قلــب ❤️ قبــل القـِراءة وشكرا _*عشقك ادمان*_ _بقلم_ _*~Hafsa~*_ *البارت 6* عند الدراري يالاه كانو داخلين وهو يوقفهم صوت رائد: دراري غير دخلو عندي شي بلانات نقضيهم ونولي عندك يوسف حرك ليه راسو بواخا ودخل حل الباب وبدا كايقلب عليها بعينيه حتى كايشوفها جالسة فصالة وفيديها التسبيح يوسف: مي حكيمة حكيمة هي مامات فهد مرأة زوينة لي واخا السنين لي دازو ماداوش منها والو وشعرها لكحل لي بدا كايشيبو فيه شي زغيبات لي زادوها غير الجمال وحتى لحمها البيض حكيمة: الله الله عليك اوليدي رما الساك ومشا عندها تحنا على ركابيه كايبوس فراحت يديها هادي قاعدة فيه كان كايديرها مع مو ولكن فاش ماتت لله يرحمها رباتو مي حكيمة وستاقبلاتو بحال ولدها لي من كرشها ولا فينما يدخل لدار يبوس ليها راحت يديها يوسف: ليك وحش الغالية مي حكيمة لي دموع خداو مهرب من عينيها: وتشوف انا العزيز طولتي عليا اوليدي وتوحشتك بزاف يوسف: ان شاء الله هاد الأخيرة اميمتي مي حكيمة: الله شحال توحشت نسمع ميمتي من عندك فهد:ياك اميمتي زعما انا مكاتسمعيهاش من عندي مي حكيمة بتاسمات وسط دموعها: اجي عندي المغيار اجي مشا عنقها تاهو وباس ليها راسها: لله يخاليك لينا اتاج الراس حكيمة: امين اوليدي. فين هو رائد مابانش لي معاكم فهد: غير خاليه اميمتي تي عارفة شكاين راه معذب حتى هو حكيمة: علاش يتقلق وانا هي مو معاندوش علاش يعذب فراسو مايبقاش يفكر فيها بزاف قولولو ينساها لله يرضي عليكم اوليداتي كاملين ويسهل عليكم فهد ويوسف: اميين حتى سمعو صوني ديال تيليفون دفهد جاوب عليه: شنو اجمي رائد: تبعوني نمشيو للبحر نبدلو الجو شوية وجيبو معاكم مي حكيمة تاهي فهد: ااه كاتغبر حتى كاتغبر وتجيب الأفكار مقو*دين حكيمة: احم احم شنو فهد: ههه والله الواليدة غير نسيت قاليك رائد تمشي معانا للبحر؟ حكيمة: ايااا وليدي دكشي لي ناقصني هههه غير البحر يوسف: هههه سيري طلقي عليهم زينك ضبري على زوج راسك حكيمة: ياك اوليداتي بغيتو تبيعوني ههه لا غير بصحة عيانة شوية حتال شي مرة أخرى يوسف: واش مريضة تمشي لسبيطار حكيمة: لا غير نعس نولي مزيان غير سيرو رائد فتليفون: واز*بي قولولي واش ماجين نشد ليكم شي بلاصة فهد: تسمعك حكيمة توريك شنهو الهضرة ههه غير شد شد شي قنت يكون مبعد على جوقة شوية رائد: تانا حداك لي حاط عليه العين غير اجي دغيا طلعو لبيتهم لبسو عليهم وهزو دكشي لي غادي يحتاجو وخرجو *نبدلو البلاصة ونرجعو شوية بالوقت لور* غاديين فطريق وطالعين أغاني وصلات أغنية موك يا موك هيبة: ناااري هاد الأغنية شحال زوينة عاد خرجات وذغيا طلعات فطوندونس روميساء: اه زوينة بزاف هيبة: ولكن واااحد البارتي فيها ياااسلام هاهي قربات توصل بدات هيبة كاتغني معاها شوية وصلات دك البارتي روميساء تحمسات ديال بصح وبدات تحير وهيبة كاتصفق وتصفر ليها 💃💃💃 موك يا موك ضراب الشيشان وصباح مناك موك يا موك تبع القرعة وصبح مناك موك يا موك تبع العزبة وصبح مناك موك يا موك هدا خويا وصبح مناك موك يا موك دخل الحمام وهو يتزلق حتى وصلو للبحر نزلو ومشاو كايقلبو على بلاصة كراوها قبالت البحر فصف اللول حطو الماطريال ديالهم هيبة بذات كاتجري: لي وصل أخير حمار ههههه روميساء وهي تابعاها كاتجري: