قلــب ❤️ قبــل القـِراءة وشكرا _*عشقك ادمان*_ _بقلم_ _*~Hafsa~*_ *البارت2* يالاه بغات تدوي روميساء وهما يدورو بجوج على صوت الباب لي تحل تصدمو ماعرفو مايقولو روميساء: حنا شوفي ما... ماشي دكشي لي فبالك مغاديش نه... قبل ماتكمل جداتها قاطعاتها: بالعكس ابنيتي بالعكس اوريدتي هربي هربي حسن ماتزوجي بداك العوج لي غادي يجي ليك مابغيتش نخرسك ابنيتي روميساء: ولكن احنا تي عارفة با ساخط عليا وانا حداه بلاما نزيد سخط ديال الهروب عاوتاني ياسمين: شوفي شوفي فيا مزياان خليني ندوي وماتقاطعينيش شنو زعما الا زوجتي غادي تهربي من الحبس لي نتي عايشة فيه(عينيها بداو يدمعو وصوتها رقاق بسباب البكا) لاا اختي لا غادي يزيدوك ماكتر غادي يزيد يمرضك فحياتك عفاك اروميساء هربي اختي هربي عنقاتها وبداو يبكيو بجوج جات زهور (جدات روميساء) صافي ابيناتي صافي براكة عليكم من البكا مسحات دموعها وشدات فوجه روميساء: شنو قولتي اوريدتي غادي تهربي ياك روميساء:(مزال كاتنخصص) حنا ما مابغيتش نهرب عفاك هااء صاا صافي عفاكم خرجو بغيت نعس هاااء تكات فبلاصتها ولو ولوخرين خرجو وخلاوها بوحدها رميساء غير شافتهم خرجو بدات بالبكا كيكادير كل ليلة من باها لي حاقد عليها ومها لي معمرها حطاتها شوية من حنانها ولا خوها لي ماعمرو مكان سند ليها ولا دافع عليها من غير جداها وطبعا صاحبتها لي كتر من ختها نعسات ودموع شلال من عينيها وديك التخصيصة مزالا كاتسمع في البيت لي كاتعبر على معاناتها فصباح مع دك 6 ديال الصباح فاقت قبل كلشي كي ديما باش توجد الفطور وتحط ليهم وتغسل المواعن تاع لبارح كانت كاتطيب المسمن حتى كاتسمع دك الصوت لي كرهاتو وولات كاتعيفو صوت الشخص لي بغاتو يكون سند ليها ولكن فأول كذبة طاحت عليها ماتاقش بيها صوت خوها عماد: ختي لباس عليك روميساء مابغاتش تجاوبو ولا دور جيهتو گاع كملات المسمن بحالا مكاينش هو حداها عماد تحسر على الحالة لي وصل ليها مع ختو وخرج من الكوزينة ومن الدار كاملة روميساء رجعات لنظرت البرود لي كانت عندها وكلمة وحدة كادور فعقلها "كايستاهل" "كايستاهل" سالات التوجاد وبدات كاتحط طابلة ديال الفطور دخلات لصالة فين اتحط لفطور لقات باها جالس تماك مداتهاش فيه حطات دكشي لي كانت هازاه فيديها وتمات راجعة حتى كاتسمع صوت باها:(شاف فيها وهضر بصوت مافيه رحمة بحالل هاديك ماشي بنتو) سيري وجدي راسك ولد عمك وعائلتو جايين ليوما باش يخطبوك وغادي نديرو الأكط فنفس النهار وسيري مع راجلك دك ساع روميساء عيني تحجرو بالبكا ودوات بصوت باين فيه ديال واحد غادي يبدا يبكي: و وخا ابا ومشات لبيتها بخطوات مزروبين قبل مايطيحو دموعها شافتها حناها ومشات تبعاتها كتجري دخلات وراها وسدات الباب: مالك اكبيدتي روميساء علات فيها عينيها السود الدامعين ودوات بصوت باكي:بغاو يزوجوني لولد عمي احنا هاااء واش هذاك هاااء صا صالح لزواج ااا زهور: عفا ابنيتي لما هربي راه عمك مصطفى يديك انا دويت معاه(مصطفى هو باين ياسمين) دخلات ياسمين من بعد مادقات الباب وجات سمعات غير الهضرة الأخيرة ديال الهروب: عفاك أخيتي لما هربي حنا نعاونوك روميساء(مسحات دموعها وعلات عينيها فيهم ورموشها فازكين فدموع) وهانا بغيت نهرب كيفاش غادي ندير وحتى عندمن غادي نمشي ياسمين: نتي قولي اه بغيت نهرب ولي باقي عليا غير وافقي نتي روميساء شافت فحنها ودارت جيهت ياسمين: موافقة صافي ياسمين: واخيييرا بغيتي كانواعدك مغاديش تندمي على هاد القرار روميساء: ودبا كيفاش غادي نديرو ياسمين:(....) يتبع الزينات ماتبخلوش علينا بشي قلب وتفاعلو ماشي تقراو وتمشيو بصمت باش تشجعوني نكمل ونعرف واش كاين القراء لي كايقراو ولا والو. البارت الجاي أحداث مغاااايرة غادي تقلب الموازين.* *شنو باليكم تقدر تكون الخطة ديال ياسمين وفنظركم واش غادي تنجح ولا لا؟