كتلقى سرير خاوي وهي تفكر أن فدارهم ملي كانو مع باهم كانت كتمشي وكترجع معطلت وكلست كتسنا واحد الشوية هو يتحل الباب ديال الدار ودخلت وفاء حتى كتشوف زينب قدامها كتسولها:واش نتي باقا محيدتي منك هاد القاعدة وأصلا فين كتمشي وفاء :عندي غراض كملتو وهنا جيت وحنا كنعرفو أن زينب هي الوحيدة لي كانت عارفة ختها كتخرج مع الليل وخا هكاك وفاء عمرها قالت ليها فين كتكون ،المهم طمنت عليها وقالت تيقي في راه مكين والو ودخلو لبيوتهم ونعسوا ☀️أصبحنا وأصبح الملك لله☀️ ناضت كيما العادة زينب لي دوشت ولبست بيجامة ديال الدار وصيبت الفطور ونوضت وفاء تصخر على الخبز ،ناضت وفاء لبست كاندورة وهزت البزطام وخرجت ،وقفت عند مول الحانوت ضارت شافت ياسر لي حتا هو جا على ود الخبز واللي نتابهت لملاميح ديالو بحال يعقوب والجسم بحالو ولكن كتبان فيه العاطفةوقالت:سمحلي ماشكرتكش البارح راه مع الخوف معقلتش هو شافها فهاديك اللبسة قلبو تلف (سيدة قنبولة) ياسر :المهم هو نتي بخير عطاها مول الحانوت الخبز وفاء :نخليك ومشات خلات العقل غايب عند ياسر إوا وصلت للدار وفطرو سلاو ناضو جمعو الماعن وقرو أنهم يهبطو عند لالة فاطنة باش يعونوها على كسكسو حيت اليومة الجمعة ،هبطو كيطيبو وفاء تفكرت ياسر وأنها متشكراتوش مزيان وضارت عند لالة فاطنة و قالت:خالتي نقضرو نعرضو على ياسر باش نزيد نشكرو فاطنة:فكرة زوينة أبنتي ،سيفطي زينب تقولها ليه هو خوه مرحبا بيهم وفاء :زينب أاااازينب زينب:أمالك كتغوتي وفاء :راه قررنا نعرضو على ياسر و يعقوب يتغداو معانا ،وسيري علميه زينب:لا ولا وماشي ولائح تي مريضة نمشي للموت برجلي وفاء :صافي أجي غسلي الماعن وأنا نمشي زينب:لكانو غير الماعن صافي أنا غادي نمشي إوا نزلت وقاصدة دار يعقوب ،دقت حتا كتشدها إيد ودخلها لداخل وتلصقها مع الحيط كطلع وجهها كتشوف يعقوب مقرب من وجهها السيدة طاح ليها الما في الركابي عرفات هاد المرة معندها فين تهرب وهي تبدا التمام:خ.......و.......ي....ا يعقوب:خوك مالي والداني مك هد المرة جاية برجليك زينب :أ....ت....س....نا ن....شر...ح يعقوب (وهو كيزيد يقرب لوجهها):أش غدي تشرحي لي ونتي جاية برجليك زينب :والله حتا غير جيت مسخرا يعقوب :أنا ماشي سوقي ،من شحال وأنا محلف عليك تصحبيني نسيت وهنا كان السيد غدي شرع يديه ،ساعة خرج ياسر ولقاهم بحال هكاك والسيد فهم غلاط وهو يقول:غاسمحولي راه واقيلا جيت فوقت ماشي هكاك وهي تغوت زينب بجهد :وعتقني واش نتا مصطي ومكتشوفش خوك غادي يطفي لي الضو وراني جيت غير نقول ليكم راكم معروضين عند خالتي فاطنة وياسر عاد فهم وهو يمشي جيهتهم فكها من يدو أما حتا هو عاد فهم وقرر يسمح ليها هاد المرة ،وهو يشوف فيها وقال :هاد المرة سمحت ليك مرة متلومي غير راسك فهمتي وهي تحرك راسها بالموافقة وهربت بحال الفار مشافتش من وراها حتا وصلت للدار ،دخلت سدات الباب عاد تنفست وواعدات نفسها معمرها تعاود ،طلعت ولقاتهم كيتسناوها وكيسولوها فيت تعطلت وهي تكذب عليهم وقالت:والو غير بقيت كندور في الدرب تيقوها وتاهما مكان فيهم لي يحققوا وخا وفاء دخلت من وذن وخرجت من لخرى ،راه كتعرف ختها ملي كتكذب ولكن محݣرتش ،دازو كملو شغالاتهم حتا أذن الظهر ،ناضو صلاو ،وغدي دوزو يسݣيو الكسكس حتا كيسمعو الدقان في ،كان يعقوب وياسر و بلال لي تلاقاو معاه في الطريق ملي كانو جايين ،رحبت بيهم لالة فاطنة ،دخلو قلسو ،تحطت القصرية ديال كسكسو وتجمعو وهما كياكلو لالة فاطنة:مرحبا بيكم ياسر :ترحبيك الجنة