آدم

في يوم جميل مشرق استيقظ آدم من نوم عميق في السابعة صباحا ليذهب الى الجامعة آدم يبلغ من العمر 20عاما،يدرس في جامعة الطب، آدم شاب وسيم مفتول العضلات ابيض البشرة له ذقن خفيفة نابتة بتهذيب وشعر اسود طويل يكاد يلمس أذنيه كانت لديه ابتسامة عريضة وجذابة،آدم يعيش مع جده لان أبيه وأمه قد توفاهم الله وهو صغير ذهب آدم ليغسل وجهه وذهب ليلبس ملابسه عندما جاء جده فجأة: ايه رايح الجامعة؟ -ايوا يا جدي -ربنا يوفقك يا حبيبي بس ابقي تعالي بسرعه عشان عايز احكيلك حاجة يا آدم -خير يا جدي في حاجه؟ -لا يبني مفيش بس اسمع الكلام بس -حاضر يا جدي ذهب آدم ليستعد للذهاب وبعدها ذهب في طريقه إلى الجامعة وصل آدم إلى الجامعة وحضر الدرس وعندما خرجوا للاستراحة قابل صديقه إياد إياد هو صديق طفولته كان إياد شاب جميل وطيب القلب يتميز ببشرته القمحاوية وابتسامته الرقيقة وشعره البني قال إياد إلى آدم قائلا: ايه يا آدم لسه بتشوف نفس التخيلات؟ -ايوا مش عارف في ايه وازاى ده بيحصل معايا -يبني ده وهم سيبك -وهم ايه ده مش وهم الحاجات اللي بتخيلها بتتحقق مش عارف ازاي بس ده مش وهم يا إياد -انت حر بس انت بتتعب نفسك علي الفاضي لم ينصت آدم له فا هو لم يقتنع بكلامه لأن أي شيء يتخيله يحدث! كان شئ غريب تعجب آدم من هذا الشئ وكان يفكر كثيرا ويسأل نفسه"ليه بيحصل معايا كدا انا مش فاهم اشمعنا انا! "ولكن لم يحصل على إجابة هذا السؤال وفجأة مرت فتاة جميلة جدا كانت تتميز بشعرها الطويل الأسود وعينيها الزرقاوين الجميلتين كانت تذهب الى الكافتيريا في الطاولة التي بجانب آدم كان آدم يتأمل في جمالها إياد: ايه عجباك؟ -لا يا عم عادي كنت بشوف مين جاي بس -اه اه صدقتك أكمل إياد حديثه قائلا: دي ليان معانا في الجامعة قسم جراحة -وانا مالي يعني -فكرت الموضوع يهمك بس فجأة تخيل آدم أن هناك قنبلة في مكان ما فا صرخ قائلا: اهربواا بسرعهه المكان هينفجرررر اندهش الجميع  ظنوا انه مجنون ولكن عندما استمر آدم بالصراخ خاف الجميع وخرجوا من الجامعة وبالفعل انفجرت الجامعة اندهش إياد وقال إلى آدم: ايه ده! هو طلع بجد!!؟ -قولتلك بس مصدقتنيش.. ذهب آدم إلى البيت في دهشة قابله جده علي الباب وقال: مالك يا آدم في ايه يا حبيبي مالك يبني -يا جدي انا بقا بيحصلي حاجات غريبة مش عارف في ايه -هي التخيلات بقيت بتظهرلك؟ -ايه ده انت عرفت ازاي -جه الوقت يا آدم لازم تعرف الحقيقه قبل ما يفوت الاوان ثم اكمل الجد حديثه قائلا: آدم احنا مش من هنا قال آدم ضاحكا: امال من فين يا جدي -احنا من مملكة السحر وتحديدا إيستازيا -إيستازيا ايه ومملكة سحر ايه يا جدي انت بتعمل فيا مقلب يعني ولا ايه قال الجد وهو غاضب: انا مش بهزر يا آدم! اسمع اللي هقولهولك ده كويس جدا قبل ما يفوت الاوان أكمل الجد كلامه قائلا: آدم احنا مش من هنا احنا من مملكة السحر مملكة إيستازيا، المملكة دي زمان كانت مملكة الخير كان اهلها طيبين بس بعدها استولوا عليها السحرة الأشرار وبعد ما كانت مملكة الخير والنور بقيت مملكة الشر والظلام واحنا هربنا من المملكة دي زمان عشان لو فضلنا كنا هنموت وامك وابوك ماتو هناك -ثواني ثواني يعني احنا مش من هنا؟ -لا يبني -طب انا ايه علاقتي بكل ده ما خلاص احنا جينا هنا وهنعيش وخلاص قال الجد ضاحكا: لاا مهي مش بالساهل كدا ثم اكمل: كل حد فينا عنده قوة خارقة وانت عندك قوة التخيل اللي بتتخيله بيحصل وكل اللي عنده قوة خارقة بيبقي مدين للمملكة بيها ولازم تحررها، أنت المختار يا آدم -انا؟ ليه انا اشمعنا انا؟ -عشان يا آدم لازم في المحارب وفي الشخص اللى هيحرر المملكة تكون فيه صفات معينة والصفات دي موجوده فيك انت بس يا آدم ثم ذهب الجد الي الخزانة وأخذ صندوق وأعطاه إلى آدم وقال: خلي دول معاك يا آدم هتحتاجهم -طب ايه انا مش فاهم اعمل ايه برضو أخذ الجد نفساً عميقا ثم قال:هتفهم يا آدم هتفهم