البارت الثالث 🦅

حنين:تجاهلت نظرات وائل وكلامة المكرر مثل كل يوم سويت نفسي مشغولة بفوني وكملت طريقي فجأة صار كدامي وسحبة من ايدي …

وائل: مامليتي من التغليس

حنين :خذت فوني ورفعت صبعي بتحذير:

وقاحتك راح تكلفك هواي ابتعد عني افضلك

صدر صفير وضحك بستهزاء :

:والله وطلعلك ريش

حنين:دفعته وكملت طريقي بغضب احاول اسيطر على اعصابي ما اريد اسوي شي ينحسب عليه كدام النقيب اليدور سبب يستبعدني بي من المهمة .

توقعت صدي اله راح يبعدة عن طريقي ماجنت اظن راح ادفع ثمن سكوتي ويقلب الموازين ضدي … دخلت للقاعة شمرت الجنطة وطلعت يم يقين …

يقين:اوباا قنبلة موقوتا قادمة بتجاهنا اربطو الاحزمة

حنين: كعدت يمها شابكت ادي ابعض وهتزت رجلي بتوتر … ما ناوي على خير

يقين:  منو؟

حنين: وائل الكلب ، والقاهرني ماكدر اردة خايفة يقلب الموضوع ضدي واخسر الشغل

يقين: حاجي النقيب

حنين: اللتفتت عليها وضحكت بستهزاء

النقيب رايدها من الله حتى يبعدني عن المهمة ، يمكن لو يدري بوائل يتفق ويا حتى ايخلوني بموقف انطرد بسببه

يقين: لا تصيرين ظالمة

حنين:قربت ادي يم راسها وتابعت كلامي:

امنيتي افتح عقلج واغسلة بقاصر وخلي بالشمس ورجع اغسلة وهم اخلي بالشمس بعدها ارجعة براسج

يقين :ليش عود ؟

حنين :حتى ينطيني حل نظيف لمشاكلي بعيدا عن قذارة افكارج

يقين: مو صوجج صوجي اصلا كاعدة يمج واساعدج

:السلام عليكم

النقيب حسام طلب حضورج المكتبة

حنين:  اللتفتت ليقين بستغراب

روح اني اجي وراك

- تمام بس بسرعة ميحب احد يتاخر عليه

حنين: تمام

ضربتني بكتفها وضحكت

يقين: يمكن اشتاقلج

حنين: يراد اشوي وذبة للجلاب القاصر ميفيد

يقين : ههههههه باجر اشيل جهالكم بيدي

حنين: عفتها بأحلامها ورحت لمكتب المسؤول دخل الشرطي قبلي اذنلي بالدخول ..

حسام: اهلا حنين تفضلي

حنين: اهلا سيادتك طالبني

كام من مكانة واجه مقابيلي

حسام: شوفي حنين ماحب الف والدوران اكولها الج من الاخير انسحبي من المهمة لان مو مناسبه الج ومراغب وجودج وياي اريد شخص ثاني بديل ايناسبني

حنين: عفوا سيادتك اني مو قطعة ملابس حتى اذا متعجبك تاخذ غيرهاا مثل ما سيادتك وصلك خبر اني شريكتك وصلني محد اختار الثاني واذا هيج وجودي مضايقك خبر المسؤول مو تخبرني لو متكدر تواجهة

حسام: انتِ منتبهة لكلامج؟

حنين: مكلت شي خطأ بس يا ترى انت منتبه لكلامك

حسام: انتِ مجرد متدربة لتنسين نفسج واكفة يم منوو

حنين: ببتسامة

دام تعرف الفرق البينا ليش تطلب مني انسحب

خله ادي بجيوب البنطرون واردفت بتساؤول:

:ليش تردين هاي المهمة بالذات ؟

- ماعرف المنتظرني شنو بس الاريد اعرفة شنو سبب رفضك الي وانت متعرفني ؟

: بأختصار لانك متدربة وبنت

- تهمك الرتب؟

: اي

-ما الها قيمة

ضحك بستهزاء وتابع كلامة

: من شوكت الرتب ما الهن قيمة

- ببتسامة:

من شفت النقيب يطلب من متدرب ينسحب من مهمة

: طلبت منج تنسحبين لان انـ

- قبل ليكمل قاطعتة

لان انت متكدر تغير القرار النازل بالكتاب ولا عندك سلطة تغيرني واذا رفضت راح تنضر سمعتك فابالتالي تريدني اصير بوجه المدفع واضحيلك وهذا دليل على ان رتبتك مالها قيمة

