المشوه و العذراء

المنبوذ و العذراء حلقه خمسه

بعد ثواني حسم قراره و قرب منها و قال : انسه يا انسه لو سمحتي يا استاذه

روح : نعم يا اخوي عايز ايه

زين نزل علي ركبته قدامها و مد ايده ليها ب منديل و قال : اتفضلي يا انسه امسحي دموعك العيون الجميله دي مينفعش تعيط ل اي سبب

روح اخدت منه المنديل و قالت : يجبر ب خاطرك يا اخوي بس لما تقول حاجه حول متكنش كداب قوي كده انت شوفت عيوني فين و انا متبهدله طين من راسي ل مداسي علي العموم تشكر يا اخوي بس كلامك مش هينفعني في حاجه انا هدومي اتبهدلت خالص هروح استلم الشغل كيف دلوقت ده لو حد شافني علي باب السرايا ب المنظر ده يطير ورايا ب الشبشب

زين : دي مش مشكله كبيره روحي غيري خلقاتك و خدي دش و ارجعي تاني

روح : مش هقدر انا اصلا متاخره علي معادي و اخف يجيبو ممرضه بدالي و انا محتاجه الشغل ده قوي

زين مد ايده ليها و قال : طب قومي اغسلي وشك و نضفي هدومك و ربنا يستر و تاخدي الشغل ده

روح مسكت ايده و وقفت معاه و قالت : طب هغسل وشي فين مفيش حنفيه هنا

زين : طب ثواني

قال كده و راح جاب جردل ميه

و صب ليها و غسلت وشها و نضفت هدومها

روح : تشكر يا اخوي تعبتك معايا مش عارفه كنت هعمل ايه من غيرك

زين : مفيش داعي للشكر انا عملت اللي كان هيعمله اي راجل مكاني

روح : لا يا اخوي مش كل الناس كده ده اللي عمل فيا كده اصلا راجل بس مهزق و معندوش ريحه الذوق وقعني و اتخانق معايا علي التلفون بتاعه راجل جليلط و قليل ربايه

زين : هدي اعصابك يا انسه يمكن كان متضايق أو حاجه و اتفش فيكي معلش عديها

روح : انت طيب ولا اهبل يا ولدي المهم اسمك ايه عاد انا اسمي روح

ابتسم زين و قال : اسمي زين

روح : حلو ده روح و زين ليقين علي بعض روح الزين اسم روايه هابطه علي واتباد تحفه

زين : ههههه هابطه و تحفه مش واخده بالك أنهم عكس بعض

روح : متخدش في بالك انت انا اصلا مجنونه

زين : طيب يا ست روح روحي شوفي شغلك قبل ما يجي حد ياخده منك

روح : صح يخيبك قاعد تسهريني و أخرتني ليك يوم يا زين لما اشوفك المره الجايه هفتح راسك يلا فوتك ب عافيه

قالت كده و جريت علي القصر

زين : الله يعافيكي يا روح

و بعدين وقفت روح و قالت : لو خدت الشغلانه هجيب ليك الحلوه خليك مستني و ادعيلي

زين : هدعيلك و مستني الحلوه ربنا يوفقك

هههههه مجنونه

قال كده و رجع الشغل بتاعه

جابر : اصل هو مال سائب ملوش ظابط ولا رابط عشان كده داير تصرمح

زين ب سماجه : صاحب المال بذات نفسه قال اعمل ما بدالي لما اشتغل عندك ابقا اتكلم بس اتاكد اني عمر ما هيجي اليوم ده واصل

جابر جز علي سنانه ب غيظ و زين رجع يشتغل

و في القصر دخلت روح و كانت منبهره ب جمال القصر و التحف الموجوده فيه كانه في قصر من قصور ديزني الخياليه أو جوه روايه من الروايات الخياليه اللي بتحبها

لفت ب عيونها في المكان ب انبهار

و فجاه اتنفضت لما سمعت صوت جاي من وراها

روح شهقت ب صدمه و لفت و قالت : يا مري ايه يا واليا فزعتيني قلبي اترجف من الخوف

عزيزه : انتي مين يا بت بتعملي ايه هنا

روح : انا روح ممرضه الدكتور مختار رايس مستشفي المركز بعتني عشان اساعد عايده هانم بعيد عنك سمعت أن عقله خف من الزعل علي ولدها اللي مات الهم احفظنا

