ليلا في مكان تجمع منظمة المافيا المعروفة باعمالهم الغير مشروعه نجد اربع اشخاص يخططون للانتقام حتي تحدث اول فرد منهم وقال : فريق الجوكر دا لازم نتخلص منهم مينفعش يكونوا عارفين عننا كل حاجه وكل شوية نلاقي حد فينا اتقبض عليه دول بيخلصوا علينا واحد واحد. هنفضل ساكتين لحد امتا؟ ليرد عليه صديقة بقلة حيلة وقال : يعنى هنعمل ايه يا زعيم احنا مش عارفين هما مين ولا عارفين نوصلهم كل الى بيعملوه بيدخل حد منهم لابس ماسك الجوكر وبيضرب نار ونلاقي بعدها قوات شرطة كتيرة اقتحمت المكان وهو بيختفي حتي العساكر اللي اشتريناهم ميعرفوش هما مين اكنه عفريت ز الزعيم بتفكير: اشخاص زى دول قدروا يوصلوا لمعلومات حبست اكبر زعماء المافيا صعب نوقعهم بسهولة دا عايزين تخطيط كبير ، بس لازم اخلص عليهم. ........ في مكان تانى في احد مراكز الشرطة.. كانوا يجلسون داخل غرفة الاجتمعات حتي قال اللواء سليم..: طبعا قدرنا نتخلص من 4 منظمات ولسه فاضل 5 كمان.. عايز جهد كبير. وتفكير مميز وذكي زي منا متعود منكم ديما.. فريق الجوكر عمل اسمه بسرعه البرق بسبب ذكاءه في الاقتحام.. وجمع الادله.. عايزكم كدا دايما.. مش عايز اي ضعف او استسلام.. احنا لازم نتخلص من المنظمات دي بأي تمن.. دول بيدمروا مصر وكل البلاد.. فلازم نقضي عليهم... قال احد افراد الفريق: متقلقش سعتك.. هنقدر نقضي عليهم.. زي ما قضينا على غيرهم.. اللواء سليم: عارف قدراتكم كويس يا معتصم ولكن خلوا بالكم.. لانهم بيدوروا عنكم وعايزين اي معلومة يقدروا يوصلوا بيها لفريق الجوكر.. الى اتخلص من رجالتهم بالسهولة دي.. فعايزين خطة جديدة المرادي. قال احد الشباب ويدعي.. سيف: متقلقش يا فندم.. كل حاجه هتم بكل هدوء وذكاء.. اهم حاجه حضرتك تتاكد ان محدش يعرف عننا اي معلومة.. مش عايزين نموت قبل منتخلص منهم اللواء سليم: متقلقوش.. محدش يعرف عنكم اي حاجه ولا يعرف مين القائد فيكم ولا ممكن يتوقعها اساسا.. ومفيش اي حد يعرفكم غير القائدة العليا.. سيف: تمام يا فندم احنا هنتحرك دلوقتي نجهز للقضيه الجديدة... اللواء بص لقائدهم الى ساكت من اول الاجتماع وقال: اي يا جوكر ساكت ليه؟ معتصم رد مكانه وقال: ابدا يا فندم حضرة الجوكر بس بيفكر في القضيه الجديدة. وحضرتك عارفو هو مش بيكلم كتير الا لو مضطر يشرح حاجه.. واحنا رجالته وفاهمين كل اشاراته.. اللواء: تمام.. اتفضلوا على شغلكم.. .... في واحد من الشوارع الشعبيه.. نسمع كالمعتاد صوت البائعين والجيران.. نروح لمحل الجزارة الكبير الى مالى الشارع ونلاقي... صوت ست بيقول: ربنا يباركلك يا معلم زي منتي ديما مع الغلابة... ردت بنت وقالت: يارب يا ام محمد.. دعواتك... جه حد من الصبيان وقال: الحقي يا معلم رجالة منصور مسلطين عيلين على اختك ومش راضين يعدوها موجودة على اول الشارع هناك.... سحبت سكينها وجريت بسرعه وهي بتقول بتوعد: جبته لنفسك يا منصور.. الى يجي على حد يخص المعلم رضا.. يبقي جابه لنفسه... جريت ناحيه الشابين ومسكتهم من هدومهم وقالت بصوت مرعب: انت اجننت يالا منك له؟ بتضايقوا اختي انتوا نسيتوا نفسكم ولا ايه!! رد الشاب وقال: لا والله يا معلمة. المعلم منصور قال انها مش اختك.. احنا منقدرش نلمس حد يخصك يا ست البنات.. قالت رضا بسخريه:_ طيب يلا يخفيف جر عجلك ودا اخر انذار ليكم.. وقول للمعلم بتاعك متزعلش لما المعلمة رضا تاخد حقها منك بقي.. غور يالاا جريوا الشباب برعب منها... اما هيا بصت لاختها بغيظ وقالت: انتي يبت هتفضلى بسكوته كدا لامتا مش انا علمتك تجيبي حقك؟ جرا اي يا ست الدكتورة ردت اختها سارة وقالت: والله يا رندا هما الى اتكتروا عليا... رضا بغضب: بت اي رندا دي مش قولنا اسمي زفت رضا؛! من امتا وحد بيقولى رندا دي متعصبنيش عليكي... اسمي رضااا سارا: خلاص خلاص يلا هروح البيت عشان تعبانه.. رضا: ماشي يختي وانا ساعتين واجيلك هقفل المحل واجي.. يلا انتي خلى بالك من نفسك ساره: تمام يا باشا سلام... ..... وفي واحد من اقسام الشرطة بمكان اخر.. نلاقي بنت تانيه واقفة في قسم الشرطة الى شغاله فيه. وخاصتا داخل المكتب بتاعها قالت بملل: وبعدين يا حسن هتفضل تكدب وتحور كتير... ضربت على ليه وسرقت الفراخ بتعته؟ حسن: يا حضرة الظابط هو الى سرق البقره بتاعتي ردت عليه شهد قائلة: ايوا دا قسم شرطة يعني جرايم بشر مش طيور والله.. يعني انا مشاكلكم دي مالى ومالها؟ انا عايزة جرايم بشر يا بشررر مش فرااخ هتشلووني.. على: مليش دعوة يا حضرة الظابط هتيلى حقي شهد نادت بصوت عالى: يا عسكررري دخل العسكري بسرعه وقال: ايوا يا حضرة الظابط شهد: خد الاتنين دول على الحجز لحد ما يحلوا مشاكل الفراخ والجواميس وكل الطيور حسن: لا خلاص يا حضرة الظابط مش لازم الحبس خلاص.. انا وعلى هنتصافي ولا اي يا على... على: ايوا هنتصافي بعيد عن الحكومة وهو انتوا اصلا بتعرفوا تحلوا حاجة.. انا هاخد الحج حسن ونحل مشاكلنا بعيد عنكم... شهد بسخريه: دلوقتي الحكومة مبتعرفش تحل؟ اومال واجعين دماغ امي من الصبح ليه؟؟ يبني خدهم على الحجز بقولك حسن: وبتهمه اي ان شاء الله؟ شهد: مش انت ضربته وهو عملك محضر فهتتحبس بقي... وانت عملتله محضر سرقة بقره؟ يعني انا مكتوب عندي محضر فراخ ومحضر بقررر؟ حسن: لا انا متنازل... على: وانا كمان متنازل.. شهد: ارميهم برا القسم يا عسكري بدل ما اتشل حرام عليكم انا لسه صغيره هتجبولى الضغط والسكر وكل الامراض براا بقي خدهم العسكري وخرج وهي قعدت على المكتب حطت أيدها على خدها وقالت: انا قولت لابويا مدخلش شرطة انا كائن فرهوض اساسا انا كان مالى ومال الهم دا بس يا ربي مكنت دخلت اي كلية زي خلق الله.. .. .. في احدي المستشفيات الحكوميه.. كانت قاعدة في مكتبها وسمعت صوت صراخ عالى خرجت بسرعه لقيت عائلة بتتخانق مع مدير المستشفي راحت عشان تسمع الحوار الاتي... الام: حرام عليك يا دكتور طيب اكشفوا عليها لحد ما نجمعلكم الفلوس انتوا معندكمش رحمة.. الاب: والله هجبلكم الفلوس بس البنت بتموت مني انقذوها. هديكم الى عايزينه.. قربت منهم وقالت: هو ايه الى بيحصل هنا؟. المدير رد عليها ببرود وقال: مفيش حاجه يا دكتورة سما.. عايزين يدخلوا الحالة من غير ما يدفعوا اي فلوس ومعهمش حاجه اصلا... سما: وفيها اي اما تدخل ننقذها وبعد كدا نشوف موضوع الفلوس يا دكتور!. المدير: والله دا نظام المستشفي مفيش حالة تدخل غير لو سايبه جزء من الحساب. سما باستحقار: كام الحساب دا!! المدير: 300 ج... سما بذهول: نعم؟؟ انت موقف الناس والبنت بتموت عشان 300ج؟؟ بعد كدا طلعت من جيبها 700 ج وقالت: اتفضل حسابهم اهوو. ويمكن اكتر. وبصت للحالة وقالت.. تعالوا معايا مفيش دكاتره في الطوارئ وانا هساعدكم.. وخدتهم معاها لاوضة الكشف وابتدت تكشف وتقوم بالازم.. بعد مرور ساعه... سما بابتسامة: الف سلامة يستي.. بس اي سبب الكسر والجروح دي؟ ردت الام وقالت: ربنا يباركلك يبنتي ربنا يحفظك انتي واهلك... كانت ماشية ف الشارع وعربيه خبطتها وجريت. عشان متوديش نفسها ف داهيه.. سما بتفهم: تحبوا تعملوا محضر؟؟ الاب: مفيش دليل عليه يبنتي.. ربنا يجبلنا حقنا شكرا ليكي تعبناكي معانا... سما: مفيش اي تعب دا واجبي وخدت حقي بالدعوتين دول.. وبعد كدا بصت للام وقالت: ممكن تيجي معايا لحظة؟. وخدتها على جمب وطلعت فلوس كتيره من ايدها وقالت: ممكن تقبلى دول مني؟ اعتبريهم هديه.. الام برفض: لا يبنتي احنا مش شحاتين.. سما: ومين قالك اني بقول انكم شحاتين؟ كلنا محتاجين ومفيش اي مشكله لما نساعد بعض.. خديهم عشان بنتك واكيد معاكي عيال تانيه ويدوبك هيكفوكي.. ومدت ايدها بالفلوس مره تانيه.. الام خدتهم بكسوف وفضلت تدعيلها.. كتير.. وبعد كدا خدوا بنتهم ومشيوا.. ... . نروح مره تانيه لفريق الجوكر... سيف: القضيه الجديدة عايزين تفكير مختلف يا جوكر.. رد الجوكر بغموض من وراء الماسك الخاص به: ومن امتا واحنا بنلعب؟ ومن امتا وفي خطة لينا غبيه او ضعيفه؟ كل تفكيرنا جديد.. هما هيقعوا زي العصافير.. وفي وقت قليل جدا هنقدر نمسكهم ونخلص منهم.. زي ما خلصنا من الى قبلهم.. انا عايزكم بس تشدوا حيلكم كدا وتركزوا.. معتصم: اي اوامر تانيه يا جوكر؟ الجوكر: انتوا ال3 تركزوا كويس.. معتصم وسيف وأمنه.. مطلوب منكم تركيز شديد. ممنوع اي كسل او غباء وتسرع.. اتفضلوا دلوقتي.. وبكرا نكلم.. خرجوا وسابوا الجوكر.. الغامض.. هل هو بنت؟ ام هو ولد.؟ .. ولو بنت ازاي عملت اسمها بالسرعه دي؟ ولو ولد يترا اسمه ايه واي هي حكايته؟؟ ....... نرجع تاني لرضا الى كانت وقفة في المحل بتاعها بتوزع لحمة وكمان فراخ.. ف هي المحل الوحيد بالمنطقة دي. الى عنده كل انواع اللحوم والطيور. بارخص الاسعار واحيانا كتيره بتبيع مجاني... رضا: حد عايز حاجه تاني كدا؟؟ الكل رد وقال لا وشكروها ومشيوا.. قعدت على الكرسي بتاعها بتعب ونادت وقالت: يا محمد انت ياض يا محمد... محمد جه بسرعه وهو صبي في سن ال20 وقال: نعم يا معلم رضا... رضا: معلش يا محمد هتعبك.. ممكن تنضف المكان بس قبل ما تقفل المحل عشان مش بنلحق نعمل حاجه فالصبح... محمد: اكيد يا معلمة من عيني.. متشغليش بالك انتي وروحي ارتاحي وانا هصلح كل حاجه انا والرجاله... رضا: تمام يا محمد.. شكرا ليك.. وقالت بتذكر: اه صح يا محمد.. متنساش تدي كيلو لحمة للعمال قبل ما يروحوا وواحد ليك.. وكمان ادي لام كريم 3كيلو وفرخة محمد: حاضر يا معلمة ربنا يكرمك يارب زي ما كارمة الغلابة ديما كدا.. رضا: يارب... يلا هسيبكم انا يا رجالة ربنا معاكم.. سابتهم وخرجت ودقائق وكانت في شقتها وهي بتنادي وبتقول: يا ست الحبايب انتي فين سمعت صوت امها بينادي من جوا وبيقول: انا عالسرير يا رندا تعالى.. دخلت رندا ليها بسرعه وحضنتها وباست ايدها وقالت: اهو انتي الوحيدة يا امي الى ينفع تناديني رندا بعد ما ابويا مات... الام بحزن: وكان لزمتها اي يبنتي تبهدلي نفسك وتاخدي اسم وحياة مش بتاعتك... رندا: مكناش هنعرف نعيش كانوا هيجوا علينا ونتبهدل احنا 3 ستات لوحدنا مين هجبلك علاجك ومين هيخلى سارة تكمل تعليمها... ومين هيصرف على علاج اياد؟؟ كان لازم اكون رضا.. يبقي متلومونيش طالما انتوا مرتاحين وجينلكم الى انتوا عايزينه يبقي خلاص.. سلام هروح ارتاح عشان المحل بكرا. وسابتها وخرجت الام بحزن قالت،: منهم لله الى كانوا السبب منهم لله.. ........ في مكان ضلمه نسمع صوت بيقول: ٠ ايوا يباشا محدش يعرف مين الجوكر غير اللواء سليم لازم نخطفه ونعرف منه كل حاجه.. ...... انتهت الحلقة الاولى. يترا مين الجوكر واي قصته؟؟ وليه رندا مسميه نفسها رضا؟ واي قصه سما وشهد؟ كل دا هنعرفه الحلقات الجاية.. Reham Yasser
