في مطبخ الاستراحة، كان الدور على «فاليريا» اليوم لتجهيز الطعام برفقة «إيثان» و«كلوي».
بدأت «كلوي» بغسل الخضار لتأخذه «فاليريا» وتقطعه، وبدأتا في إعداد الفطور. سرعان ما انضم إليهما «إيثان» لليشارك في تجهيز الوجبات، ودار بينهم حديث قصير:
ـ "ضيف بصل أخضر هيبقي طعمه أحلى."
كان التفاهم واضحًا بين الثلاثة. بدأت «كلوي» برصّ الأطباق على الطاولة، وأخذ بقية المتسابقين يساعدونها شيئًا فشيئًا.
وبالصدفة، جلس «إيثان» بجانب «فاليريا»، ثم وضع قربها كوب عصير... كان الموقف يبدو أمام «روكسان» وكأنه اهتمام بـ«فاليريا»، لكنه لم يكن سوى خدعة ليغطي بها على اهتمامه بـ«روكسان». كانت «فاليريا» تعرف ذلك جيدًا، خاصة أنها حضرت كل مواقفهم المحرجة بالصدفة.
عند حوض الغسيل، وبينما الجميع يجمعون الأطباق، وقف «إيثان» ليغسلها. اقتربت منه «فاليريا» وقالت:
ـ "انت كدا خلصت نصيبك، أنا اللي عليا الدور."
ـ "لا خلاص، قربت أخلص."
وقفت بجانبه وجعلته يتزحزح ببطء وهي تضيف:
ـ "بحب ألتزم بمهامي."
ثم أكملت غسيل الأطباق دون أي كلمة أخرى.
بعد فترة وجيزة، ارتفع صوت المذيع يعلن أن اليوم سيبدأ بالتحديات.
تجمع الجميع على الشاطئ، وكان هناك صندوق يحتوي على كرات ملونة؛ المبدأ أن كل شخصين يختاران اللون نفسه يشكلان فريقًا.
بدأ الجميع بالسحب:
* **روكسان، إيثان، ولوكاس** في فريق واحد.
* **إيميلي وجوليان** فريق.
* **ماثيو وكلوي** فريق.
* **سيلين ودييجو** فريق.
أما «فاليريا»، فقد سحبت كرة فضية، وكان معناها: **الاستبعاد**.
أول ما نظرت للكرة فرحت وتمتمت لنفسها:
ـ "أحلى حاجة حصلت، التحديات دي عايزة نفس وأنا أكسل من كده."
نظر إليها «ماثيو» وقال ضاحكًا:
ـ "عبقرينو... أنا عارف إنك سعيدة دلوقت، المرة الجاية هحاول أكون معاكي."
ردت عليه «فاليريا» بابتسامة:
ـ "اخرج انت منها بس!"
بدأت التحديات، وجلست «فاليريا» على الرمال تتفرج عليهم وتراقب كل واحد فيهم وكأنها تدرسهم وتذاكرهم. كانت «روكسان» لا تتوقف عن لوم «إيثان» على أي حركة، معتبرة أنه السبب في خسارتهم.
انتهى التحدي الأول بفوز **ماثيو وكلوي**.
بدأ التحدي الثاني، وتقرر أن تختار «فاليريا» الكرة أولاً، هي وفريق «إيثان وركسان ولوكاس». لكن المفاجأة أنها اختارت الكرة الفضية مجددًا!
ضحكت «فاليريا» وقالت:
ـ "الحظ في صفي اليوم!"
لكن إدارة البرنامج عملت استثناءً لها وجعلوها تختار كرة أخرى. وبعدما اختار الجميع، وقع الاختيار على أن تكون **فاليريا وإيثان** في فريق واحد.
كان التحدي عبارة عن ثنائي يمسكان بالونة بينهما وكأنهما يتعانقان، ويحاولان فرقعتها. كان هناك 5 بالونات في كل جولة.
بدأ الجميع التحدي، لكن عين «جوليان» كانت على «سيلين»، وبدأت تظهر عليه علامات الضيق كلما رآها تقترب من «دييجو».
أما «فاليريا»، فقد همست لـ«إيثان»:
ـ "خلي البالونة ناحية البطن أو الصدر وتحرك في اتجاه عكسي، هيسهل فرقعتها."
وفعلاً، بدأ يفرقعان البالونات بمهارة.
بعد انتهاء التحدي، حقق **ماثيو وكلوي** المركز الأول مجددًا؛ إذ استطاعا فرقعة كل البالونات. وكانت جائزتهما الخروج في موعد خارج الجزيرة لأنهما حققا المركز الأول مرتين متتاليتين.
