بداية نبض...

البارت ١ صل على النبي محمد..♡ ابو محمد :نادوا جميلة الاخوان فرحوا لأنهم بيتقاضون منها جميله جت على مناداة أحمد لها ابو محمد:جميله..وش سويتي من مصيبه اليوم جميله باحترام لابيها باست راسه وقهوته وهي تقول: يبه مو كل من قال العلم بالأول هو الصحيح ابو محمد:ايه..وانا انتظر منش الرد جميله:انا ما كسرت لك كلمه ولا بكسر  بس الرخوم لهم تربيه جديده وإن ما فاد فالعصا مديده و اما انا ما سويت إلا اللي علي وراحت ابو محمد بغضب:وش سويتوا انت وياه محمد:يبه ما سوينا شي بس انا وعبدالرقيب كنا فالسوق وبنت كانت تسألنا وين المحل الفلاني وحنا ردينا عليها وهي تحسب ان احنا نتكلم معها وهاوشتنا وكل السوق شافونا وانفضحنا عبد الرقيب سكت من كذبة اخوه.. ابو محمد:تستاهلون جميله ما تعصب عبث والمصروف ما به والسياره حركة شعره من البيت عصاي تتمحط في ظهرك راحوا وهم معصبين. من جميله اللي متحكمه فيهم راح محمد ونتف زهور جميله وكسر اغصانها وراح برا البيت للوادي جميله نزلت بسطل المويه واحمد وراها يراقبها جميله شافت زهورها وانقهرت راحت وخرجت وشافت سيارة محمد نسمت الكفر وكسرت الزجاج وبردت كبدها ... ورجعت عند امها اللي تعجن للغدا جميله تبوس خد امها وقالت:يمه ..زهوري خربت اظن الغنم اكلوها مرة ثانيه كيف تزينينها الام  تشرح لها كيف تسوي وهي تنوم ابنها الصغير يحيى بيد وبيدها الثانيه تعجن . . . محمد وهو يكلم عبد الرقيب:تظن إنها بتوافق؟ عبد الرقيب:ايوه..بس عجل ترا اللي تسويه حرام محمد:خلاص بخطبها وبقول لأمي جاء  سعود ابن خالهم سلم عليهم وجلس جنبهم عبد الرقيب: ايه صدق ابوي قال انك تصلح الماصوره قبل امس انكسرت ما قدرنا نصلحها وابوي جاب عامل من المدينه ولا قدر يصلحها وقال ما يصلحها إلا سعود سعود:تم بجي بكره بس وينهي فيه محمد: بالكراج احمد جا بسرعه. احمد:ابوي قال تعالوا للغدا محمد:الحمدالله انه تذكرنا سعود:ليه؟ عبد الرقيب:....ضحكه...جميله. محمد:يالله ياسعود معنا سعود: تسلم موعدنا بكرة وراحوا محمد دخل البيت وشاف سيارته بغا يموت فوق انه ما يقدر يروح بها كسرتها محمد بصراخ:جميله!!! جميله وهي تفرش السفره في المجلس للأكل قدام ابوها اللي يسمع الراديو وامها اللي تجيب الاكل والخبز.... ابو محمد سمع صوت محمد ابو محمد:وش سويتي يا جميله؟ جميله بحب وفرح ولذة الانتقام:بس رديت الامانه لأصحابها... ابو محمد ضحك وعرف انها كسرت سيارته دخل محمد بعصبيه يبي يمسك جميله ... ابو محمد:جميله بحميتي إذا مسيتها مسيتني محمد بقهر:يبه كسرت سيارتي والله اكسر راسش راس البقره ذا جميله بإبتسامه:والي يكسر الزهور ماله مفر من اشواكها .....وشدت على آخر كلمه عبدالرقيب دخل وشاف الاكل تربع يبي ياكل بس وقفته امه تقوله:غسل يدك وبعدين اكل والله إن ما جلستوا انت وياها ترا المخزن يحتريكم تنظفونه هذا الكلام لاثنينكم جميله بتودد:يمه حبيبتي انا اليوم مسخنه عسيني...