بداية الرحلة

الفصل الثالث ( بداية الرحلة ) الخميس الثامن ابريل 2042 في بيت زين ، كان يجلس زين وكارما وكريم يتحدثون في امور مختلفة ، دق جرس الباب فقام زين بفتح الباب ودخل كارم ومايكل ويوسف ولكن هناك من صدم لوهلة واردف بضيق " يا الهي لماذا هذا المتعجرف هنا " ضحك كريم بشدة : هو جاي معانا دي هتبقي رحلة عنب كلها ضحك مايكل بضيق : اكره هذا الرجل كريم ل يوسف بمرح : بزمتك مش بيفكرك بابطال سبيستون زمان ضحك الجميع بشدة وتجمعوا علي طاوله وجلسو بشكل دائري وبدا كارم بسرد خطته واخرج ورقة خريطة وعرضها امامهم " جزيرة ميكاتريكس ، هي واحد من مجموعة جزر مكونة من تلت جزر ، "جزيرة كرانسيان" و " جزيرة ميكا " و "جزيرة ميكاتريكس " ، تم اكتشاف كرانسيان وميكا علي ايد صديقي المستكشف عامر الكاشف ومحدش عارف يكتشف الطرف التالت من الجزيرة ، عامر من الناس المهوسين بيروح جزيرة كارنسيان مرتين في السنه تقريبا فهو هيكون حلقة الوصل بينا هناك ، هنتحرك بكرة من مينا سفاجا علي جزيرة كارنسيان هنعسكر هناك اول ليلة في الرحلة اليوم التاني هيوصلنا ل جزيرة ميكا وبعدين هنكمل طريقنا لميكاتريكس ، مغامرة جديدة بالنسبه له ، الاكل والشرب الي معانا يكفينا كلنا ل شهور، ودلوقت دكتور كريم هيكلمنا عن السلاح " كريم: احنا معنا اسلحة ناريه طبعا ، ومعايا اسلحة مخدرة كويسة للصيد وكمان لو في حيوانات غريبة وعاوزين نعمل عليها ابحاث . كارم : كويس اوي ، دكتور يوسف يوسف بهدوء : انا معايا مجموعة من الاعشاب المضادة ل السموم في حالة لو حد فينا اتعرض ل لدغة حيوان سام لقدر الله كارم : دكتور مايكل مايكل : لدي جميع الادوات الطبية اللازمة لاي ظرف من الظروف صمت مايكل لوهله واردف قائلا " ابنتي ستاتي معي لهذه الرحلة الملعونه ،ان حدث لها شئ ساقتلكم جميعا بطلق ناري وساقتل كريم بقطع راسه " كريم : اشمعنا انا يعني مايكل : لا اعلم ولكنني لا اطيق رؤيتك علت موجة من الضحك في المكان وانتهى الامر وانصرف الجميع ********** وفي منزل كارم الذي كان يحضر حقائبه التقط صورة والده المعلقة على الحائط ونظر إليها بعينين يملؤهما الحنين وقال : قريب أوى يا بابا ... قريب أوى هحقق حلمك. ووضع الصورة فى الحقيبة ومسح دموعه الدافئة التي بدأت تتسرب على وجنتيه ************** وفي تمام السابعة صباحا اجتمعوا في ميناء في البحر الاحمر يوسف بضيق : هو دكتور مايكل هيطول ولا ايه مش في ميعاد كارما بلا مبالاة وهي تاخذ بعض اللقطات لشروق الشمس مع المياه الصافيه "زمانو علي وصول عادي" وصل مايكل ومعه ابنته ونزلوا من السيارة وبمجرد نزولهم من السيارة نكز كارم زين الذي كان شاردا في امواج البحر الهادئة وقال له " بص كده مين اللي وصل " ليفيق زين من شروده وينظر الى الناحية التي يشير اليها كارم وتتسع حدقتا عينيه من ما يرى تنزل من السيارة فتاة بنية الشعر ، بيضاء البشرة ، وعينين عسليتين ، تصاحبها ابتسامة ساحرة ، تجمد زين لوهله ، في ظل اتجاهها مسرعة الى دكتور كريم واحتضانها له ماتيلدا بحروف متقطعة : وح شتني اوي يا ان كل كريم بضحك : زي ابوكي بالظبط اللهجة المصرية مش واكله عليكو ضحكت ماتيلدا واردفت بالفصحي " لكنني حاولت ، افتقدتك كثيرا " شدد كريم لاحتضانها واردف بمرح : تعالي في حضني خليني اغيظ ابوكي ضحكت كارما واسرع مايكل ليلتقط يد ابنته بغيظ ، اخذ مايكل ابنته واردفت كارما لكريم " هو انتو تعرفو بعض من زمان اوي كدة " كريم بابتسامه صافيه : انا ومايكل طلعنا بعثات علمية كتير سوا وعملت ابحاث كتيرة معاه . كارما بضحك : امال مش بيطيقك ليه كريم بضحك : احم مش زنبي ان مراتو كانت بتحبني قبل ما تتجوزه كارما بصدمه : ايه تركها كريم لصدمتها وسال زين عن كارم فاجابه زين الذي افاق من شروده " مش عارف هو مع صاحبو بيخلصو ورق تقريبا " وبينما زين يتحدث ظلت عينه معلقة على ماتيلدا فنكزه كريم الذي لاحظ ذلك سريعا واردف ضاحكا " خلي بالك علشان مايكل ممكن يعلقك " زين بسذاجة : هيعمل ايه يعني؟ كريم مقلدا مايكل بسخرية " سيبرحك ضربا ومن ثم يلقي بك في مياه البحر لتاكلك اسماك التونه" ضحك زين بشدة ،وقطع حديثهم وصول كارم برفقته عامر ودعوة كارم لهم بالحضور كارم : يلا بينا يوسف: على فين ؟ كارم : رايحين للسفينة كارما : ليه هي فين السفينة دي ؟ كارم : تحت كارما باستغراب : تحت !! كارم : تعالوا بس وانتوا هتفهموا كل حاجة ********* كان عامر ذو جسد رياضي اسمر البشر لديه لحية خفيفة وشعر خفيف يبلغ من 36 عاما ً وكان من افضل الاصدقاء المقربين ل كارم... تحرك الجميع خلف كارم وعامر حتى وصلوا الى نفق يؤدي الى الاسفل وتابعوا السير داخله حتى وصلوا الى مكان اشبه بترسانة وهناك عند مياه البحر كانت ترسو السفينة والتي كلما اقتربوا منها خطوة زاد وضوحها وزادت دهشتهم اكثر حتى وصلوا امامها ماتيلدا بذهول : ما هذا عامر :لا مجرد الشرح مش هيكون كافي تعالوا ناخد جولة جواها واشرحلكم واحنا بنتفرج " اقدم لكم طفلتي حبيبتي واللي اسمها كارنسيان السفينة دي من احسن السفن في العالم في كل حاجة ونبدأ بالهيكل واللي مصنوع من الالياف الزجاجية المقواة بالكربون وده الل بيخليها قوية اكتر ووزنها أخف وتتحمل ضغط أعلى ومقاومتها للمياه كويسة وننتقل بقا للماتور واللي بيشتغل بالطاقة النووية النظيفة وده بيخلي السفينة اسرع بكتير من السفن العادية" وبعدها انتقل بهم الى غرفة التحكم والرئيسية والتي بمجرد دخولهم لها حتى ذهلوا من كم التطور بها ليتابع عامر قائلا " دي بقا غرفة التحكم الرئيسية واللي بيتحكم فيها الذكاء الاصطناعي وده اللي بيضمنلها أفضل نظام ملاحة في العالم وكمان فيها نظام متقدم للتحكم الذاتي واللي بيسمح ليها بالتنقل بشكل اكثر امان وفعالية من غير ما نحتاج لأي تدخل بشري " وتابع بهم السير داخل السفينة واردف " وبالنسبة بقا للسلامة وانظمة الامان ف أحب اقولكم ان السفينة مجهزة بافضل انظمة الامان في العالم ف هي مجهزة بافضل اجهزة للكشف المبكر عن المخاطر زي نظام الاستشعار الذكي والانذار المتقدم وكمان فيها انظمة للانقاذ علشان لو حد فيكم فكر يغرق او كده" فضحك الجميع وتابعوا التقدم خلف عامر والذي بدأ يعرض عليهم الغرف التي بالسفينة واردف قائلا " اما بقا بالنسبة للراحة والترفيه فمنستش الموضوع ده فالسفينة فيها صالة رياضية واجهزة بلايستيشن ومطعم مخصص ليها شغال برضه بالذكاء الاصطناعي وفيها برضه في كل غرفة زي ما انتم شايفين كده كل سبل الراحة من السراير المريحة للالوان اللي مش متعبة للعين وانظمة الاضاءة المختلفة واطلالة بانورامية على المحيط " ماتيلدا :هذا مذهل حقا!! عامر :ولسه فيه مفاجأة كمان تعالوا ورايا ونزلوا من سطح السفينة ليخرج عامر من جيبه ميدالية بها ازرار ويضغط على احد هذه الأزرار لتقوم السفينة باصدار صوت يصاحبه ظهور لشيء يشبه جدرانا تغلق سطح السفينة وتبدا السفينة بالنزول تحت المياه وينزل بهم عامر الى غرفة تحت هذا المخزن وينزلوا خلفه ليشاهدوا السفينة التي قد تحولت فعليا الى غواصة ووسط ذهولهم اردف عامر " نسيت اقولكم ان السفينة كمان بتتحول لغواصة ودي بقا ليها مواتير انسيابية شغالة برضه بالطاقة النووية النظيفة والمراوح اللي في نهاية المواتير دي هي اقوى مراوح في العالم وبيخدم بقا كل ده نظام من اقوى انظمة التبريد علشان يحافظ على سلامة المواتير والسفينة " وبعد صعودهم من الغرفة واعادة عامر السفينة الى هيئتها الطبيعية اردف زين بذهول :ايه كل ده ؟! ليقول عامر بفخر :دي نتيجة 8سنين من الشغل والمجهود والابحاث دي اعظم انجازاتي دي كده وبكل فخر حبيبتي كارانسيان كارم : انت مسميها علي اسم الجزيرة ؟؟ عامر : هي متصممه علي عشان تروح الجزيرة دي وبس كارم : و ميكاتريكس ؟؟ عامر : مهو ده الي هنكتشفو انا وانت **************** اللهم اني اسالك من فضلك ورحمتك فانه لا يملكها الا انت