فجأة كيتسنع الغوات والمعيور (الدار قفزة)ناضو كيتجاراو للشرج . لقاو جوج شادين وحدين غدي يقتلوهم بالعصا وضايرين بيهم الناس. بلال يله غدي يتلفت باش يقول تواحد مايخرج حتا كتباليه زينب وصلت برا ووفاء تابعاها باش تشدها إوا زينب غادا كدفع فالناس باش تلقا مكان مناسب للمشاهدة (الصفوف الأولى😂🤣) و وفاء غير شادة فيها خيفاها لدخل راسها في شي كارثة . واحد من دوك الجوج رجع باللور وميعفط غير على العافية الشاعلة (زينب) كان غادي يهرس ليها صباعها ولأجعلكم تتخيلون ردة فعل زينب .... زينب: وا البرهوش رجل دار وشاف فيها: شناهو زينب غير شافتو نسات أش غدي تقول السيد راه طول منها ومعضل بزاف وعينيه الكحلين يركبو الرعب في الواحد ،أما هو زينو يدوب ومع قصوحيتو كتبان هيبتو والشعر لكحل كالليل واشم فدراعو لي بان مني طلع تريكوه هاد شي كامل مزيان ولكن هناك مشكل واحد هو 0 إحساس .والزين حبو مولانا .إوا زينب رجعت شدات فراسها وقالت :برهوش واش نتا مكتشوفش راك كنتي غدي ترزيني فصباعي رجل وهو كيقفقف بالعصاب:غدي تحركي ولا غدي نرزيك فحياتك وهنا وصل فريق الإنقاد والبونبية(وفاء +بلال) شدو زينب وسدو ليها فمها وخرجوها من ديك الجوقة إوا وصلو للدار جابت وفاء ثلج باش يبردو صباع زينب و بلال بقا غير غادي جاي وكيقول:واش نتي شوية لباس ياله غدي نضور عندك نحذرك لقيتك طرتي واش عرفتي شكون هادوك زينب :شكون بالسلامة بلال :راهم بزنازا كبار راهم يقتلوك وميسيقو ليك خبار،ونتي ملقيتي تضاربي غير مع القبيح فيهم زينب:كفاش بلال : هدا سميتو يعقوب الملقب بالعقرب، أما الأخر لكان معاه هداك خوه سميتو ياسر الملقب بالصقر كيفما شفتي حتاهما توام ولكن في التعامل كيختالفو راه تلقا موشكيل مع ياسر متلقاه مع يعقوب راه يدفنك حي وفاء : هاديك المسخوطة كلا مجرناك فين كنتي غدي توصلي مسمعت لحد وناضت تطل من شرجم باش تشوف باش كملت المضاربة مع طلة شدها رضار يعقوب شاف فيها ومن خلال عينيه عرفاتو حلفها فيها حسيت سرات معاه كلمة برهوش السيدة غاشافت عينيه بورشة وعرفت راسها كحلاتها ، ولكن هاد شي ماخلاهاش تنسا ألام ديال صباعها عودو ݣلسو وكملو الماكلة والهضرة ناسيين داك الشي لغادي يوقع ----------------------------------------------------------- في الجهة الأخرى كان يعقوب و ياسر راجعين للدار وكيهضرو ياسر :صاحبي ياك بعدا ݣعما غدي تقيصها يعقوب: شكون ياسر:(باستهزاء) ديك الي قالت ليك "برهوش" يعقوب :إلا مسكتي غدي ندفن مك هنا ياسر: هنا ساكت🤣🤣🤭 و يعقوب تفكرها تفكر ملامحها وشعرها الشهب(إيه ديرو راسكم مفهمتوش)ولكن سرعان مطلع ليه الدم ملي تفكر أش قالت ليه المهم وصلو للدار ودخلو عمرو جو*ان وناض كلا واحد يدوش ملي سلاو يعقوب لبس غير سروال رياضي ومن الفوق عريان وتلاح في السرير ونعس ،أما ياسر فلبس سروال رياضي أزرق وتيشورت بيض وبقا شاد التليفون -----------------------------_-------------------------- نرجعو عند الدريات لي غير سلاو ناضو طلعو للدار كل وحدة دخلات لبيتها ونعسوا ☀️أصبحنا وأصبح الملك لله☀️ ناضو الدريات هاد المرة قد قد مع جوايه 8 شي دخل يدوش شي دخل الكوزينة يطيب سلاو تحط الفطور كالو ،ملي سلات زينب ناضت الكوزينة كتسيب سندويشات حيث البارح تافقو هما لالة