: انتهى نقاشنا وجهزي نفسج للتدريب

حنين: طلعت من مكتبة بغضب

ماعرف ليش مستصغرني ورافض وجودي والشاغل بالي اكثر شنو هي المهمة وليش البارحة كال انو مجرد دخول المكان يعتبر انجاز ! يا مكان قصدة وشنو نوع المهمة وليش معندي علم حد هسه !؟

رحت لمكان التدريب انتظرة يجي

حسام: بتوعد

صار لازم ابلش بالتدريبات بس نشوف طاقتج نفس اللسانج لو تشردين من اول يوم ..

حنين :مرت دقائق اوصل بس مغير ملابسة لابس بدي اسود نص ردن بارز تقاسيمه وعضلاتة و بنطرون اسود اجه بتجاهي وكال:

حسام : جاهزة نبلش

حنين: اي جاهزة

حسام: اول شي راح نتعلمة تدريب السلاح

حنين: سلاح؟

حسام: اي ويلا لتضيعين وقت

: انتقلنا للساحة النهائية كانت مجهزة بالكامل للتدريب كأنه يدري راح ارفض اقتراحة … اتقدمت وسط الساحة سحبت السلاح وكلبتة بأنبهار باوعت للوحات الكبار ورفعت السلاح غلقت عين وقربت السلاح لعيني المفتوحة على بعد مسافة قليلة قبل لا اضغط على الزنادة سحبة مني …

-شغليي عقللجج وبطليي غباء

:شسويت ؟

-لجج سلااح هذاا مو لعبببة وهييج مقرربته عليج لوو ضاغطة الزناد جان راحت عينج ويبلوني بييج اكثرر ما مبتلي

:كلتها باللسانك لوو ضاغطة بس ما ضغطت

-ترديني انتظرر تصخمين ياله احجي

-بقلة صبر

ترا افهم بالسلاح مو غبية

:حلووو وسلاحكم مرخص لاا

-سلاح صيد

مسح وجهه بقلة صبر وللتفت عليه

:عوفي هذا اخذي ذاك السلاح وتعاي يمي

-اشرت على البيدة بتساؤل

ليش مو هذا

:تتعلمين على السلاح ياله تبدأين بهيج نوعية ويلا لا تعطلينا جيبي وتعاي …

:نفذت كلامة بدون اعتراض وبدأنا تدريبات كان اسلوبة مستفز كانه مهمتة ازعاجي مو ايعلمني ، انجبرت اسكت واحول التدريب لتحدي بدل التعليم ...

-كأول تدريب معلوماتها جيدة وتركيزها قوي رغم محاولات استفزازها ماكدرت اشتتها وانتصر بتهربها من المهمة العزمت على تحقيقها من اليوم لحد اخر دقيقة الي وياها بفترة التدريب

:بنهاية التدريب باوعتلها بنظرات انتصار قابلني استصغار هز ايده وضحك …

- يرادلج تدريب سنة حتى تتعلمين مسكة السلاح مو التصويب

: انـ

- فاشلة باستخدامة انسحبي افضلج قبل لا تضيعين تعبي وتخلين نفسج بموقف محرج وي المسؤل

:سيادتك مستعجل بتخاذ القرارات بس اطمئن منا الحد ما تخلص الاربع اشهر تلكاني افضل شريكة تشاركك المهمة ومراح اضيع تعبك

- باجر الكاج هنا قبل الـ8

:ان شاء الله

انتهى التدريب رجعت للبيت ميته تعب كبل صعدت سبحت وبدلت بعدها دخلت غيبوبه لليل ياله كعدت اتعشيت وصليت وبدأت تدريب على البرمجة …

ثاني يوم كعدت قبل التنبيه سبحت وجهزت نفسي بنطرون وبدي اسود حسب الزي الخصصة الي رفعت شعري بدون ما اترك مجال لخصلاتي تتبعثر … لبست حقيبة الظهر ونزلت للخط اواجه تحدي جديد .

يقين: شو صامت اليوم بشنو مشغولة

حنين: بتنهيدة

بسيادة النقيب المحترم

يقين: قربت عليها وهمس بحماس

شسوالج !!