لاااا غشييتي بديتي كاتجري قبل مني وصلات هيبة هي لولة دغيا ترمات باش ماتحسش بالبرد بزاف اما روميساء مع قاصت الما رجعات للور حيت بارد بزاف: لا لا بارد مانقدارش ندخل غير عومي نتي انا نشوف فيك هيبة كاتقرب منها فخطوات صغيرين وهي كاتهضر: اجي روميساء الما زوين غير اجي يالاه الفنون محساتش حتى بقات كاترش عليها هيبة الما وهي غير كاتغوت حتى تاهي دخلات الما وبدات كاتراش معاها وسط الضحك غافلين على دوك العينين لي حاضياهم اييه يالاتي سي يوسف وصل وهاضيها وكيفاش كاتلعب بالما والضحكة ديالها وكيفاش كاتحاول تعلم تعوم شاف هيبة خلاتها بوحدها ودخلات للغرق وهي بقات برا مع دراري صغار كاتلعب معاهم وتمشا جيهتها يوسف بقا مصدوم فالجمال ديالها والإبتسامة ديالها لاحظ عندها الغمازات لي زادوها رقة وجمال بغات تدور تمشي بحالا وهي تضرب فصدر ديال شي واحد بقات غير كاتمتم: اا اا اسمحلي مع علات عينيها وهي تشوفو ركزات الشوفة فعينيه السود من بعد حشمات من راسها ودغيا حبطات عينيها: سمحلي والله ماشفتك يوسف(شاف فيها وظرافات لي فيها وعرف أنها كاتحشم تشوف فشي واحد مكاتعرفوش) اه ماشي مشكل خلاها تدوز ماعاوداتهاش وراه دغيا طارت لبلاصتها تمنات الأرض تشق وتبلعها بقات مشات جلسات بلاصتها وهي تشوف شي واحد وقف عليها: الزين صافا روميساء مداتهاش فيه عاود هضر معاها: وهانتي على القوق مطلعنا ل vu شدليها وجهها ودورها عندو: واعطينا غير نمي... ماكملش الهضرة حتى كان طايح فالأرض يوسف: يازا*مل دبوك تقيصها يدك يتقطعو الدري: شا شاف والله ماكنت عارف ديالك نحلفك بلي عزيز عليا ماكنت عارف يوسف: قو*د منها حسن مانسيفطك كومة من هنا الدري معاودهاش وراه ديك ساع طار من حداه يوسف دار عند روميساء: نتي بيخير روميساء: اه شكرا ليك ماوقع والو شافت هيبة جايا عندها كاتجري عندها حيت كانت خارجة من الما وهي تشوق دك خونا وقف عليها هيبة: نتي بيخير ياك روميساء: اه صافي راه ماوقع والو هيبة دارت عند يوسف تشكرو حيت عارفاه هو لي ضرب دك الدري: شكرا اخويا يوسف: ماشي مشكل. ودار راجع عند دراري صحابو هيبة: صافي يالاه يالاه بحالاتنا اصلا الظلام غادي يطيح دبا شوية ناضو جمعو حوايجهم والماطريال ديالهم وتمشاو جيهت الطوموبيل حطو كلشي ديالهم وركبوا روميساء: اااااه نسييت معايطش لديك الحمقة هههه غادي تكون دايرة حالا هيبة: نعيطو ليها دبا شدات تيليفون ديالها وصونات عليها ابيل فيديو روميساء غير شافتها جاوبات: وافيين العوجة بخير ههه ياسمين: بعدي مني انا مخاصماك يالاه روميساء دلات شفتها التحتية: علااش شنو درت ياسمين: نهار كامل وانا كانساينك تعايطي ووالو دغيا نسيتيني روميساء: لااا هههه تنساك الموت نتي الحب وما أدراك ما الحب النعجة ياسمين: هههه تحاليك الفم ووليتي تقولي الكلام الزين روميساء: وشنو على هنا قليلين فالبلاد ولا ههه ياسمين: ههه لا لا حقااا عندي لييك خباار ناااضية روميساء: اما هي اتينا بيها ياسمين: غادي نجي ندوز واحد السيمانة معاكم ولكن حتال من بعد يوماين روميساء: حلفي حلفي ياسمين: وشنو نكذبو عليك حنا هنا روميساء: لا لا عارفاك ماتدبيش ياسمين: شوفي نخاليك سي محمد كايعيط ههه نمشي نشوف شنو بغاو مني روميساء: اه صافي سلمي عليهم