ياسين : اي يا عم هنروح ولا اي علي : هنروح فين شريف : ابوك يا بني اتصل بينا من شويا وقالنا ان هو عازم عمك علي الغدا وشكلوا كده عايز يجوزنا بنات عمك ادهم : يا ولاد المحظوظة طب ماتكلم عمو وتقولي يظبطلي واحده معاكوا ياسين : يا شيخ اتلقح شريف : مالك يا علي علي : مافيش (وقام ) ادهم : مالوا ياسين : شكلوا علشان حوار هيا ادهم : مين هيا دي ياسين : يابني علي كان مرتبط با هيا الي هي بنت عمنا وبعدين سابوا بعض علشان كده هو زعلان شريف : طب انا هقوم اشوفه ادهم : انا جاي معاكوا ماليش في ياسين : يا اخي روح اقعد علي جمب _________________ شريف : اي يا عم مالك علي : ماليش شريف : امال قمت لي علي : عادي يعني شريف : لا مش عادي انت لسه بتحبها علي : بحب مين شريف : لا علي اظبط انت عارف انا قصدي مين علي : لا .. عادي .. ولا بحبها ولا بكرها شريف : انت كداب يلا علي : بقلق اي انزل من على وداني يا شريف __________________________ لميا : بس تفتكر ان عيالك هيجوا محمد : انا مكلمهم وقولتلهم يجوا لميا : انا مش عارفه عيالك دول دماغهم ماشيه ازاي راحوا خدوا شقه برا واحنا شقتنا موجوده محمد : متقلقيش لما يجوا انهارده هتصرف معاهم لميا : يما نفسي اشيل عيالهم قبل ما اموت محمد : بعد الشر عليكي ... هتشوفي ولادهم وولاد ولدهم كمان لميا : يارب __________________ حور : بس اي يعني يخليهم يعزمونا علي الغدا بعد كل السنين دي كلها منعرفش عنهم حاجه عشق : مش عارفه ممكن يكونو يعني شايفين ان احنا بعدنا عن بعض فاحبوا يقربونا تاني منهم حور : ممكن .. هيا .. هيا هيا : بتقولو حاجه حور : اصلا هيا : انا هروح اشوف ماما حور : مالها دي عشق : يلا يا حور نقوم نجهز علشان منتاخرش ____________________ بعد وقت ✊️✊️ لميا فتحت ياسين دخل باس راس لميا : وحشتيني لميا : وانت كمان وشريف وعلي سلموا علي لميا ادهم : ازيك يا طنط لميا : الحمد لله يا ادهم ادخل ادهم : فين عمو لميا : في البلكونه ادهم دخل البلكونه محمد : ادهم عامل اي يا ندل ولا بتسأل يعني ادهم : مانت عارف بقي يا عمو عيالك طحنيني معاهم في الشركه محمد : ربنا يوفقكم ياسين حضن محمد : واحشني والله محمد : لا يا شيخ مدام انا وحشك مبتجيش ليه ياسين : مانت عارف بقي يا بابا الشركه والشغل محمد : امال فين اخواتك ياسين : جاين ورا ... صحيح يا بابا ادهم كان عايزك تظبطلو واحده محمد بستغراب : واحده اي ادهم وهو بيبرق ل ياسين : عربيه يا عمو اصل انا عايز اجيب عربيه وكنت عايز اخد رايك في نوعها ياسين : هههههههه محمد : بيضحك علي اي ده ادهم : مجنون يا عمو يعني منتا عرفه محمد : ربنا يشفيك يا ادهم شريف وعلي جم سلموا علي محمد محمد : اي اخبار الشركه ماشيه كويس شريف : اه ..