ملاك: راجعه من المدرسة ماما إنا خلاص سقطت من الجوع الاكل هيجهز امتي
فريدة: إنتي يا بت علي طول كده مسروعه علي الاكل طيب حتي قولي سلام عليكم
ملاك:في إيه يا ماما إنا جاية شقيانه من المدرسة وعايزة أكل ديما كده بصالي في أكلي
فريدة: اه يا قليلة الادب انتي، بقا إنا بصالك في أكلك انتي مهما تكلي عامله زي ابو اردان هبصلك علي ايه امشي يلا غيري هدومك واغسلي وشك لحد ما أجهز الاكل واتصل علي ابوكي علشان يجي يتغدي معانا
ملاك : حاضر بس بسرعه علشان هموت من الجوع يا جدعان
فريدة: طول عمرك مفجوعة
ملاك:ها يا ماما الاكل جهز
فريدة: ايوه يا حبيبتي يا كلي
ملاك: امال فين بابا
فريدة: اتصلت عليه قالي مش هيقدر يجي
ملاك: تمام
(بقلم :ملك شريف)
في الشركة عند البطل
زياد: يعني إيه يا عمر مش عارف الورق راح فين قاعد إنت كيس جوافة في الشركة
عمر: يا زياد الورق كان عندك هنا في المكتب ومحدش بيدخل إلا إنا وإنت والسكرتير هيكون مين إللي خده وكمان محدش بيقدر يخش مكتبك الا بالكارت وده بيبقي معاك ومع السكرتير
زياد: إنا اصلا شاكك في السكرتير ده ومش مطمنله وكنت باعت شخص يراقبه بس لسه مجبليش معلومات.
عمر: طيب ما تشوف الكاميرات
زياد بغيظ: يا بني إنت غبي وهو أنا هقعد لحد دلوقتي ومش هشوفها وبعدين الورق ده بتاع مناقصة بابا ولو إتسرق زي ما أنا متوقع بابا هيخسر كتير ودول كانوا أمانه معايا
عمر: متقلقش هنلقيهم
زياد: إن شاء الله
عمر: إنا ماشي ورايا معاد
زياد: طيب يبقي قول لعم أحمد يعملي فنجان قهوة
عمر: ماشي يلا سلام
زياد :سلام و متقعدش لحد نص الليل علشان عايزك في موضوع
عمر :طيب
عم احمد: فنجان القهوة اللي طلبته يا بيه
زياد: هاته يعم أحمد و إتفضل إنت
عم احمد: تؤمر بحاجه تاني يا بيه
زياد: لا
أكيد عرفتوا مين عم أحمد بالظبط أبو البطله وهو شغال في شركة زياد لأن زياد كان شغال مع أبوه بوه بعد متخرج ولكن عمل شركه تصدير خاصة بيه ونجحت جدآ ودلوقتي شغال فيها وده ميمنعش انو يساعد باباه في شركته