وشالت يد امها وحطتها على جبينها ام محمد:مافيك الا العافية ابو محمد :تغدوا لانتوا باتتغدوا سكتوا وتغدوا بس الغدا ما كان خالي من عباطة احمد وحركاته بعد الغدا جميله وهي ماسكه المكنسه ومتلثمه ولا بسه أسوء لبس لها محمد اللي كان لابس ثوب مهترئ ومعه مكنسه واللي تبعد التراب وبدأو يخرجون كل اللي في المخزن وجميله تكنس وبعد ما كملت رحت تجيب كراتين جديده وعلب وقلم وتحط حق السيارات بمكان والسباكة بمكان والكهرباء بمكان..... محمد:حسبي ..يكح...على من كان السبب جميله بداخلها:أحسن ...يمال الاردى جميله:صحه ... محمد:فيش... جميله ضحكت وش (فيش)شدخل مسكت بيدها زراديه وهي تقول:يبغا لعقلك حجز زياده شكله مترخي محمد بفشله:اسكتي... وبدأت السوالف وكملوا ترتيب وجو يقيمون الترتيب ابو محمد:حلوه فكرة الكتابه جميله بكسرة خاطر:فكرتي ..بس محمد اللي كتب محمد عصب وراح الام:تقوون.. جميلة:الله يقويش.. احمد:ليه ما تخرجون هاذي بالكرا... جميله: يا تحطها انت يا تسكت ابو محمد:يالله تروش ما باقي على الأذان إلا دقايق إعجل..... يكلم محمد اللي جالس بالمجلس راحوا كل واحد منهم يتروش خرج محمد من الحمام بعد ما كمل يتروش وعاد جميلة ما كملت محمد:انتي تسكنين مع الجن والا ايش جميله:..... في الحمام ابو محمد ينادي من نازل محمد:طيب يبه... راحوا يصلوا وارجعوا... ريحة حراق دخل محمد المطبخ ويشوف جميله تخبي شي وراها ... محمد:رويني جميله خرجت الضغاط  اللي فيه كيكه مطبوخه وحطت صحن وقلبته عليه وكان لونها أحمر حلو وقلبتها ولونها طلع من تحت اسود صمت..... محمد:إذا فكرتي لا تطبقين كيف طبختيها بالضغط وبستر عليش بس اقنعي امي بفجر جميله تفاجأت من كلامه:أيش قلت ما سمعت اهااا هي اللي تقابلها بالسوق خرج... جابت كاكاو وحطتها فوقها تبي ترقع بس ما يترقع وطعمها بيض .... جميله حطتها بصحن سفري:حميدااااان!!! احمد جا:هاه كل ما قعدت احمد احمد ابلشتوني مدت الكيكه احمد أخذها وراح ياكلها مع يحيى اللي عمره سنه ونص  واحمد أكبر منه بثمانيه سنين لان كانت الام تحمل وتسقط ست مرات وجابت يحيى راحت غرفتها .... جميله: افف...مللل راحت عند امها:يمه ..بروح عند اديبه ام محمد:قولي لابيش راحت عند ابوها:يبه ...ابغا اروح عند اديبه ابو محمد:طيب بس يجي المغرب وانتي قدامي وقولي لواحد من السرابيت يوصلش راحت ولبست ... . . . بوففف ....الباب يفتح بقوه محمد:غول مو أنثى ورا ما تفتحين الباب زين اعلمش... عبد الرقيب اللي نايم...نومه ثقيل جميله بدلع:بابا..قال توديني عند ادوبه محمد:طيب امشي قدامي ونزلي الغطا على عيونش جميله نزلت الغطايه على عيونها راحت وهي ماشيه وراه... وصلوا للبيت مو بعيد لأنهم في ديره وحده مو كبيره.... ولقت فارس قدام سيارته محمد:السلام عليكم.. فارس: وعليكم السلام.... مرت جميله فراس بهمس يقدر يسمعه محمد: جمليه ليه رفضتيني وانا ما يعيبني شي ؟