فاطنة وبلال يمشيو للبحر ،إوا ناضت وفاء جمعات الدار ولبست كسوة بيضاء حد الركبة مع سندالة زرقة جاتها كتغوت،أما زينب لبسات كسوة برتقالية مع سندالة بنية جاتها فنة ،وجمعو داك شي لخاصهوم وهبطو لقاو لالة فاطنة غادا بݣفة في الديسير و الطباسل وكوكوط ،ضارو شافو في بعضياتهم وعطاوها للضحك😂 وقالو ليها : أتي فين غادا بهاد شي لالة فاطنة:أويلي راني مهزيت والو هاد شي غير شوية من بزاف إوا هنا لهما بغاو يحبسو من الضحك زينب :خالتي راه حنا غادين بكلشي لغادي يخصنا غير كوني مهنية فاطنة:إوا صافي أنا غادي ندي غير الدلاحة الدريات: صافي ،ياله راه بلال كتسنانا التحت هبطو لقاو بلا جايب براسول 🏖️ سلمو عليه ومشاو ----------------------ـ--------------------------- نمشيو عند الخوت ناض ياسر دخل دوش سالا خرج طيب أتاي وحط زيت العود وݣلس كياكل وهو يحس بالحرارة هنا طاحت عليه يمشيو للبحر ،فكر وناض غدي يفيق خوه فيقو وقال:راه الفطور محطوط وحقا قبل من نسا وجد راسك باش نمشيو للبحر ناض يعقوب تقول كان باغي غي السبة دوش خرج فطر ولبس شورط وتيشرت كحل وهاد شي بين عضلاتو و هز فوطتو وخرج أما ياسر لبس شورط و تيشورت زرق وهز فوطتو وخرج ونطلقو للبحر ----------------------ـ--------------------------- نرجعو عند الدريات ليلقيناهم وصلو للبحر و صيبو البرسول وبدلو ولبسو البيكيني (رواية محترمة😂) إوا ناضو كيعومو وكيلعبو بالماء مع بلال واحد الشوية زينب خرجات من البحر ومضور تشوف غير صاحب دعوتها (يعقوب)هو غير شافها كحل بالعما أبدا غادي قاصدها وهي غير شافتو جاي شداتها بجرية وهو يجري وهي تجري وناس كتضحك ومستغربة ،وأخير شدها من إيدها ياله باغي يدورها عندو زلقو وطاحت عليه (ديك الساعة عاد بلغو جمالها ونقائها وجسمها)والسيد سها ،بلال غير شاف الموقف خرج من البحر قاصدهم حيت عارف يعقوب كدير وشنو غدي يوقع وعارف زينب لسانها مبري منها ،أما يعقوب مع السهو زير على زينب وهي بدات كتغوت وكتقول : أااااشريف واش فينما نشوف تبغي ترزيني في صحتي واش نتا مريض ولكن لبرهوش برهوش هو غير سمعها جمع الوقفة وناض باغي يعطيها بأحسن صلية في التاريخ في هاد الأثناء كيتسمع شي واحد كيغوت وهاد الصوت مغريبش (صوت من؟)وفاء كانت كتغرق وكطلب النجدة وللأسف كلشي بعيد وفي اللحظة الأخير تعتقت من طرف ياسر لي لقاها شبعات ماء إوا خرجها من البحر وداها دار ليها اسعافات أولية والحمد لله فاقتوفي هاد اللحظة كتاشف ياسر ياقوتة على شكل أنسان، زين طبيعي يصبح الشخص مدمن عليه وهنا فين وصلات زينب وبلال و لالة فاطنة لي كانو قلقين على وفاء وطمنو عليها وهي ناضت كي العودة وكضحك باش مبقاوش خايفين عليها ،وهنا فين ضارت لالة فاطنة عند ياسر وقالت:الله يرضي عليك أولدي ويحفظك ،وعلى هاد شي أجي كول معانا وحتا نتا أيعقوب المهم ݣلسو كالو وضحكو ورى هاد شي غضب في عينين يعقوب على هضرة زينب ولكن سيطر على راسو حيث ماباغي يخسر الجو الي فكرو فعائلتو وهنا فين غادي يجمعو شطايطهم ويرحعو لدارهم ولكن هاد المرة غدي يوصلهم ياسر كلا واحد رجع لدارو دوش ونعس بقوت العيا في نص الليل ضربت الفيقت زينب ناضت شربت وملي بغات ترجع قالت تطل على وفاء لتكون ݣعما مغطية ولا شي حاجة ،حلت الباب حتا كتلقى سرير خاوي