كاملين ياسمين: اه صافي مبلغ قطعو على بعضياتم دازو دقايق حتى وصلو لدار طلعو ديك ساع دوشو وخرجو يقادو شي حاجة ياكلوها بحكم ان روميساء بلاصتها الكوزينة كاتفنن فيها قادات لي باط كايشاهيو بداو كاياكلو وكايهضرو *عند الدراري* يوسف حيد عينو من التليفون وشاف فرائد: العشير صوني على دراري نقصرو هاد اليلة رائد: هي اللولة اعشيري كيما ديما ياك يوسف: اه فهد: اليوما زااهية هه هبطو لجردة وجدو كلشي من المشروب حتال الماكلة والبلاصة لي غادي يجلسو فيها من بعد 10 دقايق جاو دراري ودنيا تخلطات غير الصداع والضحك والتصفار شعب ضارب الدنيا بركلة عند البنات يالاه كانو باغيين يدخلو ينعسو وهما يسمعو الصداع لي برا هيبة: بدينا عاوتاني تفووو هاذ الزمر كايجي بعجاجتو روميساء:شكون هذا لي بدا هيبة: دك الزمر ديال يوسف كايغبر حتى يغبر ويجي يصدعنا فراسنا هنا روميساء: هضرو معاه قولو ينقص من صوتو هيبة: هههههه ضحكتيني منيتك هدا لي دوا معاه يسايفطو لسبيطار كومة واحد النهار كانو العائلة مجموعين عندي هنا اوا صدعونا ولد خالتي بغا يدير فيها باتمان هبط عندو دوا معاه بشوية يوسف قالو شي كلام ماهواش اوا ولد خالتي تشجع وبغا يضربو حتى ولا هو لي مضروب ههههه كانتفكر دك النهار كانبقى نموت بضحك عليه روميساء: اويلي منيتك والقانون فين فهادشي راه مكايناش سيبة فالبلاد هيبة: البوليس حفات ليهم مع هاد الثلاثة شتي راهم حاكمينها هنا سيري سيري نعسي قبل مايجهاد الصوت يالاه تصبحي على خير روميساء تاهي بغات تدخل تنعس ولكن البيت ديالها كايطل عليهم والو واش قدرات تنعس روميساء: انهبط ندوي معاه انا مغاديش نضربو باش يضربني كيف ولد خالتها ديال هيبة انا غادي نهضر معاه بشوية اه صافي لبسات الكلاكيطا فرجلها وهبطت بحوايج ديال النعاس لي مكونين من شورت وتريكو ديالو فالغوز جات بحالا شي بنوتا صغيورة لقات دراري مجمعين ومابانش ليها يوسف وهي تحرك واحد الدري من ظهرو دار عندها الدري شاف فيها: نعام اختي روميساء: عفاك انا كانقلب على يوسف واش مكاينش هنا 👈👉 الدري: لا كاين انا نعيط لك عليه الشاااف واحد البنت كاتسول عليك يوسف ضار عندو وهو معصب حيت قاطعو على الهضرة ديالو لي فتيليفون ولكن غير شاف شكون تبلوكا: صافي صافي حتى نعيط ليك بلاتي مشا جيهتها: هانا شنو بغيتي روميساء: عفاك وخا نهضرو لهيه يوسف: اه واخا مشاو وبدات روميساء كاتهضر وتعبر بيديها: هاتينا بلاما تعصب ياك نفى ليها براسو وكملات: عفااا نقصو من الصوت غييير شوية قد هكا دارت فرق صغير مابين صباعها 🤏 غير نعس والله مانعاود نقول شي حاجة هضرو ولا لي بغيتو وعفا بلانا تعصب مني يوسف شاف فيها هاد الخلق نص مترو كيفاش قدرات تأتر عليه وتدخل ليه الخاطر سهى فيها وفحركاتها: هممم صافي غير طلعي نعسي ماغادي يصدعك حتى واحد روميساء: شكرااا بزااف وسمحليا حيت صدعتك تعلات على صباع رجليها وباستو فحنكو خلاتو مبلوكي من الحركة ديالها يوسف من بعد ما وعى علا راسو:يااالاه فرتكو عليا جوقة ولي عندو شي دار يقو*د ليها كلشي ناض بحالاتو حيت عارفين الا عاود الهضرة غادي يمشيو نيشان لسبيطار وهو طلع لبيتو تكا على الناموسية وحط يديه على البلاصة لي باستو فيها وبتاسم: أشنو درتي ليا القصيورة. ونعس. يتبع...