إلا إذا كان العيب في.. محمد بجنون:اسكت يال. . . .كلام جميل جدا مسكته عشان ما يضرب فارس وقالت:انا ماني متزوجه أشباه رجال ورخوم عينه طويله على الحريم وأصلا ما رفضت إلا من شفت إن كل الحريم إللي تقدمت لهن رفضنك..وكل خرا واسكت راحت تبي ترجع البيت.... مشى جنبها محمد . . . رجعوا البيت دخلت وهي معصبه .... وسكرت غرفتها بقوه ... الام سوت قهوة عربية للمغرب جلسوا كلهم من بعد ما رجعوا من الصلاه ابو محمد:وين جميله ؟ ام  محمد وهي تأكل يحيى زبادي وخبز:دخلت غرفتها من يوم ما رجعت ولا عاد شفتها ابو محمد بنظرة تساؤل :وش العلم يا محمد... محمد يبي يقول بس اخته بتقوم القيامه توتر وقعد يفكر وش يرد... . . . دخلت للمجلس.. ليال:يبه امي ما طاوعت تشريلي الفستان اللي اباه لانه بميتين  ...واهي تبرر...لان ابغا معه غوايش ذهب شفتها وعجبتني ابو سعود وهي يخرج من مخباه ميتين وخمسين واعطاها   ليال فرحت وباست راسه:تسلم يالغالي الله يفتح لك أبواب الرزق ابو سعود حط يده على رأسها وهو يقول:كبرتي اخبرش كنتي بحضني زي النتفه جت ليان مقاطعه:بابا. ..ابي حلاوا بالحليب ابو سعود أخذها لحضنه :تم وحاضر تامرين على شي خرجت ليال وصكت في ليلى... ليلى اللي تمشي معها شافت الفلوس بيد ليال :وش هاذي الفلوس..لا يكون... ليال بغضب:مالك دخل... ليلى احترمتها بما إنها اختها الكبيره ليال راحت السطح.. وشافت ان احد طلع من البيت الثاني سكرت باب السطح بإحكام إنرمت ورقه راحت وهي فرحانه تقرأ وش فيها الورقه:(جهزي الفلوس وترا اشتقت لك ودي اقابلك اليوم في السوق ...سامي) حطت الفلوس بالورقة وكتبت،:(متى يجي العصر عشان اشوفك لا تتأخر تراني ازعل♡) وقامت ترقص من الحيا وربطتها بخيط ورمتها وقطعت الخيط ونزلت مستانسه ما عرفت إن سعود شافها راح بيت ابو سامي بسرعه وعيونه طارت... يدق بسرعه... فتح ابو سامي.. دخل :يابن الكلب اخرج يالسلوقي... والمزيد من السب ام سامي خرجت بسرعه:وش ذا الصراخ يابن احمد وش بك؟ خرج سامي وياليته ما خرج نزل عليه ضرب وسب ... مسكه ابو سامي :وش بلاك عليه؟ خرج وهو يسبه... واتجه للبيتهم وهو يبغا يفك حرته بليال فوق إنها طالعه بدون غطا تكلمه .... دخل وهو ينادي:ليال يا زفت... ام سعود وهي جالسه تتقهوا بالمجلس:خرجوا جنيته وهي وينها وش قد سوت ابو سعود قام يبي يفارق بينهم.. الام:خلهم اكيد هي سوت شي كايد ولا سعود ما عصب نشوف اخرتها معهم سعد:الله يعين بروح انام بكره مدرسه مسعود:بروح عند صاحبي ليال دخلت غرفتهم وسكرت الباب ليلى:وش سويتي لا يكون سعود درا عن الفلوس هو ما يعرف إن...