حنين :دفعتها وكمت ليورا

الله ايرزقج باليعكر مزاجج

يقين: ههههههه سرج ابير احجي لا تخافي

حنين:لبست الهتفون وغمضت عيوني انطي النفسي استراحة قبل دخولي لحرب دموية … من بعد مدة حسيت السيارة توقفت وايد تندس بيه …

يقين :صح النوم يحلو وصلنا

حنين:غلقت الهتفون ونزلنا نتمشى بكل ثقة عكس اول ايام النا نخاف نرفع عيونا بوجه الحرس المحاوطين المكان ، دخلت للتفتيش شوفتها الباج ودخلت جوا

يقين :نلتقي بنهاية الدوم

حنين: تمام

بفصلنا تغيرت اماكنا رحت للقاعة المخصص لغراضنا خليت الجنطة والفون وطلعت للساحة وبداخلي قلق من وجودة … عبرت الممر الفاصل ومديت راسي بترقب اتنهدت بأريحية من شفتة بعده مجاي . .

قربت على الطاولة المجهزة بادوات التدريب شلت السلاح ورفعته بتجاه اللوحة غمضت عيني وركزت الثانية على الهدف 1 … 2 … 3 … ضغطت الزناد وندفعت خطوتين للورا بقوة ضربتة باوعت لمكان الطلقة متمركز بالزاوية رفعت ايدي بحماس yes

حسام: تحتفلين بفشلج لو تأخيرج

حنين:اللتفتت عليه بفزع شفتة واكف وراي ومكتف ادي: سيادتك اجيت قبلك

: اذا قبلي منو الجهز الساحة خيالج لو دازة الشبح مالتج ايجهزها النا

-راح بتجاه احد اداوات التدريب مشيت ورا وتابعت كلامي بتذمر …اجيت على وقت وترا هدفي بالصميم

رفع حاجبة واشر على اللوحة …

:متأكدة بالصميم

-رجعت ادي ورا ظهري ودنكت على رجلي التدفع التراب بخفة … بنهاية الصميم

:الطلقة الجاي اذا مو بالصميم اخليها براسج

- امرك

:دوري الساحة ثلاث دورات حركي جسمج وتعاي نبدا التدريبات

-عقاب قبل التدريب؟

صفك ادي وصاح بنبرة أمر

:يلا يلا ثلاث دورات واذا اسمع صوتج يصيرن اربعة

- امرك

مشيت بخطوات بطيئة ثواني وتحولت لهرولة سريعة الحد ما بلغت ثلاث دورات وكفت يمه وثبتت ادي على اركبي اهدئ نبضاتي المتمردة… رفعت راسي وسحبت نفس بهدوء … شنو خطوتنا الثانية

:بالصميم

-اخذت السلاح البيدة ونيشنت على الهدف خليت ايدي على الزناد وصوبت صارت مقاربة للضربة القبلها

:فاشلة

-باوعت الادي احتلتهن الرجفة نزلت السلاح وخليتهن ورا ظهري امنعة ايشوفهن :اخفقت مرة الثانية انجح

:ماكو ثانية هي شمرة ايد وشمرتج مال طبخ مو اسلاح انسحبي افضلج

-ضحكت بستهزاء واني اتذكر كلام امي صفن بوجهي ونتر

:شنو اليضحك

-ماعرف اطبخ وكل محاولاتي انتهت بطردي من المطبخ

:معنها متفيديـ

-قاطعت كلامة بثقة

معناها مكاني هنا مو بالمطبخ

: تمرني بنهاية الدوام اختبرج

-شمر عليه السلاح ورح بنهاية الساحة طلع فونة وكعد يتصفح هزيت راسي بيأس ورجعت ادرب …غبي عبالة تصرفاتة تخليني انسحب

مرت ايامي شبيها ابعض نفس الروتين اليومي يتكرر اروح للدوام ابلش مشاكل وعرك وي النقيب بعدها تبدا مهمة التدريب واهم خطوة بالتدريب شلون يحطم ثقتي بنفسي حتى اكره المهمة وانسحب بس للأسف بائت كل محاولاته بالفشل ...