عزيزه : شكلك لسانك طويل و حشريه و صفوت بيه مش بيحب اللي ذيك كده

روح : يعني هو انا قولت ايه مش الحقيقه

عزيزه : مش قولتلك لسانك طويل و حشريه و بعدين مالك مبحلقه في السرايا كده ليه شكلك اول مره تدخلي سرايا زاي دي

روح : ايوه يا خاله اول مره ادخل حته زاي كده انا كنت بشوف البيت دي في التلفزيون و في الروايات بس كنت مفكرها مش حقيقيه

عزيزه : طيب خليكي هنا هروح انده فيروز هانم و اجي طوالي اوعي تروحي كده ولا كده ولا تلعبي في حاجه فاهمه

هزت روح راسها

و عزيزه راحت تنده فيروز

عزيزه خبطه علي الباب و قالت : فيروز هانم ادخل

فيروز : ادخلي يا عزيزه ادخلي

دخلت عزيزه و قالت : في بت جات تحت بتقول أن الدكتور مختار بعتها عشان تاخد بالها من عايده هانم

فيروز : طب روحي يا عزيزه انتي و انا شويه و هنزل وراكي اعملي ليها حاجه تشربها علي ما أنزل

عزيزه : حاضر يا ست هانم

قالت كده و نزلت و قالت : الهانم جايه ورايا و قالتلي اعملك حاجه تشربيها عايزه تشربي ايه عاد

روح : تسلمي يا خاله شاربه في بيتنا الحمد لله تعيشي

عزيزه مصمصت شفايفها و قالت ل نفسها : و هو ده منظر واحده عندها بيت من أصله

روح : سمعتك يا خاله و عندي بيت تحبي اعزمك تشوفيه و تشربي معايا الشاي

عزيزه لفت و قالت ب لا مبالاة : باين باين

قالت كده و دخلت المطبخ

روح : منك لله يا ابن المركوب عاجبك كده خدت كلمتين في جنابي بسببك من الواليا الحيزبونه دي

قالت كده و فجاه سكتت و بصت ب انبهار لما شافت فيروز نازله علي السلم و لابسه اجمل الملابس و لابسه دهب و مجوهرات كتير قوي

وقفت فيروز قدمها و قالت ب محبه : ازيك يا انسه اتفضلي واقفه ليه انا فيروز بنت عايده هانم اللي جايه تساعديها

روح : الحمد لله يا ست هانم اتشرفت ب معرفتك انا روح اسمي روح

فيروز : تمام يا روح اتفضلي دي الملفات الطبيه بتاعت امي شوفيها عشان تعرفي حالتها و تشوفي أن كنتي هتقدري تستلمي الشغل أو لا

روح ب لهفه : لا يا ست هانم انا هشتغل و أن شاء الله اكون قد ثقتك

فيروز : أن شاء الله بما انك موفقه يبقا تروحي بيتك غيري خلقاتك و تعالي في الليل تستلمي الشغل

روح : الليل ! لا ماقدرش يا هانم صعب اسيب البيت و بات في بيت غريب

فيروز : اولا ده مش بيت غريب ده هيكون بيتك لانك هتعيشي هنا تقريبا لو وفقتي علي الشغل ثانيا انتي لازم تكوني هنا طول الوقت لأن امي محتاجه رعايه خاصه و اكيد دكتور مختار قال ليكي و غير كده انا هسافر كام يوم و مش هقدر اكون جنب امي عشان كده لازم تفضلي معاها

روح ب ارتباك : بس

فيروز : ما بسش هديكي اللي انتي عايزه و هتكوني في اوضه واحدك و هزود ليكي القبض بتاعك ضعف اللي اتفقتي عليه مع دكتور مختار

سرحت روح ل ثواني و قالت ل نفسها : هتعملي ايه يا روح العرض مغري صراحه و انا محتاجه الفلوس دي قوي بس انا مش هقدر اسيب البيت و بات بره بيت مين يا هبله البيت اللي محدش مهتم بيكي فيه ولا حد يعرف أن كنتي كويسه ولا وافقي يا حزينه منه فلوس كتير و منه ترتاحي من زن ابوكي و معاملته المحشه ليكي و انتي هنا

فيروز هزت كتفها و قالت : روح روح

روح : نعم يا هانم

فيروز : سراحتي في ايه بتفكري في عرضي صح انا عارفه انك بت ذكيه و هتوفقي مش كده يا روح

