في المغرب وبالتحديد مدينة كازا (الدار البيضاء) ،في فيلا كبيرا كاينة عائلة متكونة من أب (محمد بن شقرون) وهو رجل أعمال ناجح في مدينته ،رجل كبير عمره 46 ،جميل فملامحه عربية مغربية لونه قمحي وجهه صافي لايظهر عمره مع شعر يتخلله شعيرات بيضاء.وزوجته (لالة فاطمة) مرأة أصلها فاسي تاويل و هضرة الحلوة ،باقا زينها عاطي للعين حيث تزوجت صغيرة بشرة بيضاء وعينين عسليين 🍯 وشعر كحل مغطياه بحجاب إوا رغم أنها قصيرة زادها الله في شطارتها .عندهم جوج بنات .البنات هما اللولين حيث توام وحدة سميتها (زينب) زينها خداتو من مها الشعر كحل حرير وعينين عسليين يطيحو زرزور من فوق السور مع بشرتها البيضاء و فورمة مطراسيا متميزة بجرأتها و عصبيتها وحبها للمغامرات ومن صغرها وهي بغا تحل محال ديال الحلويات ،أما التانية سميتها (وفاء)بنت سكوتية و هادئة خدات زين من باها وهدا ما جعل منها جذابة كثر مع فورمة بحال ختها متميزة بحبها الموسيقى وخاصة البيانو لي من صغرها وهي كتدرب عليه. إوا هاد الجوج شدو الباك وقرو يمشيو يقراو في الجامعة في الرباط بعيد على والديهم (نخليكم تقمرو شكون مول الفكرة)......بالطبع زينب ومن غيرها ݣيدات ختها و قنعتها بحاجة وحدة أنه في الرباط عندها فرصة تكون فوق الخشبة وتعزف البيانو بسباب معاهد وجامعات عندها القدرة طبق هاد شي وزعما بحال كازا مافيهاش.المهم ناضو عند باهم بدات زينب كتفتح فالموضوع وتشرح ليه ملي سالات ضار سول وفاء وهي تحرك راسها بالقبول أنا تمشي للرباط باش تقرى إوا فالنص ديال الصيف قرو يمشيو باش يتعرفو على الرباط و الدار لي غادي يسكنو فيها و من تما يبدلو الجو إوا نهار الأحد بالصباح كيكونو الدريات جمعو باليزاتهم وداك شي لي غدي يخصهم ودعو الأم ديالهم وركبو الطوموبيل لصيݣها باهم وتحركو وصلهم للمحطة (ناس لكقول ياك لباس عليهم راه باينة فكرة ديال من) إوا طلعو بركو في الكراسا حدا بعضياتهم وتكاو على بعضياتهم وتحرك الكار . وصلو ، هنا ولات مشكلة ولي هي الكرى لي بقوة التنقاز في زينب قالت لباها راه عارفة فين نكري، وزينب عندها فكرة ولي هي تكري فحي شعبي لأن فيه المضاربات والحمام العام و العيالات كينمو ودراري كيلعبو في الزنقة دوك الأجواء المعروفة، عزيز عليها الهراج،أما وفاء غير مݣدمة تابعة ختها ولي أصلن عزيز عليها الهدوء ولكن زينب قنعتها راكم عارفين زينب.المهم غديين في الشارييع وقفو واحد السيدة كبيرة فالعمر سميتها (لالة فاطمة) زينب:سلام خالتي لالة فاطنة:وعليكم السلام زينب:خالتي بغيت غير نسولك على شي سمسار قريب باغا نكري شي دار لالة فاطنة:أه لكنتو باغيين تكريو راه عندي دار فوق مني ديال الكرى، راه الناس لي كانو فيها خرجو منها وراها مفروشة زينب: ربي جابك لينا كدرهم لحلال،نقدرو أخالتي نمشيو نشوفها لالة فاطنة : مكين موشكيل ،نيت لقيتوني راجعت للدار ،ياله تبعوني إوا مشاو معاها ثيقين فالسيدة بينة فيها مرأة ثيقة و درويشة.إوا وصلو للدرب وغي شافتو زينب قالت:كيف ما تكون الدار نكريوها حيث الدرب عبارة عن حي شعبي كيفما تخيلاتو زينب . إوا غاديين .وصلو للدار طلعو دخلو للدار .لقوها دار متولة كتكون من جوج بيوتة و كوزينة و طواليط و مرح مفرش بحال صالون.