رفس سعود لباب خلاها تسكت ليال تهز رأسها بهستريا وتبكي تقدم محمد وهو يرفس الباب:افتحي ولا والله ما يصير طيب جاء ابو سعود:وش بك سعود:أسأل بنتك وش ما سوت من وراك تطلع السطح تكلم الزفت الله لابارك فيهم والمزيد من السب... ابو سعود انصدم وقعد يسأل سعود :منهو قل من ام سعود جت :وش بك انت مهبول جتك حاله وش فيك محمد قالها ام  سعود ما انصدمت وقالت . . . دخلت جميله المجلس وقالت:بس كان بطني يوجعني من خبيصات اديبه فز عبدالرقيب من ذكرها. . محمد مسكه بمعنى اهجد... بدأو يسولفون ... محمد :يبه ...انا كبرت وصار عمري ٢٣وما تزوجت وابي اخطب ابو محمد بفرح:تم وآمر أشر وانا معك بإذن الله ام محمد:ومن هي اكيد ما فتحت الموضوع إلا وفي وحده ببالك محمد بإحراج:بنت خالتي رحمه... فجر ام محمد بغضب:انا ازوج ابني بنت الراعي معصي وامها بنت محاسن بعص محمد بعصبيه:وش فيها اذا هي بنت راعي وترا امها اختك من ابوك ولا نسيتي ...بتزوجها واللي يصير يصير وراح... ام محمد: ذا الولد يبي يجنني . . ام سعود :هي مخطوبه لسامي وهي موافقه ابو سعود بصدمه تعلي وجهه:وأنا وين لا يكون جدار ولا أثاث بالبيت وماتقولين لي سعود زاد يعصب من التبرير بس حكم على صوته عشان امه:يمه شايفنا طراطير ما تقولين لنا يمه الله يحفظش ... ام سعود بتبرير:لا والله إني أشوفكم أعلى من كذا بس المره حدتني وانا ما قدرت اقول لها بسأل زوجي سألت البنت وقالت موافقه وكنت بكلمك اليوم لأن أمس ما رجعتوا بدري سعود :طيب قلنا خاطبين ليه يتراسلون ام  سعود بتدارك للموقف اللي حطته بنتها فيه:انا ابيهم يعرفون بعض عشان ماترجع وهي مطلقه ليلى سمعت كلام امها وتحسست ... محمد:يمه إلا ليلى وسالفة طلاقها اخذت نصيبها وقال ربي{ قُل لَّن یُصِیبَنَاۤ إِلَّا مَا كَتَبَ ٱللَّهُ لَنَا  } [سُورَةُ التَّوۡبَةِ: ٥١] ام سعود بإمتعاض:طيب خلاص وراحت غرفتها عشان تسكر على الموضوع .. سمعوا صوت إقامة صلاة العشاء مباشرة راحوا يصلوا... . . . فجر:يمه ابغا اروح بكره السوق ام فجر: عادش امس في السوق لا... فجر بإحباط:طيب. ..قامت تروح غرفتها ابوفجر:ليه ما تخلينها تروح ام فجر : لو تشوف غرفتها قد هي بتتطفح شلايل ابوفجر : خليها تدلع ما عندنا الا هي ام فجر كأنه أعطاها كف ونزلت دمعتها الحاره على وجهها المتجعد يبين مرارة السنين اللي راحت ابوفجر بحزن:يا أمل والله ما كان قصدي تدرين إن من بعد زوجة ابي انتي أملي الوحيد اناشدش واطالبش السماح الغلط فيني مو فيش من بعد الحادث ام فجر بصدمه:لا تقول انك...خلاص مر الزمن وراح والناس نسونا ابوفجر:طيب على خير وانتبهي عليها بروح افقد الحلال وبعاود الليل . . . الفجر.... ابو محمد معه عصا وهي يكلم العيال اللي عند جدار الحوش لابسين فنيلة بيضا داخليه وسروال السنه وواضح انهم قايمين من النوم... ابو محمد: احسب انكم وراي ماكنت داري انكم نايمين والله هذا جزاي اني اركنت على بهايم لا تودي ولا تجيب احسب انكم رجال وطلعتوا اخس من احمد  ...