لالة فاطنة:عرضت عليك بغيت نزيد نشكرك على إنقاد بنتي وفاء راه عزيزة وغالية راه كان غدي يسكت لي القلب داك النهار زينب:بصح أخويا ،شكرا بزاف ياسر :الله ياودي راه أي واحد في بلاصتي كان غادي يدير نفس الحاجة وكملو بالضحك والهضرة ،أما يعقوب غير ساكت وسلهي كيشوف في زينب وهي كضحك (السيدة طيحاتو على زنافرو🤭) أما ياسر حابس الضحكة غا بزز كيشوف خوه دايب في درية وهاد الحاجة مموالفاش ليه ،سلاو وناضو جمعو الطابلة ،أما ياسر يعقوب ناضو تكركبو مع الدروج وياسر ضاحك تفكر عائلتو لي مشافهاش مدة .نرجعو عند الدريات لي ݣلسو في الصالة وشدهوم الملل هما وبلال كيفكر كيفكرووو كيفكروووووو ( في نظاركم شكون غدي يكون صاحب الفكرة في الأثناء )زينب طاحت عليها يمشيو يضورو في السوق باش يشريو حويجات وهداك الشي لي خاصهم تافقو وملي برد الحال (العشية) لبست زينب سروال جينز 👖 مرخوف وقاميجة بيضة مع سندالة كحلة وطلقت شهرها جاها اللوك ناضي ،أما وفاء لبسات سوال رياضي كحل تيشورت بيض وسندالة بيضة وجمعات شعرها بشكل عشوائي وهدي شي خلاها قنبولة💣وهبطو عند بلال لي لابس شورط جينز و تيشورت كحل مع سندالة كحلة وطريوش شيبي المهم خرجو من الدار ومع هما ولاو بحال الخوت يمشيو بثلاتة يرجعو بثلاتة كيحسو ببلال بحال خوهم لي معندهومش ،وهم غديين بلال لاح يدو على زينب وغادي (وكا عليها بحال الأصدقاء)وكملو طريق ولكن اللور كيبان لينا في شرجم يعقوب واقف وعينيه حمرين وكيقفقف والمشكل أنه معارفش شنو بيه ،فهو كان مرتاح كيشوف فيهم غاديين حتا بلال دار يدو على زينب هنا السيد عينيه عماو ولكن لحسن الحظ أنه كان مشعل ج*وان هو لي هدنو ،أما دريات وبلال كملو لسوق ،دخلو كيضورو وهما يتلاقاو بياسر لي جا يدي شي تقضية شافوه مشات وفاء جيهتو سلمت عليه وعاد تبعوها الاخرين ووفاء قالت: ياسر إلا كان ممكن زعما نمشيو مجموعين زعما نتقداو وعاد نمشيو(ودبا مبقيناش عارفين شكون الخفيف زينب ولا وفاء واقيلا داك شي سلالة من العمة الخالة🤔) حتا ياسر مشي من العاݣزين (السيد خفيف) وافق ،وداك الشي لكان تقدمو موجهين لواحد المحال ديال الحوايج دخلو ،وبدات زينب كتبدل وكتخرج يشوفها شي جا معاها شي والو ،أما وفاء غير لبست وخرجت حتا بدا ياسر كيهضر :هدي زوينة......... حتا هادي زوينة بدون مايشعر قال:راكي زوينة أي حاجة تجي معاك ساد الصمت ،كلشي كيضور غير فعينيه ،ولكن وفاء مدات مجابت دبا بداو الدراري ،دخل ياسر قيص واحد تيشورت كمامو تزيرو على عضلاتو وبين البنية الجسدية الكبيرة لعندو(هنا فين وفاء عرفت شي حاجة حسن من الموسيقى❤️) سيد راه الزين والفورمة وحتا التعامل .المهم كملو وقررو يرجعو للدار وهما فالطريق تلقا ليهم واحد الجماعة ديال الدراري ماشي من السيكتور وقالو:حطو أش عندكم لبغيتو نمشيو ياسر : واخا ميكون غي خاطرك وهو يجدبها مع واحد خلاه في الأرض ،أما بلال دخل لواحد بكروشي خلاه يتقيا الدم ،بقاو هاك بلاك تخلاوهم مرمدن في الأرض زينب:هاي هاي علا الرجال هانتي أختي محزيم بالصح(الاتصباغ 🖌️) وفاء :معندي منتسالك أسي ياسر راك واقف على الصح وزيد هادي تاني مرة غدي تنقذنا ياسر :لنتي عاد كتاشفتي هاد الشي ،وعقلي على الخير رجعو كيضحو وناشطين كلا واحد زاد لدارو دخل ياسر للدار أتا كيلقا خوه في الباب يعقوب: فين كنتي؟ ياسر : في السوق يعقوب:معامن ؟ ياسر :وقول من اللول هاد شي لباغي تسول مع زينب ووفاء بلال يعقوب ماباغيش يبين لخوه حيت عارفو طناز ياسر:أنا غادي نعود ليك أش وقع راه عارفك شادك الفضول ـــــــــــــــــــــــــــ ونرجعو عند الدريات لي طلعو للدار رتبو داك الشي لجابو وسيبو العشا تعشاو ونعسوا بعد عدة أسابيع مع الصباح فاقت زينب ووفاء بكري مع 6 دخلدوشو وفطرو ناضت زينب لبست تجينز زرق فضفاض مع تيشورت بيض مع تجاكيطة مع سبرديلة بيضةوجات فنة مع خلات شعرها مطلوق ،أما وفاء لبست كسوة حمرة مزيرة على جسمها مع تجاكيطة وسبرديلة وخلات شعرها مطلوق (ونقولها كاملين قنبولة 💣) وخرجو باش نعرفو أن الموسم الدراسي بدا ركبو فطاكسي وهبطو قدام الجامعة بالنسبة لزينب دارت paticeré ،أما وفاء دارت الموسيقى ،المهم كلا وحدة عندها الفصول دياولها زينب دخلت للقاعة كلست وتݣلس غي حدا واحد كتعرفو (ولد خالتها يونس والي هو خوها بالرضاعة) يونس: وقولي غا سلام مبقينيش كتعرفينا ولا كفاش زينب:يونس وتلاحة عنقاتو وكنعرفو أنه يونس أقرب صديق لزينب حيت عندهم نفس الحاجة كيبغيوها ولي هي الحلويات وديك ساعة ديال القراية دوزوها غتعاويد وضحك حيت شحال هادي متشاوفوا أنا وفاء دخلت للقاعة وݣلست فواحد القنت بعيد شوية على الصداع ،حتا كتقرب حداها وحدة كتشاورها على البلاصة وقالت :ختي سمحي لي واش هاد البلاصة خاوية راني معزيزش علي الصداع وكنتمى تكون هاد البلاصة خاوية وفاء:خاوية تقضري تݣلسي الدرية : سميتي نورة ونتي وفاء :مشرفين أنا وفاء نورة وخا عزيز عليها الهدوء ،إلا رتاحت ليك كتولي اجتماعية معاك إوا بقاو كتعاودو وهذا جعلهم يكتاشفو أوجه التشابه بيناتهم وولاو أصدقاء،دخلت الأستاذة وبداو الدرس أما الإخوان كان باقين ناعسين تال جوايه 12 عاد فاقو غسلو وكالو وخرجو يتسركلو ونرجعو عند الدريات لغير سلاو خرجو كيقلبو على بعضياتهم ،تلاقاو ووفاء وهي تعنݣ يونس وسلمت عليه ،وعرفتهم بنورة ولقاو ،ملي بغاو يمشيو عرضت عليهم زينب لكاسکروط وقبلو ومشاو معاها وصلو للدرب دخلو ومع التقمزيز لفزيب شدات في إيدين يونس (الشدة ديال العرسان)حيت مرتاحة معاه وزيد عليها راه خوها ،المهم غاديين ميدوزو غير من قدام واحد القهوة ،وشكون فيها ......يعقوب ،هو غير شاف داك المنظر جمع النوضة وتبعهوم ،أتا وصل عندهم وبدون سابق إنذار شد اليونس من كتفو وغدي دورو يعطيه مع هز إيدو غدي يضرب ،حتا جاتو ضربة لوجهو ،هز يعقوب راسو يشوف شكون ضربو لقاها وفاء ضرباتو برجلها زينب:هدا البرهوش مالك ݣعما عطاك الله ضارت وفاء وزينب عند يونس يشوف واش قاصتو شي حاجة يونس :مافيا والو ولكن شكون هذا (يونس من اللخر كيليميني ،يعني منتاظروش شي مضاربة في هاد ساعة منو ساعة أخرى الله يعلم) يعقوب:شكون نتا لجاي كتمختر فدربنا زينب :مالو درب باك يعقوب :مندوي معاه وهو ونتي أش دخلك زينب :راه خويا أداك المجرتل يعقوب سرات معاه،وليزيد الطين بلة وقف ياسر لكان تبع هوه وفاء:ياسر دي خوك راه واقيلا شبع ج*وانات وجاي يتصطا علينا ياسر (كيضحك)حيت عرف أش طرا:زيد خلينا نمشيو وتقعدو مشاو وهما فالطريق ملقيتي من تغير غير من خوها وبالزيادة بغي يضربو كيبان ليا معندكم مستقبل مع بعضياتهم سكت قبل منبرد فيك العصاب لي فيا ونمشيو عند الدريات لوصلو للدار وتلقاو بلالة فاطنة وسلمو عليها وعرفوها على يونس ونورة ومن الصواب عرضت عليهم يدخلو يديرو كسكروط ،دخلو وطلعت زينب جابت واحد الكيكة كانت صيبتها وتجمعو ووصل بلال وتعارفو ودازت أمسية هادئة ،ملي سلاو لقاو بأن المغرب وصل عيطو على أندريف ومشا كلا واحد لدار. المهم دازت المدة بين الجامعة والدار والضوران .حتا لواحد النهار غدي يصوني التيليفون لوفاء