يقين: مشاعري مختلطة ندم وحماس

حنين :على شنو؟

يقين: تنهدت وسندت جسمي على الحايط

على كلشي

حنين : متغيرة اليوم صاير شي

يقين:اللتفتت عليها وصفنت بتردد بين الاحجي لو اعوف كلشي بوقته … تعبانة من التدريبات

حنين :سلاح لو شنو

يقين: لا

تدريبات بدنية وعقلية

حنين: مفهمت شلون يعني

يقين: تدريبات لفهم لغة الجسد لازم تحزرين الشخص المقابيلج بشنو يفكر والكلام اليكولة صحيح لو كذب وهذا كله يعتمد على حركاتة وتغير ملامحة

حنين:وهذا شنو ربطة بشغلنا؟ تفتشين لو تستجوبين! ترا لهسه مفاهمة شي كلامج يختلف عن النقيب كل حجاية ويحذرني من المهمة وينعتني بمصطلحات تحسسني داخلة بحرب وخايف لا اخسرة

يقين :معليج بي يمكن شافج احسن منه وخاف لا تاخذين الضوء منه

حنين:مو كاعدين بمسرح حتى اخذ الضوء منه … اهتز فوني معلن وصول مكالمة نزلت انظاري للشاشة وضحكت:  طلع ابن حلال

يقين:  منو؟

حنين: منو غيرة يعني هاج ودي فوني بجنطتي خاف اتأخر ويرزلني

يقين :الله ايعينج على القمر البلاج بي

حنين: فلا تصيرلج جارة ابد

عفتها ورجعت اواجهة مصيبتي باوعت من بعيد  شفتة كاعد على الكرسي بوسط الساحة وينضف بالسلاح : نعم سيادتك

اللتفت عليه بنظرة سريعة وكام من مكانة:

حسام: شوكت تبطلين تأخير

:هاي اني اجيت شتأمرني

- نكمل تدريب السلاح وهل مرة نستخدم مجسم صغير اريد تصيبين الهدف اي خطأ تتعاقبين واني متأكد راح تتعاقبين

: بملل

سيادتك تعلمني لوتحطمني

-بدون ما اسوي شي انتِ بلا فايدة يلا ركزي

:احس طاقتي على الصبر نفذت قررت العب بأعصابة بدل ما هو ايسوي هيج مجرد كمل كلامة دار وجهة على المجسم البعيد ايوجهني على مكان الهدف

رفعت اسلاحي صار كل تركيزي مصوب عليه مجرد اضغط على الزناد حتستوطن الطلقة براسة …

استغرب من سكوتي المفاجئ اللتفت عليه وتوسعت عيونه بصدمة:

- حنين شدا تسوين !؟

: بقيت موجهة السلاح عليه وشبح ابتسامة على شفتي... الهدف منا اقرب سيادتك

- بلا خبال نزلي سلاحج

: بدون مقدمات درت السلاح ورميت بتجاه المجسم نبتت الطلقة بالراس نزلتة وضحكت بنتصار :ها سيادتك شنو رايك

-حركات الجهال ماريدهة تتكرر

: ماسويت شي بعدني

تراجع خطوات للورا وتابع كلامة بغضب مخفي 

- كملي التسديد على باقي المجسمات

: ليش هيج بعيد ترا ما اعض

-لسانج طولان انتبهي للكدامج منو

: باوعت بعيونه بتحدي

الكدامي شريكي النقيب حسام

- ركزي على هدفج يلاا

:ظليت اتمشى وارمي على المجسمات الموضوعة بنهاية المكان صفك ادي وصاح

- هررولة وتسديد

:سرعت خطواتي اتجاوز العقبات المخليهم بطريقي وارمي على المجسمات وصلت للنهاية ورجعت اركض واسدد الهدف قبل لا اوصل يمه عثرت رجلي بأحد الحواجز وكعت من حسن حظي وكعتي قبل لا اضغط على الزناد … قرب عليه ومد ايده يكومني

-حتى تبطلين استهتار بالتدريب

:تجاهلت ايده المادها الي وكمت وحدي:

ياريت نكون شركاء حقيقين مجان صار كل هذا بس دامك مصر على خروجي اتحمل اليصير

-تحدي !