روح : هزت راسها ب الموافقه و قالت : طيب يا ست هانم ماشي موفقه بس لما ترجعي من السفر هرجع بيتي

فيروز : ماشي يا روح خدي دول و روحي اشتري ليكي شويه هدوم حلوه كده بدال اللي لابساها دي و هاتي حاجتك و تعالي

قالت كده و طلعت فلوس من جيبها و حطتها في ايد روح

روح : لا يا هانم انا عندي هدوم حلوه و غاليه كمان و ده مش لبسي اللي متعوده عليه انا كنت في الشغل في نبطشيه و لسه جايه و انا داخله واحد قليل ذوق خبط فيا وقعني في الطين و هدومي اتبهدلت

فيروز : ماشي يا روح اللي يريحك تقدري تمشي و تيجي بعد المغرب

روح وقفت و مدات أيدها ب الفلوس ل فيروز : طيب اتفضلي يا هانم دول مبقاش ليهم عازه

فيروز : لا ليهم خليهم معاكي اعتبريتم جزء من القبض بتاعك

هزت روح راسها ب الموافقه

و اخدت شنطتها و طلعت ل بره

و هي ماشي شافت زين شغال في الأرض راحت شورت ليه

زين : نعم يا انسه فى حاجه

قال كده و بدأ يتحرك نحيت روح

روح : روح اسمي روح قولتلك اسمي روح انت ذاكرتك ضعيفه ولا ايه

زين : عارف أن حضرتك اسمك روح بس انا بقول انسه عشان متخطاش حدودي معاكي و احتراما ليكي

روح : يخرب بيت ادب اللي جابك هو في حد في الزمن ده مأدب كده

زين : هههههه في كتير بس باين كده أن حضرتك مش بتقابلي النوع ده من الناس شك حظك وحش في الناس

روح : الناس بس انا حظي وحش في كل حاجه وحياتك المهم انا جايه اقولك حاجه مهمه قوي

قالت كده و بدأت تدور في الشنطه بتاعتها

زين : اتفضلي سامعك بس بسرعه لو سمحتي عشان ارجع اكمل شغل

روح مدات أيدها ليه ب حته شوكولاته و قالت : انا قولتلك لو خدت الوظيفه دي هجيب ليك الحلوه اهي هي حته صغيره بس ده اللي في أيدي دلوقت و مش معايا غيرها بس اوعدك لما اجي هجيب ليك معايا حاجه حلوه

زين : شكرا يا انسه

روح ب غيظ : قولتلك اسمي زفت روح هتقولي يا انسه تاني هقتلك فاهم

زين : اهدي يا انسه قصدي يا روح مش قصدي اديقك شكرا علي الشكولاته الجميله دي و ملوش لزمه تجيبي حاجه تاني و تكلفي نفسك دي كفايه قوي و الف مبروك علي الشغل

روح : الله يبارك فيك بس ازاي دا انت السبب الوحيد بعد ربنا اني اخد الشغل ده بص انا هعمل ليك صنيه بسبوسه هتاكل صوابعك وراها محسوبتك طباخه شاطره قوي و مفيش تكليف ولا حاجه انا اصلا معايا فلوس لسه واخده جزء من القبض بتاعي دلوقت

زين : اتفقنا يا انسه قصدي روح هستنا البسبوسه انا بحبها قوي اصلا

روح : هجيب ليك و انا جايه في المغرب مش هتكون روحت صح

زين : هستناكي تيجي مش هروح غير لما تيجي

روح ابتسمت ب فرح و قالت : طيب فوتك ب عافيه يا زيزو

زين : الله يعافيكي يا روح مع السلامه

قال كده و روح مشيت من قدمه

و زين رجع يكمل شغل و طبعا جابر قال ليه كلمتين في جانبها

و عند روح دخلت البيت و هي بتنطت من الفرح و قالت : امي سعاد يا سوسو انتي فين

خرجت سعاد من المطبخ و هي بتنشف أيدها و قالت : مالك يا مجنونه بتزغقي ليه كده و اتاخرتي ليه يا جزمه في النبطشيه

روح : انا مشيت من النبطشيه من بدري و عندي ليكي مفاجاه تستاهل تعمليلي قبالها صنيه بسبوسه معتبره

سعاد مسكت ودنها و قالت : امال كنتي فين يا جزمه ساعتين دائره تصرمحي و في الاخره جايه تدوري علي كرشك يا جزمه