والمزيد من التهزيئ..وكل دقيقه يمحط رجلاتهم بالعصا جميله كل دقيقه تمر من عندهم وهي تضحك وتحط الفطور في جلسة الحوش.. محمد:يبه ..شف جميله تضحك علينا ابو محمد:جميله وجميله بس بس صيروا رجال ينشد بكم الظهر بس آخ ما به من ذا العلم ان ما تعدلتوا بكره إن والله احطكم بالقبو ام محمد تناظر عيالها:رخوم..الله يرحم ايام اخواني من قبل ما يسمعون الاقامه إلا وهم بالمسجد...تعال اقلعك منهم تعال افطر وكمل بعدين لا ينرفع الضغط حقك ابو محمد جلس يفطر وهم موقفين عند الجدار عبدالرقيب: الله ياخذ النوم محمد:كنت احلم بفجر عبدالرقيب: كل خرا واسكت كملوا الفطور.... قام ابو محمد لعندهم:صليتوا انظروا ببعض وقالوا يمكن الفرج:لا ابو محمد عصب وبانت عروقه :بدري هاه انت وياه وش تنتظرون..محطهم بالعصا ودخلوا المقلط يركضون كلهم يتوضون بالمغسلة وصَلوا وابوهم ينتظرهم برا ... عبدالرقيب بهمس:بصلي الضحى بتصلي معي؟ محمد ضحك وقال:مو من الجوده خايف من ابوي والله لو تصلي إلا ما تموت ما بيفكك وأصلا بدري على الضحى عبد الرقيب بيأس:افف..انت السبب ما قومتني تعرف إن نومي ثقيل محمد: ليه ما نقول ان ما احد قومنا ونجحد جميله ....   عبد الرقيب: اليوم ابوي اللي قومنا... دخل أبو محمد المقلط :يالله قدامي محمد وعبد الرقيب مشوا قدامه بطاعه... ابو محمد:بتروحن وتساعدون جدكم مسعد... ناظروا له برجا ... ابو محمد: وروني عرض اكتافكم دخل عبد الرقيب يجيب لهم اثواب.. . . . ليال تلف السفره من بعد الفطور... ليان :بابا ابغا فستان عشان اروح للمدرسه به واقهر دلال ضحك ابو سعود وقال:بس في المدرسه يلبسون زي رسمي ما يلبسون فساتين ليان زعلت وراحت تبكي عند امها ام سعود: وانت ليه تكبر رأسها سعود شالها ويلاعبها:يبه بروح عند ابو محمد ليان برجا:خلني اروح ابو سعود: وإذا رحتي كلهم عيال واكبر منك ليان:جميله تلعب معي ابي اروح عند جميله يبه انافداك ابوسعود:طيب.. ليان بفرح: شكرا..بابا سعد:يبه ... نسبتي طلعت٩٨% ابو سعود: مبروك بسويلك الليله عشا سعد قام يحب راس ابوه وخرج الشهاده يوريه ابو سعد خرج من مخباته خمس ميه:هاك سعد:لايبه كثير ابو سعود حطها في مخباة سعد سعود ناظر لليان: يالله. ليان:طيب . . . الباب دق.. احمد راح يفتح.. سلموا على بعض.. ليان:وين جميله احمد:طالع دخلت.. سعود :بدخل الكراج تعال معي لحقه احمد.. دخلوا الكراج:وين العيال احمد:ابوي محطهم بالعصا وهم الحين معاقبين عن الجد مسعد.. سعود: اكيد ناموا وما قاموا لصلاه...الله يهديهم ذكرني بعد ما اكمل شغل اسلم على خالتي احمد:تم.. . . . ليان: جميله!! جميله خرجت من المطبخ:وش جابش  وين خواتش ما جن معش ليان:نايمات..ما يبوني وانا داريه ان جميله تبيني جميله اخذتها وهي تبوسها:صدقتي..