:اني متدربة قبل لا اكون شريكتك بالمهمة والمفروض استفاد من خبراتك بس الظاهر حظرتك اناني وتريد الانجازات والمدح النفسك وبس 

-…

:خل نكمل تدريب

رجع لنفس سوالفة لحد ما انتهى التدريب بمعجزة. اخذت جنطتي وطلعت للخط

يقين: شلون كان لقائج بالفارس

حنين :زفت مثل كل يوم

يقين: حمدي ربج مهمتج فردية وي نقيب صاك

حنين: شكد مستفزة

يقين: قابل جذب

حنين: بابا هذا مختل رسميا جاي ايسوي كلشي حتى ايخليني انسحب من المهمة بس على جثتي ما اسوي اليريده لو ينجلط كدامي

يقين: يعني صارت شغلة اعناد

حنين: بالضبط لو اني لو هو

حنين:مرت يوم … اسبوع … شهر … استمر بمحاولة ابعادي بالوقت الزاد تعلقي بالمهمة والاصح تعلقي برفض طلبة …

اجتازيت جميع الاختبارت الوضعها الي برمجة ، سلاح وغيرها من الامور الحاول يثبت غلطهم بأختياري لكن بالنهاية ثبتتله محد غلط بوضعي شريكة اله …

بكل يوم ايزيد فضولي للمهمة بالوقت الزاد غموضة ونزعاجة من وجودي رافض لسماع اي شي مني وهل شي ضيعني وضيع فرصة الخروج منها …

حسام :راح نبدأ بتدريبات جديدة تعتمد على طاقة جسمج تعاي وراي

حنين :خطوتنا كانت لنفس المكان لتوقعت مراح اوصلة كان عبارة عن قاعة مليانة ادوات تدريب عسكرية …ظلت عيني تتجول بغرابة لاول مرة احس نفسي مو بمكاني سؤال يتبع سؤال والجواب مجهول اني وين ، شنو الوصلني لهيج مكان، شنو الراح اعيشة بعد هذا الاختبار، والمهمة شنو !؟ سيادة النقيب ممكن سؤال

حسام: اذا ميخص التدريب لا

حنين: زفرت بملل

بس ضروري تجاوبني

حسام: كولي

حنين : شنو سبب كل هاي التدريبات وعن اي مهمة تحجون انت والمسؤول الهل لحظة مفاهمة شي

حسام: شنو قصدج ؟

حنين: سيادتك اني اجتازيت الاختبارات الاولى و السلاح رغم مو كلهن استخدمهن بالتفتيش

حسام : بغضب

انتِ شتحيجين يااا تفتيشش

حنين: توترت من غضبة وصوتة العالي تراجعت بخطوات وتابعت كلامي: غير حكون مفتشة

حسام: انتِ غبييية لووو شنووو شلوون تقدمين على مهمة وباقية هل فترة كلهاا بدون متعرفين مهمتج شنوو مكلفتي نفسج تسألين احددد شسوي بيج هسه فهميني

حنين:اول شي لتعلي صوتك عليه صار اشهر متحملة عصبيتك واهانتك وتصغيرك الي اكول عسى ان يجي يوم ويتقبل وجودي وياا بس كل يوم تثبتلي العكس

وبعدييين اسئل منوو موو انت المسؤول عنيي و من واجبك تفهمني على المهمة بدل مظال تسوي حركات الجهال بهدف انسحابي من المهمة كلي عملي شنوو

حسام: لانك غبيه تفهيمن شنو غبيه انت هسه بمهمه تطهير دنس اخطر منطقة ابغداد لججج هاي منطقة حتى الطير الطاير ميسلم منهم كل انواع الجرائم بيها ولازم سنة تبقين بيها تعرفين شنووو سنة

حنين: اول مرة يعتليني الخوف

قصدك ازقة الموت !!!

حسام: اي

حنين: نزل الخبر مثل الصاعقة على مسامعي احس رجلي متعيني اوكف معقولة اني اداوم هناك!  شسوي شلون اخلص نفسي من هل ورطة اني وين وهاي المهمة وين

حسام: هسه عرفتي ليش رافض وجودج وياي

حنين: مكدرت ارد عليه احس نفسي بدوامة مالها نهاية والطريق الوحيد الها مغلق فززني نبرة صوتة العالية

حسام :عرفتي حجم المصيبة مووو

حنين: بتلكئ

ا اريد ارجع للبيت

حسام: بقلة صبر

روحي

حنين: طلعت من القاعة والخنكة بصدري احس الهوا عجز يدخل ريتي ، سحلت نفسي للقاعة خذت جنطتي وطلعت للبيت بدون ما انتظر الخط …

اني شلون وصلت لهيج مكان شورطني وشيطلعني منه !ما اكو غير اهلي مثل ما دخلوني ايطلعوني مستحيل ابقى واحكم على حياتي بالموت …

°

°

°

حوراء المحمداوي

°

°

°