زياد في المؤتمر المندوب خلاه يلقي كلمه
زياد: أنا بشكر شريكي وصاحب عمري الأنه ديما معايا ووقف جمبي وعايزه أقول الأي حد نفسه يوقعني يبقي نجوم السما أقربلك
زياد خلص ونزل من علي الإستاتش
إكرم بحقد: ألف مبروك يا زياد الحديدي وصدقني دي هتكون أخر مناقصة تكسبها
زياد: الله يبارك فيك ، وأنت لسه حسابك مخلصش معايا وهعرفك إزاي تسرق ورق من شركتي وإللي أنت كنت مشغله جاسوس في شركتي مرمي زي الكلب في المخزن وهعلمهولك الأدب ، وأه صحيح يبقي خلي بالك من أسهم شركتك الأنها خلاص هتبقي في الأرض حظ أوفر يا أكرم السيوفي
أكرم بغل: أنا هموتك وهخلص منك إستني عليا
قال كده في سره وساب زياد ومشي
عمر: إيه ياباشا ده إنتي وقعت أسهم شركة السيوفي
زياد : دي قرصة ودن بس علي إللي عمله
سيبك منه عملت إيه في موضوع البنت
عمر: الورق هيكون عندك في الفيله بليل
زياد : طيب يلا نروح الشركة علشان في شغل عايز يخلص
عمر: يلا
عند ملاك وصلت الشركة وبتسأل علي الكافيه إللي شغال فيه باباها وبتسأل واحده من الموظفين
ملاك: لو سمحتي هو فين الكافيه بتاع الشركة
الموظفة: عايزه مين
ملاك: بابا شغال فيه وأنا عايزه أقابله
الموظفة: انتي بنت عم أحمد
ملاك: أيوه
الموظفة: اه تمام الكافية في الدور التالت
ملاك: شكراً
الموظفة: العفو
عند زياد وصل الشركة وعمر راح قسم الحسابات علشان يراجع بعض الاوراق
زياد وهو واقف مستني الأسانسير الأن مكتبه في الدور الخامس لقي بنت واقفه جمبيه بس مشفش وشها والأسانسير فتح ولقي البنت دخلت فيه وكان هيهزأها بس سكت الأن الأسانسير ده خاص بمكتب المدير بس ومحدش في الشركة بيطلع بيه إلا هوا
زياد وملاك ركبوا الأسانسير وفجأة.......