يعني الفتره دي الشغل ماشي تمام محمد : طب كويس في المطبخ علي : والله وحشني اكلك لميا : عمالك الاكل الي بتحبه علي :تسلم ايدك لميا : مش ناوين انت واخواتك تيجوا تقعدوا معنا بقي علي : هنشوف يا ماما بس علشان الفتره دي مشغلين بالشركه وكده لميا : ربنا معاكوا الباب خبط لميا : جم شريف فتح مصطفي : شريف عامل اي محمد : واحشني والله .. ازيكوا يا بنات .. ازيك يا ألفت ألفت : الحمد لله ودخلوا وسلموا علي بعض ادهم في ودن شريف : اي يا عم ده هما كلهم جامدين كده شريف : لا بقلق اي اظبط بدل ما اظبطك دول بنات عمنا بردو محمد : انا قولت بقي بقلنا كتير ماشوفناش بعض فحبيت نتجمع مصطفي : احسن حاجه عملتها والله لميا : انا هقوم اشوف الاكل ألفت : جايه معاكي اسعدك علي فضل باصص علي هيا حور لهيا بصوت واطي : مالوا ده باصصلك ليه هيا : ا امش عارفه .. وانا ايش عرفني يعني .. انا هقوم اساعدهم في المطبخ عشق : مالها حور : مش عارفه ياسين راح قعد جمب حور : بس كبرتي انتي بسرعه حور : وانت كمان طولت بقيت شبه النخله عشق كتمت الضحكه ياسين : لسه لسانك مترين زي منتي حور : وانت لسه ودانك قد الطاسه زي منت عشق : حور تعالي نروح نساعدهم يلا قومي ياسين : انا وداني قد الطاسه ادهم : مالك يا عم متنح للبت كده لي علي : متنح لمين ادهم : للبت ام عيون عسلي دي علي بنرفزه : وانت مركز في عينها .. روح يا ادهم اتلقح بعيد عني بدل ما اتعصب عليك ادهم : اي يا بني التهزيق الي انا واخده من الصبح ده في المطبخ لميا : لا بس البنات بسم الله ماشاء الله كبروا وبقوا قمرات ألفت : ونبي دا انتي الي قمر لميا : ونبي يا عشق روحي نادي شريف علشان الاكل جهز عشق : حاضر يا طنط __________________ عشق وقفت في حيره مش عارفه اني اوضه شريف ياسين : مالك وواقفه كده ليه عشق : مش عارفه فين اوضه شريف ياسين : اهي يا ستي كل الحيره دي علشان اوضه شريف عشق راحت خبطت علي الاوضة وشريف فتح عشق : طنط بتقولك يلا علشان الاكل جهز شريف : ماشي روحي انتي وانا جاي وراكي عشق مشيت بعد وقت شريف : تسلم ايدك يا ماما لميا : بالهنا والشفا حور : لا بجد يا طنط الاكل حلو اوي لميا : انتي الي حلوه محمد : والله واحشني اغلبك في الطاوله زي كل مره مصطفي : لا دا كان زمان دلوقتي مافيش حد يقدر يغلبني ياسين : عمو الجامد مصطفي : طبعا بعد وقت مصطفي ومحمد قاعدوا يلعبوا طاوله في البلكونه وحور وياسين وادهم وشريف قاعدين معاهم ولميا والفت في المطبخ وعشق قاعده مع هيا بيتفرجوا علي التلفزيون وعلي قاعد في اوضته عشق : مالك يا بنتي هيا :ماليش عشق : انتي من ساعت ماجينا مفتحتيش بئقك بكلمه هيا : عادي هتكلم اقول اي علي جي قعد معاهم علي : حلو الفيلم ده عشق : اه ... انا هقوم اشوف ماما هيا فضلت بصه لعلي علي : وحشتيني علي فكره هيا : ااا انا هروح اشوف عشق علي مسكها من ايدها : خليكي عايز اتكلم معاكي هيا قعدت : اظن ان مافيش حاجه نتكلم فيها علي : هيا انا لسه بحبك .. ومش عارف انا عملت اي يخليكي تسبيني زمان هيا : لا انت عارف كويس اوي انا سبتك زمان ليه علي : مش سبب مقنع اي عايزه اركز في درستي ومش عايزه حاجه تشغلني عن مذاكرتي واي انا مش مرتاحه الي كان بينا أكبر من كده يا هيا هيا : خلاص يا علي الكلام ده مش وقتوا علي : ماشي يا هيا برحتك (وقام دخل البلكونه ) ______________________________ حور : انا حاسه ان عمو الي هيكسب محمد : دي حاجه اكيده ياسين : لا عمو هو الي هيكسب مصطفي : هكسب يا حور وهوريكي