويتي معاه ووافق منزيد غير الصلاة على النبي مروان :وهاد خوك فين كين نورة :حنا ساكنين بالرباط مروان :إيه نجي عندك تال تما ونخطبك غير نقاد داك شي ونقصد داركم ،وآه قبل ما نسى عطيني النمرة باش نزيدو نتعرفو نورة :قيد **********06 ونرجعو عند الدريات لي كل واحدة توجهات لقيسمها نخليوهم كيقراو ،ونطلو على ياسر لي فاق فرحان من بعد مبرد أعصابو فدوك الرجال وهو يتفكر وفاء وقرر أنه يدير عليها بحث حيث الحركات والخفة ماشي ديال درية عادية ،هنا تاصل بواحد المساعد ديالو ،عطاه التصويرة لي صورها فالعرس والسمية والكنية بما أنهم نساب فراه باينة باش عرف ،قطع ،وهو يبان يعقوب فايق شوية لاباس وخا قدر أنه يتقرب شوية من زينب ولكن باقي بعيد عليها ،هنا ياسر شافو وفهم أن عندو شي حاجة ومطاحت فبالو غير زينب وياله غدي يسولو غدي يتاصل التيليفون ،جوب لقا المساعد ديالو ياسر :لقيتي شي حاجة المساعد :مالقيت والو السجل نظيف ولكن جاني بحالا شي حاجة ناقصة ،حيث عندها أملاك من ديور إلى طومبيلات وهاد شي دخل في الشك ياسر :راه باها لباس عليه ،فراه مكيناش شي حاجة ،المهم زيد قلب وتاصل بي قطع ،ودار مشا لبيتو ودار بناقص من يسول يعقوب حيث باقي كيخمم كفاش درية عادية غادي تكون هازة براوات منومة معاها ،وهاد هما لي نفعوها حتا طيح لكان كيهددها وصلت العشية وبعد حصص ،خرجو الدريات سلمو على وفاء وكلا واحد شد طريقو ،هنا وفاء بقات واقفت حتا غبرو الدريات من على عينيها ،وهي توقف واحد الطموبيل كحلة كتغوت (جيكلاس)،طلعت لقات واحد الساشية فيها الفستان لي غادي تلبس انطلقت الطموبيل محبست حتا قدام الفندق لي فيه الحفلة ،مد ليها السائق بطاقة ديال الغرفة وطلعت تبدل حوايجها ونمشيو عند الدريات لي كانو غاديين فالطريق وهو يبان ليهم مول الزريعة ،زينب تشهاتها ،دازو عندو خداو 3دراهم ديال الزريعة تقريبا داك شي لغادي يكفيهم حتا يوصلو ،إوا غاديين بشوية يصورو من هك ودوزو من هك ،ما وصلو تال من ورا المغرب يعني الحال بدا كيظلم وقفو قدام الدار طلعو ،وخشات زينب الساروت حتا الباب حتلقاه محلول وهي متأكدت أنه سدات الباب بالساروت وهنا دخلها الشك (ولأول مرة زينب غدي تخدم عقلها )دارت زينب عند نورة وقالت ليها غادي تجري عند يعقوب وتكلميه ولكن بعد فوات الأوان خرج واحد من الباب وشد زينب وقال نورة أنها تمشي تكلم يعقوب يجي لبغا هاد ختي تبقا حية ،هنا نورة مقالتش جوج كلمات ،جرات باش ما عطاها الله من قوة تال عند دار يعقوب وهي فالطريق تاصلات بخوها يعتقها بأن واحد الراجل شاد صحبتها وغدي يقتلها وصلت للدار كدق لربي لي خلقها خرج يعقوب باغي يشوف شكون لي سخا بالحياة وجا داير هاد الحالة عندو إوا غير حل الباب كتبان ليه نورة (وكتنهج) :ز..ي.ن....ب يعقوب :مالها دوي سربي نورة :غدي تمو يعقوب مخلاهاش تكمل ضربها بجرية تال الدار ديال الدريات طلع لقا واحد الراجل ملثم وحاط سكين على زينب يعقوب :شكون نتا الرجل :أنا من العصابة لي صفيتوها ليها المرة الفائتة وأنا جاي باش نرجع ليك الصرف يعقوب :والله وتقيس شعرة منها عرف بأنك لنتا لعصابتك لعائيلتك غادي يبقاو حيين الرجل متعطلش وخشا السكين فبطن زينب