كيف امك مع الحمل ليان بفرح: سمعت النونو ...ماما تقول بنت وبابا يقول ولد وانا ابغا بنت العب معها وولد اضربه جميله ضحكت:ليه تضربيه حرام عليش ليان:لان بابا يبغا ولد وما عاده حابني جميله: لا خالي ما يسويها لو تعرفي كم يحبش يوم انش صغنونه كان يركض بالديرة ويبشرهم ان جته بنت ويذبح الذبايح عشانش جت ام محمد:  تعالي ياليان ليه ما تسلمين نزلت من حضن جميله وراحت لها.. . . . محمد وعبد الرقيب ينزلوا أكياس طحين من هايلوكس  الجد مسعد عبدالرقيب بتعب:خلاص اخر ..وحده محمد:الله لا يوفق العدو. .. الجد مسعد:تقوو ...باقي التمر اللي داخل الغماره محمد سمع جوال الكشاف يدق ... ابو محمد: تعال عشان تفتح المحل إذا كملت ..قفل في وجهه محمد بهمس لعبد الرقيب: الفرج جا . . . في السوق.. فتحوا الدكان وهم مستغربين.. عبد الرقيب: وين ابوي غريبه ما فتح المحل؟ وعلى صوته جاء ابوهم محمد: وين كنت يبه؟ ابو محمد: اسكت.. :..... عبد الرقيب ماقدر يمسك نفسه وضحك ابوه عطاه نظره وسكت ابو محمد خرج من كيسه حاجه دائريه معها اذون وفيها ارقام:هاذا يقولون له منبه يرن على الفجر  ناظرو بتعجب محمد:هذا بيقومنا من جدك...... ابو محمد ضربه براسه:شايفني خويك قوم انك تقول من جدك وأصلا انت تقوم نومك هه خفيف فابتقوم ذا ... . . . ليان فكرت بخطه قبل ما تجي.. ان إذا قالت ان اخوها موب موجود جميله بتروح وهو بيشوفها وبيتزوجو ...شافت هذا في التلفزيون في فيلم مع ليال.... ليان:متى بتسوون الغدا جميله سألتها:جوعانه؟ ليان هزت رأسها بإيه... قامت بتروح للمطبخ تسوي الغدا وسمعت امها تناديها:لولو بالله روحي شوفي وش تبي :طيب رجعت:قالت تكثرين الغدا لان امس كان قليل..وتجيبين الصحون اللي بالمخزن.. جميله: بنزل وانتي اقعدي هنا . . . سعود وهو ينبش بالعده:يا احمد جبلي التيب...إذا عندكم احمد وهو يلعب بالسيكل: روح المخزن ترى كل شي موجود بوجهك سعود قام:ما منك فايده يالبزر يبي يدخل المخزن وهو يسمع صوت مواعين تصك ببعض... . . . ................... نهاية البارت الأول اتمنى انه حاز على اعجابكم وفي تفاصيل ما ذكرتها مثل العائلات واعمارهم ابو محمد ام محمد محمد٢٣ عبدالرقيب ٢١ جميله ١٨ احمد ١١  يحيى اربع سنوات عاد الام حامل ابو سعود وام سعود سعود٢٤ ليال٢٢ مسعود٢٠ بنفس السنه انولدو بس هو أكبر بالاشهر ليلى ٢٠ سعد١٧ ليان٥سنين عاد الام حامل ابوفجر وام فجر فجر١٨ بنتهم الوحيده ابواسامه وام اسامه اسامه٢٦ فراس ٢٤ فارس ٢١ امال٢٠ اديبه١٩ امل ١٨ ام سامي وابو سامي سامي٢٥ سليمه٢٣ سابره٢٠ وفي عائلات بتنذكر بالبارتات الجايه.. _______________ واتمنى ما احد يترك صلاته عشان روايه لاتودي ولا تجيب بيوم القيامه قدام ربي..•°..اذكارك لتبقى بحفظ الله..♡ سبحان الله والحمد لله ولا اله الا الله... •°•°•°•°