بعد فترة، أعلن صوت الميكروفون عن فترة استراحة متاح فيها لأي شخص تفصيل ما يشاء، على أن تكون هناك حفلة شواء وتحديات مقدمة من البرنامج في المساء.
تفرق الجميع، وقررت «فاليريا» أن تتمشى في الاتجاه الذي وجدت فيه زهور الأقحوان، وجلست هناك وسطها.
كان «إيثان» يتابعها بنظراته. وبعد أن قضت بعض الوقت بمفردها، اقترب منها وقال:
ـ "ممكن أقعد هنا شويه؟"
رفعت «فاليريا» رأسها:
ـ "اتفضل."
جلس «إيثان» بجانبها هادئًا لفترة، ثم قال:
ـ "أنا آسف."
عدلت «فاليريا» نظارتها بيدها باستغراب، وقبل أن تنطق بالحرف، قاطعها «إيثان»:
ـ "أنا عارف إنك فهمتي الصبح اللي عملته وافتكرتي إني بستغلك علشان اعرف أهتم بروكسان، بس كنت عارف إنك هتساعديني خصوصًا إنك دايما بتشوفي كل أوقاتي المحرجة معاها."
ردت «فاليريا»:
ـ "مفيش داعي للإعتذار، تقدر تعمل دا بكل راحة ومن غير ما تخاف إن حد يلاحظ... في الآخر دا الهدف من قدومنا البرنامج."
سكت «إيثان»، ونظر إلى الأرض، ثم شكرها.
حلّ الليل، وتجمع الجميع حول النار والمشاوي. تولى الشباب إعداد الطعام وتركوا البنات ليسترحن.
كان التحدي في هذه الليلة عبارة عن صندوق يسحب منه كل شخص كارتًا وينفذ المهمة المكتوبة فيه.
* **لوكاس** كان أول من سحب كارتًا، وكان مكتوبًا فيه: *«أهمس في أذن الفتاة التي تستلطفها في التجمع»*.
وكان يجلس بجانب «روكسان»، فهمس لها: "ممكن نخرج في موعد سوا؟"
ضحكت «روكسان» بدلع وقالت: "موافقة!"
مرت الأحداث على «إيثان» وهو يراقب «روكسان» بصمت، وقلبه مشتعل بالغضب.
* **سحبت فاليريا كارتًا:** *«اختار شخص من القعدة ووجه ليه نصيحة»*.
نظرت «فاليريا» باتجاه «إيثان» وقالت:
ـ "الجرّاح الشاطر لما بيلاقي عضو ميت ومفيش منه أمل، بيستأصله عشان يحمي باقي الجسم إنه ينزف. أوقات محاولة إنقاذ حاجة انتهت خلاص بتكون هي السبب في أذيتنا.. سيب اللي عايز يمشي يمشي، ووفر طاقتك لنفسك وللي هيقدر وجودك بجد."
ساد الصمت لفترة بعد كلامها.
* **قاطعهم دييجو قائلاً:** "أنا هسحب الكارت!"
قَرَأ المهمة: *«اختار شخص يعمل معاك 20 تمرين ضغط ولو حد خسر فيكوا هتتعاقبوا انتوا الاتنين»*.
نظر إلى «إيميلي»: "مفيش غيرك هينقذنا في الموقف الطارئ دا!"
ضحك الجميع، ونفذا التمارين وسط تصفيق الحضور.
* **جاء الدور على سيلين لتسحب الكارت:** *«اكتبي بيت شعر أو جملة غزل للشخص على يمينك»*.
كان «جوليان» هو الجالس على يمينها، فقالت بخجل:
ـ "بعض الأشخاص حضورهم بيشبه الهدوء اللي بعد المطر.. بيطمنك من غير ما يتكلم."
* **جاء الدور على روكسان:** وسحبت البطاقة: *«اختار شخص تقعد جنبه 10 دقايق»*.
قامت وبمكر واختارت أن تجلس بجانب «جوليان»، فانصدم الجميع. نظرت البنات لبعضهن وفهمن أنها تحاول جذب الانتباه حولها، خاصة بعد أن ظهر الإعجاب المتبادل بين «سيلين» و«جوليان».
### **أسئلة وصراحة**
سحبت «فاليريا» بطاقة جديدة... فتحتها، ثم اتسعت عيناها:
*«اختار شخص واسأله أي سؤال... وممنوع يرفض»*.
نظرت للكارت، ثم نظرت للجميع، وساد الصمت.
ـ فاليريا: "هو... ينفع أسأل سؤال عادي جدًا؟"
ضحكوا، وقال دييجو: "إنتي خايفة من السؤال أكتر من اللي هيتسأل!"
ابتسمت بخجل، ثم نظرت إلى «جوليان»:
ـ فاليريا: "إيه أكتر قضية أثرت فيك؟"
ابتسم «جوليان» باحترام وقال:
ـ "دي أطول إجابة في الدنيا... بس هحكيهالك يوم تاني."
