كان اليوم يبدو هادئاً تماماً داخل الجسد، كل عضو مشغول بوظيفته كالمعتاد العقل يعالج الأفكار بتركيز القلب ينبض بإيقاع منتظم، والعين تتأمل العالم الخارجي في صمت. لكن كما يقولون، الهدوء الذي يسبق العاصفة.
فجأة، قطع القلب هذا السكون بنبضات قوية، وكأنه يُعلن عن حالة طوارئ. صرخ بصوت مسموع للجميع:
القلب:
- يا جماعة.محتاج اجتماع عاجل،الموضوع خطير جداً.
العقل، الذي كان يحاول تحليل جدول الأسبوع، تنهد وقال:
العقل:
- أيوه يا قلب؟ إيه الحكاية المرة دي؟ مش ناقصين دراما الصبح.
رد القلب بنبرة جادة للغاية:
القلب:
- أنا.... أنا عجبانى البنت ديه.
سادت لحظة من الصمت الثقيل. الأعضاء تبادلوا النظرات، وبينما كانت العين تحاول أن تستوعب ما سمعت،انفجرت ضاحكةً
العين :
- هى فعلا حلوة البنت ديه،بس انا شفتها قبلك اركن أنت على جنب
تذمر العقل غاضبا
العقل:
- ايه اللى بتقوله ده؟! انت فعلاً محتاج جلسة نفسية يا قلب.
تعجبت الاذُن مما سمعت وغلبتها الدهشه
الاذُن :
- أنا بعترض مينفعش اسمع الكلام ده، دى سفاهه.
تحرك اللسان وابتسم
اللسان :
- ياجماعه بدال ما نتخانق خلونا نعَرف القلب، والعين غلطهم بهدوء. مش ناقصه ذنوب هى.
جمع العقل تفكيره بهدوء
العقل :
- بصى ياعين. الغلط الأكبر منك الازم تسيطرى شويه لأن النظره الأولى ليكِ إنما التانية عليكِ ومش كل واحدة هتشوفيها هتركزى عليها وتشتاتينا معاكِ واه
شجعته الاذُن بحراره
الاذُن :
- شاطر ياعقل،هو كده الكلام.
وأنت ياقلب هو كل حاجه تشوفها العين،تشبط فيها بطل هبل بقىٰ.
-------------------النهايه---------
قال تعالى : " قل للمؤمنين يغضوا من أبصارهم ويحفظوا فروجهم" النور / 30 .
قال الإمام ابن كثير :
هذا أمر من الله تعالى لعباده المؤمنين، أن يغضوا أبصارهم عما حرم عليهم فلا ينظروا إلا إلى ما أباح لهم النظر إليه، وأن يغمضوا أبصارهم عن المحارم فإن اتفق أن وقع بصر على محرم من غير قصد فليصرف بصره عنه سريعاً.
-----------------------------
گ/ إلهام عمر
أتمنى لكم قراءه ممتعة،وسيسعدنى إبداء رأيكم ودعمكم بالتصويت ❤️🌹
استودعكم الله،دمتم بخير وسعادة سالمين 🌹