عجباتهم دار وقرو يكريوها ،ضارو عند لالة فاطنة قالو ليها :حناقررنا نكريو من عندك هاد الدار .وقالت زينب:نسينى معرفناش براسنا أنا زينب وهاد ختي وفاء . ردت لالة فاطنة:مشرفيين أنا فاطمة وعيطو ليا خالتي فاطنة ،أما الدار فأنا قابلة نكريها ليكم تافقو و سلاو الإجراءات . ودخلو نعسو تال الصباح ☀️أصبحنا و أصبح الملك لله☀️ ناضت زينب هي اللولة ،مشات غسلات ،ودخلت الكوزينة حلات الثلاجة ،لقاتها خاوية ،تفكرت أنهم متقداوش بسباب العيا،إوا لبست كسوة طويلة بيضة من نوع خفيف بسباب الحرارة،وسندالة و جمعات شعرها بشكل عشوائي.ومشات تفيق ختها .دخلت البيت لقات ختها باقا مجبدة إوا حلت الشرجم باش يدخل الضوء وقالت:نوضي هاديك الكسلان،أنا خارجة نتقدا باش نجغدرو رضات وفاء براسها بالموافقة .إوا خرجت زينب من دار هابطة عند خالتها فاطنة ،دقات خرجت عندها فاطنة و قالت:مرحبا بيك ابنتي دخلي تفطري راه الفطور محطوط زينب:لا الله يخلف عليك ،أنا هبطت غير نسلم عليك وبغيت نسولك فاطنة:إيه سولي؟ زينب:راكي عارفاني جديدة هنا ومعارفاش بلاصة السوق إلا جات على خاطرك وريني فين جا فاطنة:إيه أنا نسيفط معاك ولدي يوصلك وهي تبدا تعيط بلال أ بلال. بلال عبارة عن شاب عمرو 19،أشمنك يازين سيد شهب و العينين خضرين و معضل بعض الشيء أي فورمة شاب بلال :نعام أالوليدة فاطنة:ولدي بغيتك توصل هاد البنية للسوق راها جديدة هنايا ،راه هي واختها ليكراو عندي بلال: واخا أالوليدة بلال موجه الهضرة لزينب :سميتي بلال زينب :أنا زينب سلمو على بعضياتهم ونطلقو متوجهين للسوق،وغادين وكيهضرو على فين كانو ݣالسين وعلاش جاو هنا.... ،واحد الشوية بلال دار عند زينب وقال ليها:هاد الدرب راه عامر شماكرية وبزنازا يعني حضي راسك ولا كلمك شيواحد غي أجي عندي نوريه وجهو فالمراية،وختك تانتلاقا معاها ونوصيها زينب:كون هاني إوا عاود ليا عليك بلال : حتا أنا شديت الباك هاد العام حيت ساقط واحد العام ولكن مجبتش شي نقطة مزيانة .هاد الشي علاش غدي ندير لافاك ،تيجيب ربي التسير إوا كملو الطريق بالضحك والتريݣيل بحالا تقول كيعرفو بعضياتهم من شحال هادي .وصلو وتقداو وملي كانو راجعين طاحت على زينب فكرة،قرات أنها دير كيكة 🍰 فاعلة تاركة وتهبطها عند لالة فاطنة وياكلوها مجموعين ومن تم يتعرف بلال مع وفاء ومن تم يشكرو لالة فاطنة على هاد شي ليدارت معاهم. إوا داك شي ليدارت صيبات كيكة 🍰 وقالت لختها توجد راسها .وهي مشات بدلت عليها لبسات كسوة حمرة جات مع فرمتها وسندالة كحلة نفس لون شعرها وهذا الأخير خلاتو مطلوق. نمشيو عند وفاء لي لبست سروال رياضي ومن الفوق سليب وسندالة كحلة بينها الأوتفيت قنبولة.إوا هزو الكيكة وهبطو لقاو فاطنة كتسناهم حيث علمها بلال ،وجدت أتاي وحطت الحلوة و جا بلال وݣلسو على الطابلة كياكلو وكيهضروحتا سولات زينب لالة فاطنة :خالتي فيناهو راجلك فاطنة :مات أبنتي الله يرحمو وفاء قرصات زينب حتا طارة وفاء:الله يرحمو ،وسمحي اختي راها فرفارة فاطنة:تنتي هاد شي راه قديم ،وراه هو لي خلا لي هاد دويرة باش نكريها ونعيش منها بلال:حيدو عليا هاد الجو الحزين فجأة كيتسنع الغوات