محمد : شريف قولهم في المطبخ يعملو شاي شريف : حاضر يا بابا في المطبخ ألفت : كفايه كده اطلعي وانا هكمل لميا : لا انتي تعبتي اطلعي انتي وانا هكمل عشق : لا اطلعو انتو وانا هكمل انتو تعبتو انهارده ألفت : ماشي .. يلا يا لميا والفت ولميا طلعو من المطبخ وعشق كملت غسيل المواعين شريف : احم ممكن تعملي شاي عشق : ماشي وشريف وقف يعمل قهوه عشق : فين السكر شريف : في الرف الي فوق عشق بصت للرف وبعدين رجعت بصت لشريف عشق : طب ممكن تجبهولي شريف : طب ما تجبي .. اه علشان انتي قصيره وكده عشق بصتله بقرف شريف : خلاص هاتي لنفسك بقي عشق : هجيبوا مش عايزه منك حاجه عشق حاولت تيجبوا بس معرفتش شريف : خلاص اوعي (وجبهولها ) الاقهوه فارت شريف : اووفف عشق كتمت الضحكه : خلاص اوعي هعملك غيرها ______________________________ بعد وقت عشق وهي بتقدم الشاي مصطفي : كسبت يا ست حور حور : انا بردة كنت حاسه انك هتكسب عشق لشريف : الاقهوه شريف وهو بياخد الاقهوه منها : شكرا لميا : تعبتك معيا يا عشق انهارده عشق : ولا تعب ولا حاجه انا معملتش حاجه لميا ل ألفت : ربنا يخليهالك ألفت : ويخليلك ولادك لميا : يارب ويهديهم هيا : طنط هو فين الحمام لميا : علي وريها الحمام علي : تعالي وهيا مشيت مع علي هيا مسكت ايد علي علي بصلها بستغراب هيا :اي مستغرب ليه علي : مش مستغرب .. الحمام اهو هيا : لا مكنتش عايزه اصلا اروح الحمام علي : امال قومتيني ليه هيا : اي مش عاجبك علي : انا مبقتش فاهمك هيا :مش فاهم اي .. لسه رقمك زي ماهو ولا غيرتو علي بيحاول يداري انبساطه : لا غيرتو هيا : طب هات موبيلك علي ادها الموبيل هيا : ولا اقلك لا خلاص شكلك مدايق وجايه تمشي علي مسكها من ايدها علي : اي وهو علي مزاجك ولا اي هيا : شكلك مدايق علي خد منها موبيلها ورن علي نفسه : اقسم بالله يا هيا هتتجنني عليا تاني هجيبك من شعرك هيا ابتسمت : خلاص وعلي اي علي : ايوه اتعدلي كده ورجعو تاني مكانهم __________________________ بعد وقت لميا : نورتونا والله مصطفي : كان يوم حلو محمد : لازم تيجي تاني علشان اعوض خسارتي مصطفي : طبعا علي ل هيا بهمس : ابقي كلمني لما توصلي هيا بابتسامه : حاضر مصطفي : يلا تصبحوا علي خير محمد : وانتو من اهله ومشيوا ادهم : اي هتيجوا معيا ولا هروح لوحدي ياسين : لا استني احنا جاين معاك شريف : يلا تصبحوا علي خير محمد : خد يلا هنا رايح فين شريف : ماشين يا بابا محمد : بابا دا انت الي بابا .. خشوا اتلقحوا جوا منك لي علي : هنمشي بقي يا بابا ونبقي نيجيلكو تاني محمد : اسكت يلا علي : ليه الغلط طيب محمد : انا مش قولتلك تسكت ياسين لسه هيتكلم محمد قاطعوا : لو عايز تتهزق معاهم معنديش مشكله ياسين : لا وعلي اي .. انا هدخل انام بقي محمد : بيفهم الواد دا ياسين : الله يخليك ادهم : طب سلام بقي محمد : انت يابني عبيط مبتفهمش .. انا مش قولت اتلقحوا جوا ادهم : حتي انا محمد : حتي انت يا خويا ادهم : طب حيث كده خدني جمبك يا ياسين شريف : يابابا ... محمد قام وسبهم ومشي شريف : هزقني جامد علي : اه أوي .. شكلك بقي وحش شريف : هو مش قالك اسكت