مد «لوكاس» يده وسحب بطاقة، وقرأها بصوت عالٍ:
*«اسأل أي متسابق سؤال شخصي، ولازم يجاوب بصراحة»*.
نظر حوله قُليلاً، ثم ابتسم وقال: "فاليريا."
رفعت «فاليريا» رأسها باستغراب.
ـ لوكاس: "إيه أكتر حاجة بتخليكي تبعدي عن الناس بسرعة؟"
سكتت ثانيتين ثم أجابت:
ـ فاليريا: "لما حد يحكم عليا قبل ما يعرفني."
ساد هدوء بسيط، فقالت سيلين: "إجابة صريحة."
سحبت «إيميلي» بطاقة: *«اختار شخص تمدحه بصدق»*.
نظرت إلى «دييجو» وقالت: "أنت طاقتك إيجابية جدًا... ومن أول يوم بتحاول تدخل البهجة لأي مكان."
ابتسم دييجو: "شكرًا... أول مرة حد يمدحني غير الكوتش!" فضحك الجميع.
سحب ماثيو بطاقة «تحدي»: *«اختار شخص من الموجودين، واتكلم عنه لمدة دقيقة من غير ما تذكر شكله»*.
ابتسم ونظر إلى «فاليريا»:
ـ "هادية... ذكية... بتسمع أكتر ما بتتكلم... وعندها فضول يخلي أي حوار ممتع."
انحرجت «فاليريا» وتوردت وجنتاها.
بعد لحظات، انتبه الجميع لصوت الميكروفون والمذيعة «جيسيكا»:
🎙️ **جيسيكا:** "في تحدي جديد بناءً على طلب الجمهور بالبث المباشر، الشخصية اللي هتحصل على أكبر عدد أصوات هتتسأل أسئلة زيادة... وبدأ العد التنازلي لعرض الأصوات: 5... 4... 3... 2... 1... **فاليرياااااا!**"
ضحك «مايكل»: "كنت متوقع التصويت دا، الكل حابب يستكشف فاليريا... مستعدة يا فاليريا؟"
ـ فاليريا: "أكيد."
🎙️ **مايكل:** "بتظهر أكتر أسئلة انطلبت في التعليقات:"
1. **السؤال الأول:** "ليه دايمًا لابسة النظارة رغم إنك ساعات مش محتاجاها؟"
* **فاليريا (تضحك):** "بحس إنها جزء مني... يمكن اتعودت عليها."
2. **السؤال الثاني:** "لو خيروكي بين الحب والنجاح، هتختاري إيه؟"
* **فاليريا:** "النجاح... لأن الحب الحقيقي مش هيضيع لو جه في وقته."
3. **السؤال الثالث:** "مين أكتر شخص محتاج فرصة يعرفوه الناس بعيد عن الانطباع الأول؟"
* **فاليريا:** "روكسانا." *(استغرب الجميع وتساءلوا: روكسانا؟!)*
* **فاليريا (بابتسامة صغيرة):** "أيوه... الناس شايفاها سطحية، بس أعتقد إن فيه جانب محدش شافه."
4. **السؤال الرابع:** "لو رجع بيكي الزمن، إيه الحاجة اللي كنتي هتغيريها في نفسك؟"
* **فاليريا:** "كنت هتعلم إني ما أخافش أظهر نفسي للناس."
5. **السؤال الخامس:** "مين أكتر شخص في الجزيرة فاجأك؟"
* **فاليريا:** "ماثيو." *(نظر الجميع إليها وتساءلوا: ليه؟)*
* **فاليريا:** "لأني كنت متوقعة إنه هيكون شخص عملي جداً بسبب شغله، لكن اكتشفت إنه عنده جانب مرح."
6. **السؤال السادس:** "لو اضطررتي تختاري شخص في الجزيرة يساعدك في موقف صعب، تختاري مين؟"
* **فاليريا (تفكر قليلاً):** "جوليان." *(استغرب الجميع وتساءلوا: ليه؟)*
* **فاليريا:** "لأنه شخص هادي وبيفكر قبل ما يتصرف. النوع اللي تحسي إنه مش هيزيد المشكلة تعقيد."
7. **السؤال السابع:** "قولي سر صغير عن نفسك محدش يعرفه."
* **فاليريا:** "أنا بخاف من الأماكن العالية."
8. **السؤال الثامن:** "اخلعي النظارة لمدة خمس دقايق وخلي الناس تشوف تعبيرات وشك."
* **فاليريا:** "ده تحدي أصعب من أي تحدي تاني!" *(تضحك البنات)*، لكنها تنفذه، والجميع يلاحظ أنها أكثر راحة مما توقعوا.