روح : يا واليا سيبي ودني ما هي دي المفاجاه اللي عملها ليكي

سعاد : مفاجاه ايه

روح : سيبي ودني و اقولك

سعاد سابت ودنها و قالت : قولي سمعاكي اهو بس علي الله تكوني بتضحكي عليا زاي ما بتعملي كل مره عشان تدسي في المندره و مضربكيش

روح : لا مش المره دي انا عندي ليكي مفاجاه بجد بس والله ما اقولك غير لما تعملي ليا صنيه بسبوسه

سعاد : هعملك بس اخلصي

روح : احلفي طيب اصل انا مش مرتاحه ليكي

سعاد : لو حاجه تستاهل هعمل بس و الله ما تكوني بتكدبي عليا ل اقطم رقبتك

روح : انا هشتغل ممرضه عند عايده هانم في سرايا صفوت نصار عمده البلد و هاخد مرتب قد بتاع المستشفي يجي خمس مرات و اكتر

سعاد : لولولولولوليييييي الف مبروك يا روحي ربنا يوفقك و يوسع رزقك يا رب الف مبروك يا بتي الف مبروك ده ربنا بيجزيكي علي تعبك طول السنين دي يا قلبي

روح : طيب عايزه صنيه البسبوسه عاد قصدي اتنين واحده ليا و واحده ل زين.....

قالت كده و بعدين داست علي لسانها لما أدركت اللي قالته

سعاد : زين مين يا روح امك

روح : قصدي زينه زينه يا امي بس انتي قاطعتي كلامي من نصه اتعلمي تسمعي للآخر يا مرات ابوي

سعاد : و مين ست زينه دي اللي هتعملي ليها بسبوسه يا ست روح

روح : دي الخدمه اللي في السرايا قالتلي أن هشتغل و لو اشتغلت عايزه الحلوه و انا اتسحبت من لساني و قولت ليها هعملك صنيه بسبوسه حلوه الشغل

سعاد : اممممم طيب هعملك مع اني مش مصدقاكي ب بصله يا بت بطني

روح باستها و قالت : طول عمرك قلبك كبير يا ست الكل خدي قلبي يا مرات ابوي

سعاد : خليه ليكي يا اختي مش لازمني

روح طلعت فلوس من الشنطه بتاعتها و قالت : طب خدي دول هاتي ل اخوتي اكل و هدوم مليحه بدال المقطعه اللي عندهم و هاتي ليهم كل اللي نفسهم فيه

سعاد : لا يا بتي خليهم معاكي لحسن تعوزيهم اخوتك عندهم هدوم كتير مش محتاجين

روح : هو احنا هنكدب علي بعض يا امي هي اللي عندهم دي تتحسب هدوم نصها مقطع و النص التاني شحاته خديهم و هاتي ليهم هدوم مليحه خليهم يفرحو بيها

سعاد : اسمعي مني انتي اولا ب الفلوس دي تجيبي بيهم حاجه ل روحك و شويه هدوم حلوه تلبسيها في الشغل بتاعك عشان محدش يستقل بيكي في السرايا

قالت كده و حطت الفلوس في ايد روح

بس فجاه اتصدمه روح و سعاد لما لقيت حد خطف منها الفلوس

بكر ابو روح : عاملين تشقطو الفلوس ل بعض كده ليه لو مش عايزينها اخدها انا يا روح ابوكي و لو معاكي تاني هاتي مفيش مانع

روح بصت ليه ب قرف و قالت : طب حتي اسال الفلوس دي منين مش يمكن اكون سرقاها

بكر : و لو طلما هتجيبي فلوس يبقا مش فارقه منين يا روح ابوكي

نفخت روح ب ضيق و دخلت اوضتها

و سعاد قالت ب غيظ : انت ايه يا راجل ايه شيطان ده بدال ما اسالها أن كانت عايزه حاجه دي بتصرف علي البيت و إخوتها و علي كيفك و انت قاعد ملكش عازه في البيت

مسك بكر شعرها و قال ب صوت أشبه ب فحيح الأفاعي : لو سمعت حسك تاني هقطع لسانك حسك ميعلاش تاني فاهمه

هزت سعاد راسها ب الم

بكر ذقها علي الارض و قال ؛ و بعدين دي فلوسي و حقي مش صرفت عليها و كبرتها و ولولا انا مكنتش هتتعلم ولا تشتغل من أصله

بس لحد هنا نكمل الحلقه اللي جايه سلام