9. **السؤال التاسع:** "اختاري شخص يختار لكِ ستايل مختلف عن المعتاد."
* **فاليريا تختار كلوي.** اختارت لها كلوي تسريحة مختلفة بدون الغرة، فتتوتر فاليريا لكنها توافق.
10. **السؤال العاشر:** "اختاري شخص في الجزيرة وقولي له حاجة حلوة عنه."
* **فاليريا تختار إيميلي:** "إنتِ قوية، بس الجميل إن قوتك مش بتخليكي قاسية."
* **السؤال الأخير:** "فاليريا... لو لازم تختاري دلوقتي واحد من الشباب تقضي معاه يوم كامل، هتختاري مين؟ وليه؟"
* **ترد فاليريا بعد تفكير:** "هممم... أختاروا انتوا!"
* **جيسيكا:** "وبكدا انتهت معانا الأسئلة، واستمتعوا بوجبتكم يا شباب وبتعليقات البث المباشر اللي هتظهر على الشاشة دلوقت... ونلتقي غدًا."
بعد آخر تحدي، قال «لوكاس»:
ـ "بما إننا عرفنا أسرار بعض... مين يقدر يثبت إنه أكتر شخص طبيعي هنا؟"
بدأ الجميع بالضحك، ثم قرروا التقاط صورة جماعية. وقفت «فاليريا» في الطرف بعيداً كعادتها، لكن «سيلين» و«كلوي» سحبتاها:
ـ سيلين وكلوي: "لا يا فاليريا، النهاردة مفيش اختباء!"
ـ فاليريا: "حتى في الصور؟"
ـ سيلين: "خصوصاً في الصور!"
وقفت بينهما، والْتُقِطت أول صورة لها وهي مبتسمة وسط المجموعة.
### **غرفة التحكم**
🎙️ **جيسيكا:**
> "من أول يوم دخلت فيه فاليريا الجزيرة وهي بتحط مسافة بينها وبين الجميع... لكن النهاردة شفنا جانب مختلف منها. يمكن هي لم تتغير، لكن يمكن لأول مرة سمحت للناس يشوفوا حقيقتها."
>
🎙️ **مايكل:**
> "والسؤال اللي هيشغل الجمهور الليلة... هل فاليريا وجدت أصدقاء حقيقيين هنا؟ ولا الجزيرة لسه مخبية لها مفاجآت؟ لأن واضح إن وجودها بدأ يأثر على كل اللي حواليها."
>
🎙️ **جيسيكا:**
> "أما باقي المتسابقين... فالعلاقات بدأت تتغير. مشاعر تظهر، منافسات تبدأ، وأسرار جديدة خرجت للنور. لكن السؤال الأهم... من سيكون قادرًا على البقاء حتى النهاية؟"
>
🎙️ **مايكل:**
> "لا تنسوا... غدًا تحديات جديدة، وقرارات قد تقلب كل شيء. تصبحون على خير من الجزيرة."
>
### **تعليقات البث المباشر**
* **@Basma:**
فاليريا: "أنا أكره التحديات"
| البرنامج: خدي 10 أسئلة وتحديات زيادة 😂😂
* **@Omar:**
فاليريا دخلت البرنامج عشان تهرب من الناس، البرنامج قرر يخلي كل الناس تعرف أسرارها 😂
* **@Hussein:**
إيثان طول الحلقة: أنا بهتم بروكسانا. | فاليريا: عارفين يا جماعة من أول يوم 🤨😂
* **@Aya:**
جوليان محتاج حد يقوله يبطل يبص لسيلين كأنه في فيلم رومانسي 😂
* **@Salma:**
لوكاس وهو بيحاول يعمل نفسه مش مهتم بعد ما روكسانا وافقت على الموعد 🤣 واضح جدًا.
* **@Roro:**
لما قالت "اختاروا انتوا" على سؤال مين تختار تقضي معاه يوم كامل... دي فاليريا 100% 😂 تهربت بطريقة ذكية.
* **@Ali:**
روكسانا وهي بتختار تقعد جنب جوليان؟ أوووف 😂😂 واضح إنها بتحب تكون محور الاهتمام.
* **@Rami:**
إيثان واضح إنه بيحب روكسانا بس طريقته غريبة 😂 الولد عامل نفسه بيهتم بالكل وهو أصلاً عينه عليها.
* **@Luna_Star:**
أنا مش قادرة أتخطى إن فاليريا قالت روكسانا أكتر شخص محتاج الناس تعرفه بعيد عن الانطباع الأول 😭✨ البنت دي ذكية بشكل يخوف.
* **@emma:**
استنوا... هي فاليريا جميلة بالشكل ده؟! 😳
